2 SAMUELA 24:16 - Jinghpaw Common Language Bible 2009

¹⁶ Dai Madu a lamu kasa gaw Yerusalem mare hpe jahten hkyen nga yang, amyu masha ni hpe ari jaw ai majaw dai Madu myit galai mat nhtawm shanhte hpe sat nga ai lamu kasa hpe, “Hkring sanu! Ram sai!,” ngu nna tsun wu ai. Shaloi dai lamu kasa gaw Yebusi masha Arauna a mam chyarang makau e nga nga ai.

Jinghpaw Hanson Version Bible

¹⁶ Ya dai lamu kasa gaw, Yerusalem mare de jahten shabya na nga shi a lata shada wu yang, Yehowa mahtang ari dai hte a majaw myit bai kayin nna, Ram sai, na lata dawm la nu, ngu nna masha ni hpe jahten shabya ai lamu kasa hpe tsun wu ai. Yehowa a lamu kasa chyawm gaw, Yebusi masha Arauna mam chyarang makau e hkring nga ai.

2 SAMUELA 24:16 ပူးပေါင်းရင်းမြစ်များ

NINGPAWT NINGHPANG 10:16

Hkanan gaw Yebusi, Amori, Girgashi, Hiwi,

NINGPAWT NINGHPANG 6:6

shi shanhte hpe hpan da nna ginding aga ntsa e shanu nga shangun ai hpe shi a kraw lawang e yawn nga ai.

2 SAMUELA 24:18

Gad mung dai shani jang Dawi kaw sa nhtawm shi hpe, “Arauna a chyarang pa de lung wa nna dai Madu a matu tawn hkungri langai galaw u,” ngu nna tsun wu ai.

2 SAMUELA 5:8

Dai shani e Dawi gaw shi a masha ni hpe, “Ngai zawn zawn Yebusi masha ni hpe n dawng ai masha nang e kadai wa nga nga a ni?, nga nga ai rai yang, shanhte hpe sat kau ram nga ai n rai ni? Dai rai nna hka hkawng hku lung wa nhtawm dai matsan mayan re ai myi kyaw ni hte lagaw hten ai ni hpe htim gasat mu,” ngu nna tsun wu ai. (Dai re ai majaw dai gaw, “Myi kyaw ai ni hte lagaw hten htu ai ni gaw dai Madu a nta de n shang lu na ma ai,” ngu ai ga malai tsun ma ai.)

1 HKAWHKAM 19:4

Elia mahtang nam mali kata de lani mi tup hkawm shang mat wa wu ai. Shi hkring nna hpun langai a shingnip hta dung nga let, shi si mayu nu ai hpe hpyi nga wu ai. Shi gaw, “Madu e, dai gaw nau wa rai la sai, nye asak hpe dawm la ya ni; ngai gaw si na mung rai nga nngai!,” ngu nna hpyi tsun wu ai.

2 HKAWHKAM 19:35

Dai Madu a lamu kasa gaw dai shana jang Asuri hpyen ni but nga ai dap de sa wa nna, hpyenla sen mi mun matsat hkying manga hte hpe sat kau wu ai. Hpang shani jahpawt jau jau aten hta dai shara e shanhte yawng si taw nga ma ai!

1 HKAWHKAM LABAU 1:14

Hkanan gaw Yebusi, Amori, Girgashi,

2 HKAWHKAM LABAU 3:1

Shawlumon a kawa Hkawhkam Dawi chyawm gaw Nawku Htingnu gap na shara hkyen lajang da sanu ai. Dai gaw dai Madu Dawi hpe shadan dan sai Yerusalem mare na Moria Bum ntsa ngu na Yebusi masha Arauna lang yu sai chyarang pa hta rai nga ai.

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

SHAKAWN KUNGDAWN 135:14

Dai Madu shi a amyu masha ni hpe makawp maga nga nna; shi a shangun ma ni a ntsa e, matsan dum ai myit rawng nga na ra ai.

SHAKAWN KUNGDAWN 35:6

Dai Madu a lamu kasa gaw shanhte hpe adup kadawng yang, shanhte a hkawm sa ai hkrun lam gaw sin mak mat ai hte manen mat mu ga!

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

SHAKAWN KUNGDAWN 90:13

Na a masin kahtet ai gaw kade wa na hkra rai na rai nga a ta? Madu e, na a shangun ma ni hpe matsan dum la mi law!

PRU MAT 12:13

Chyinghka hkadun ni hta kap ai asai gaw nanhte rawng nga ai nta hpe matsing na matu kumla tai na ra ai. Dai asai hpe ngai mu ai shaloi, nanhte hpe ngai shalai kau da na we ai. Egutu masha ni hpe ari jaw ai shaloi nanhte hta machyi shoichyum hkrum na myit dai n rai.

PRU MAT 12:23

Dai Madu gaw Egutu masha ni hpe sat na nga, Egutu mung de dinghkren hkawm mat wa ai shaloi, chyinghka hkadun hte hkanoi ni hta arut shakap da sai asai hpe mu jang, Si Du a lamu kasa hpe nanhte a nta de shang nna nanhte hpe sat kau shangun na nngai n rai.

PRU MAT 32:14

Dai re ai majaw dai Madu gaw shi a myit hpe galai kau nna, shi a amyu masha ni hpe jahkrit shama na ngu ai ru yak tsin-yam tsindam hpe dawm kau ya wu ai.

PRU MAT 9:28

Dai Madu hpe hpyi nem ya mi! Anhte hta ndai mu hte sin marang hkrat ai gaw ram la nga sai. Nanhte hpe dat dat na matu, ngai ga sadi jaw nngai; dai rai nna nanhte gaw ndai yang e loi mi mung nga lu na myit dai n rai,” ngu nna tsun wu ai.

ESAIA 27:8

Dai Madu gaw shi a amyu masha ni hpe maigan mungdan de gawt shapraw kau ai ari jaw nga ai. Shi gaw shanhte hpe sinpraw nbung bung ja hte shapoi kau nu ai.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

YEREMIA 26:19

Hkawhkam Hezekia hte Yuda mung masha ni gaw myihtoi Mihka hpe n sat ai sha tawn da nga ai. Dai hku galaw na malai, Hezekia mung dai Madu hpe shagrau nna shi hpe hpyi nem wu ai. Dai Madu gaw shanhte hpe ari jaw na matu tsun mu ti mung, shi a myit galai kau wu ai. Ya anhte chyawm gaw anhte ni a ntsa e, hkrit hpa tsin-yam tsindam shadu la hkyen nga saga ai,” nga nna tsun ma ai.

YEREMIA 42:10

‘Nanhte ndai mungdan hta matut nna shanu nga mayu ai rai yang, ngai nanhte hpe de da na nngai; nanhte hpe ashep ashin di kau na n rai; ngai nanhte hpe hkai da na nngai, nanhte hpe baw kau na n rai. Ngai nanhte a ntsa e shapraw dan sai jahten shabyak lam gaw ngai hpe yawn hkyen kaba shabyin ya nga sai.

AMO LAIKA (AMOS) 7:3

Dai Madu gaw shi a myit galai mat nna, “Nang mu ai lam gaw byin wa lu na ra ai n rai,” ngu nna tsun wu ai.

AMO LAIKA (AMOS) 7:6

Dai Madu gaw shi a myit bai galai mat nna, “Dai gaw byin wa na ra ai n rai,” ngu nna tsun wu ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.

ZEHKARIA 9:7

Shanhte gaw sai rawng ai shan lusha galoi mung sha lu na ma ai n rai, kaga hkum pat da ai lusha mung sha lu na n rai. Naw hkrung nga ai ni gaw nye a amyu masha daw chyen mi tai wa nhtawm Yuda amyu bawsang na amyu lakung langai zawn tai na mara ai. Ekron chyawm gaw Yebusi masha ni zawn nye a amyu masha daw chyen mi tai na mara ai.

MARKU 14:41

Masum lang ngu na nhtang wa yang, “Nanhte gaw naw yup pyaw nga nna hkring sa la lu nga myit ni? Ram sai! Ahkying aten du sai! Yu mu, dai Masha Kasha gaw yubak kap ai ni a lata hta ap kau ai hkrum na ra ai.

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

2 KORINHTU 2:6

Nanhte malawng maga e mara shagun daru sharin hkrum ai lam gaw dai wa a matu ram ging ai ari rai salu ai.

YAWSHU 15:63

Rai ti mung, Yuda lakung lama ni mahtang Yerusalem mare e nga ai Yebusi masha ni hpe n lu gawt shapraw kau lu ma ai rai nna, dai mare e Yuda lakung lama ni hte rau naw nga nga ma ai.

TARA AGYI 1:21

Rai ti mung, Benyamin amyu bawsang ni chyawm gaw Yerusalem mare e nga ai Yebusi masha ni hpe gawt shapraw kau ma ai n rai; dai Yebusi masha ni mahtang dai ni du hkra Benyamin masha ni hte rau dai mare e anga nga ma ai.

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.