2 SAMUELA 24:15 - Jinghpaw Common Language Bible 2009

¹⁵ Dai rai nna dai Madu gaw dai jahpawt kaw nna shi masat da ai aten du hkra, Israela a ntsa e ana zinli kaba dat dat wu ai. Dai majaw mungdan jahtum shara mi kaw nna maga mi de du hkra na Israela masha mun sanit si mat ma ai.

Jinghpaw Hanson Version Bible

¹⁵ Shing rai Yehowa gaw dai jahpawt kaw nna, madat da ai aten du hkra, Israela amyu hta ana zinli dat dat wu ai rai nna, Dan mare kaw nna Berasheba mare du hkra, masha mun sanit si mat ma ai.

2 SAMUELA 24:15 ပူးပေါင်းရင်းမြစ်များ

2 SAMUELA 24:2

Dai re ai majaw Dawi gaw shi a hpyen luksuk hpe up hkang ai Yoab hpe ning ngu hkang dat wu ai: “Na a du salang ni hte rau mungdan a jahtum jut shara mi kaw nna kaga shara mi de du hkra nga ai Israela amyu bawsang ni yawng hpang de sa wa nhtawm amyu masha ni hpe hti yu su. Dai hkan e gade wa law nga ma ai hpe ngai chye mayu nngai.”

1 HKAWHKAM LABAU 21:14

Dai re ai majaw, Madu mung Israela amyu masha ni a ntsa de ana zinli dat dat wu ai rai nna shanhte hta na masha mun sanit si mat ma ai.

1 HKAWHKAM LABAU 27:24

Kanu Zeruia a kasha Yoab gaw dai yuptung jahpan la hpang wu ti mung, dai amu hpe shi n jahkum shatsup da lu nga ai. Dai yuptung jahpan hta ai majaw Israela hpe Karai Kasang ari jaw sai. Dai re ai majaw Hkawhkam Dawi a tara shang labau laika ni hta hpang jahtum na numbat hpe galoi mung n ka matsing da nga ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.

BU HKAWM 25:9

rai ti mung sat kau hkrum sai amyu masha ni gaw mun lahkawng e hkying mali rai nga masai.

MAHTE 24:7

Masha amyu mi hte amyu mi, mung mi hte mung mi, shada da majan byin na mara ai.

SHINGRAN 6:8

Bai, ngai yu dat yang, asit awat nsan ai gumra langai mi nga nga ai. Dai hpe jawn ai wa a mying gaw Si Du rai nga ai. Shi a hpang e Katsan Ga mung htep htep hkan nang nga ai. Shanhte gaw, mungkan ga a htam mali na htam mi hta nga ai masha ni hpe majan hte, hkuwa kaba hte, ana zinli hte, matse labye dusat ni hte zingri sat kau na ahkang lu da ma ai.

1 SAMUELA 6:19

Bet Sheme masha ni dai Ga Shaka Sumpu kata de yu yu ma ai majaw dai Madu gaw masha sanit shi hpe sat kau nga ai. Shanhte a lapran hta ndai zawn si ru ai amu kaba dai Madu shabyin dat wu ai majaw masha ni sharung shayawt nga ma ai.