2 SAMUELA 24:14 - Jinghpaw Common Language Bible 2009

¹⁴ Dawi gaw, “Ngai myit ru nga ai aten rai nga ai law! Rai ti mung masha ni ari jaw ai hku ngai n ra sharawng nngai; dai Madu shi nan mahtang anhte hpe ari jaw ai wa rai u ga, hpa majaw nga yang shi gaw matsan dum ai wa rai nga ai,” ngu nna htan wu ai.

Jinghpaw Hanson Version Bible

¹⁴ Shaloi Dawi gaw, Ngai myit grai ru nngai; Yehowa a lata hta mahtang a rai u ga; shi a matsan dum ai myit kaba la sai; masha a lata hta ngai n du n ga, ngu nna myihtoi Gad hpe tsun wu ai.

2 SAMUELA 24:14 ပူးပေါင်းရင်းမြစ်များ

2 SAMUELA 9:8

Mehpiboshet lang mi bai gum dagup nhtawm, “Madu e, ngai gaw gwi chyasi langai hta pyi grau nna asung n shang mat nga nngai; dai rai yang, nang ngai hpe hpa majaw grai yu matsan dum la nga n ni?,” ngu nna tsun wu ai.

2 HKAWHKAM 6:15

Elisha a shangun ma wa gaw hpang jahpawt manap jau jau e rawt let nta kaw nna pru wa yang, Suri hpyen hpung ni gaw gumra ni hte hpyen leng ni hte dai mare hpe wang tawn da nga ma ai hpe mu wu ai. Shi gaw Elisha hpang de bai nhtang wa nhtawm, “Madu e, an gaw daw dan ai she hkrum nga saga ai! Ya an kaning rai na rai nga ga ta?,” ngu nna tsun wu ai.

1 HKAWHKAM LABAU 21:13

Dawi gaw Gad hpe, “Ngai myit ru nga ai aten rai nga ai law! Rai ti mung masha a lata hku ari jaw ai hpe ngai n ra sharawng nngai. Dai Madu gaw matsan dum ai wa rai nga ai majaw shi nan ngai hpe ari jaw ai wa she rai u ga,” ngu nna tsun htang wu ai.

SHAKAWN KUNGDAWN 119:156

Rai ti mung, Madu e, na a matsan dum ai myit galu kaba nga ai rai nna; na a matsan dum lama ai myit madun dan nna ngai hpe hkye hkrang la e.

SHAKAWN KUNGDAWN 130:4

Rai ti mung, nang anhte hpe mara raw dat ya nga ndai, dai majaw, anhte nang hpe hkrit hkungga ai hte madat mara hkan sa nga ga ai.

SHAKAWN KUNGDAWN 130:7

Israela e, shi a tsaw ra myit gaw dinggrin anga nga ai hte; shi anhte hpe hkye hkrang la na matu, tut nawng e, ra sharawng nga ai majaw, dai Madu hta kam hpa nga mu.

SHAKAWN KUNGDAWN 145:9

Shi gaw nlang hte a ntsa e, mai kaja nga ai rai nna, shi galaw ai arai yawng mayawng a ntsa e mung, matsan dum ai myit rawng nga ai.

SHAKAWN KUNGDAWN 51:1

Karai Kasang e, na a dinggrin tsaw ra myit a majaw, ngai hpe matsan dum la e. Na a galu kaba ai matsan dum myit a majaw, nye a yubak ni hpe arut kau ya e.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

GA SHAGAWP 12:10

Mai kaja ai masha wa gaw tinang a yam nga ni hpe, yu lanu lahku chye nga ai; tara n lang ai masha ni chyawm gaw dai yam nga ni hpe sheng mareng rai ma ai.

ESAIA 47:6

Ngai gaw nye a amyu masha ni hpe masin pawt ni ai; ngai gaw shanhte hpe nye a matu zawn kachyi mi mung n sawn ai sha di kau ni ai: Ngai gaw shanhte hpe na a daru magam n-gun npu hta tawn da ni ai, nang shanhte hpe matsan dum myit n madun ndai, asak kaba sai ni hpe pyi laja lana di nga ndai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

YEREMIA 39:17

Rai ti mung, dai Madu ngai nan nang hpe makawp maga na nngai, nang gaw nang hkrit nga ai masha ni a lata de ap kau hkrum na ndai n rai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

Daniela 9:9

Anhte nang hpe gumlau kau saga tim, nang gaw matsan chye dum ai hte mara raw dat ya ai wa rai nga ndai.

YONA 4:2

Dai rai nna shi gaw, “Madu e, ngai nta kaw na garai n pru sa wa yang, nang ndai hku galaw na nit dai ngu nna ngai tsun ni ai n rai ni? Dai re ai majaw nye a matu kaja htum ai lam rai u ga ngu nna Spain mung de hprawng mat wa nngai! Nang gaw tsaw ra ai, matsan dum ai, myit galu kaba ai, n gaw n wai ai hte galoi mung ari jaw na hkyen ai myit hpe galai kau na jin nga chyalu re ai Karai Kasang rai nga ndai.

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

MIHKA 7:19

Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

ZEHKARIA 1:15

atsin zim rai let ngwi pyaw sim sa ai hta kabu gara nga ai masha amyu baw ni hpe ngai masin grai pawt nngai. Ngai gaw nye a amyu masha ni hpe loi mi sha pawt yang, masha amyu baw ni mahtang grau sawng hkra nye a amyu masha ni hpe nni nkri jahkum ma ai.

YAWHAN 12:27

“Ya ngai myit ru nga nngai-ngai kaning ngu tsun na rai ta? Wa e, ndai nni nkri hkrum na ahkying kaw na hkye hkrang la rit ngu nna tsun na rai ni?

HPILIPI 1:23

Ngai gaw lam lahkawng a hpatwat e rai nna kade nde nna gang da ai ngai hkrum nga nngai. Ngai gaw ndai ya hkrung nga ai asak hkrung lam hpe tawn kau da nna Hkristu hte rau asak hkrung mayu la nngai; dai gaw nye a matu grau kaja nga ai.

1 SAMUELA 13:6

Dai hpang, shanhte gaw Israela amyu masha ni hpe n-gun hte maja htim gasat ma ai majaw shanhte hpe myit chyum myit htum di shangun ma ai. Dai rai nna Israela amyu masha nkau mi mahtang lungpu hku ni, lunggrawp lungwawp ni, lunghkrung lungbra ni, nhkun ni hte hka htung ni hkan e makoi nga ma ai;