2 SAMUELA 24:1 - Jinghpaw Common Language Bible 2009

¹ Dai Madu gaw Israela amyu hpe kalang mi bai masin pawt bu nga ai rai nna, shanhte hpe sharu shatsang shangun na matu, dai Madu gaw Dawi hpe, “Israela hte Yuda masha ni hpe sa hti yu su,” ngu nna tsun wu ai.

Jinghpaw Hanson Version Bible

¹ Bai Yehowa gaw Israela amyu hpe pawt bu nna, shanhte hpe shut shangun na matu, Dawi hpe, Israela hte Yuda masha ni hpe hti yu na lam shadut wu ai.

2 SAMUELA 24:1 ပူးပေါင်းရင်းမြစ်များ

NINGPAWT NINGHPANG 45:5

Ya chyawm gaw ngai hpe ndai mung de dut kau dat myit dai majaw myit hkum ru myit; tinang hkum hpe mung mara hkum shagun nga myit. Ndai gaw masha ni a asak hkye mawai la na matu she, nanhte a shawng e Karai Kasang ngai hpe shangun dat ai lam rai nga ai.

NINGPAWT NINGHPANG 50:20

Nanhte ngai hpe n hkru ai hku gaw maw manit dai; rai ti mung byin lai wa sai lam ni a majaw dai ni du hkra masha law law a asak hpe jahkrung ya na matu Karai Kasang dai hpe mai kaja ai lam hku galaw nu ai.

2 SAMUELA 12:11

Ngai gaw na a dinghku kaw na masha langai mi nang hpe ru yak tsin-yam tsindam tam jaw na lam shapraw dat na we ai gaw nang hpe dagam shaka nga nngai. Na a lata kaw nna na a madu jan ni hpe ngai la kau ya nhtawm kaga masha wa a lata de jaw kau na hpe mung nang mu lu na rin dai; shi gaw shani chyingtung e nan pyi na a madu jan ni hte nga sha dan na ra ai.

2 SAMUELA 16:10

Hkawhkam wa gaw Abishai hte shi a kahpu Yoab yan hpe, “Ndai gaw nan a bungli n rai nga ai: dai Madu shi hpe tsun shangun nga ai majaw shi ngai hpe matsa ai rai jang mung, shi shing nga ai hpe kadai wa san lu na ahkang lu nga a ta?,” ngu nna tsun wu ai.

2 HKAWHKAM 3:6

Hkawhkam Yoram gaw Samari mare kaw nna kalang lata pru wa nhtawm shi a hpyen hpung ni yawng hpe shinggyin da wu ai.

1 HKAWHKAM LABAU 21:1

Satan gaw Israela amyu masha ni hpe sharu shatsang mayu wu ai majaw yuptung jahpan hta na matu Dawi hpe myit daw dan shangun wu ai.

1 HKAWHKAM LABAU 7:2

Htola gaw shadang sha kru lu ai; dai ni gaw Uzi, Rehpaia, Yeriela, Yamai, Ibsam, hte Shemuela ni rai nga ai. Shanhte gaw Htola amyu lakung na dinghku ni a ningbaw ni rai nna gumhkawng ai hpyenla ni rai ma ai. Shanhte a amyu matu ni gaw Hkawhkam Dawi a prat hta 22,600 law htam nga ma ai.

1 HKAWHKAM LABAU 7:40

Ndai ni yawng gaw Ashe a amyu matu ni rai ma ai. Shanhte gaw dinghku ni a ningbaw ni tai nna gasat gala ai hta gumhkawng ai hte laklai atsam marai rawng ai ningbaw ni rai ma ai. Ashe amyu matu ni hta na hpyen amu mai galaw ai masha 26,000 lawm nga ai.

2 HKAWHKAM LABAU 32:25

Rai ti mung Hezekia chyawm gaw dai Madu shi a matu galaw nu ai chyeju hpe shadan dan na matu nau wa gumrawng nga wu ai. Yuda hte Yerusalem gaw de a matu nni nkri hkrum sha nga ma ai.

PRU MAT 7:3

Rai ti mung hkawhkam wa a myit masin hpe ngai shaja ya na nngai; ngai gaw Egutu mung hta hkrit hpa kumla law law hpe kade mi galaw tim, na a ga hpe madat na n rai. Shaloi ngai gaw Egutu mung hta grai sawng ai ari kaba shabyin dat nhtawm nye a amyu masha ni a amyu bawsang ni hpe dai mung kaw nna woi shapraw la na nngai.

EZEKELA 14:9

“Myihtoi wa gaw n teng n man ai mahtai jaw nna htoi shut ai rai yang, dai gaw dai Madu ngai nan shi hpe shut shangun ai rai nga sai. Ngai gaw dai wa hpe Israela amyu masha ni a hpawng kaw nna yeng seng kau na we ai.

EZEKELA 20:25

“Dai hpang, ngai gaw shanhte hpe n kaja ai tara ni hte asak n jahkrung ya lu ai matsun maroi ga ni hpe jaw da nngai.

JAW JAU 10:6

Dai hpang Mawshe gaw Arun hte shi a shadang sha yan rai nga ai Eleaza hte Ihtama hpe, “Nanhte sharung shayawt nga myit dai hpe madun dan na matu nanhte a kara hkum hpyan kau myit; nanhte a hpun palawng ni hpe mung hkum gang je kau myit. Dai hku galaw ai rai yang si na rai myit dai. Dai Madu mung shawa hpung ting hpe pawt sindawng na rai wu ai. Dai Madu shangun dat ai wan a majaw byin ai rai nga ai; Rai ti mung kaga nanhte a hpu nau Israela masha ni yawng dai si hkrung si htan a matu sharung shayawt na ahkang lu nga myit dai.

BU HKAWM 1:19

dai Madu hkang da ai hte maren ka matsing nna hti tawn ma ai. Mawshe gaw dai masha ni hpe Sina Nam mali e jahpan hta la wu ai.

KASA 4:28

Shing rai shanhte hpawng de ai lam gaw Madu a n-gun atsam hte myit ra ai lam hku nna daw dan sai hte maren byin wa u ga matu rai nga ai.

2 HTESALONI 2:11

Dai re ai majaw, dai sawt ai lam hpe shanhte kam sham hkra Karai Kasang gaw dai shut ai lam a n-gun atsam shanhte hta amu galaw na matu shangun dat wu ai.

TARA AGYI 2:14

Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.

TARA AGYI 2:20

Shaloi dai Madu gaw Israela hpe pawt sindawng nna, “Ndai amyu masha ni gaw shanhte a kaji kawa ni hkan shatup na, ngai hkang da ai ga shaka hpe jahten sharun kau manu ai.

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.