2 SAMUELA 23:5 - Jinghpaw Common Language Bible 2009

⁵ N hten n run mat ai myit hkrum lam, galai shai n lu ai ga sadi ngu ai htani htana ga shaka ngai hte tawn da nu ai majaw, Karai Kasang gaw nye a amyu matu ni hpe shaman ya na ra ai. Dai gaw ngai ra sharawng ai lam yawng rai nna nye a awng padang rai na ra ai, Karai Kasang mung dai hpe teng teng shabyin dat na ra ai.

Jinghpaw Hanson Version Bible

⁵ Gaja wa, Karai Kasang a man e nye a amyu matu dai zawn re ai n rai; Rai timung, htani htana ga shaka gaw, shi ngai hte tawn da, nna, Yawng mayawng hpe shachyip ai hte shagrin da nu ai: Dai gaw ngai hpe hkye la ai lam, nye a sharawng shara tai nna, Dai hpe shatut da ya nu ai n rai ni?

2 SAMUELA 23:5 ပူးပေါင်းရင်းမြစ်များ

NINGPAWT NINGHPANG 9:16

Sumwi ni hta dai n-goila tum dan pru wa ai shaloi, dai hpe ngai yu nna, ngai hte ginding aga ntsa e shanu nga ai hkrung mahkrung ni yawng a lapran e tawn da ai dai htani htana hte seng ai ga shaka hpe dum nga na nngai.

2 SAMUELA 12:10

Ya chyawm gaw nang gaw nye a ga hpe n madat ai hte Uria a madu jan hpe la kau ya nit dai majaw, ban shagu na na a amyu matu nkau mi gaw kashun kashe du daw sai hkaw ai amu hte si mat na mara ai.

2 SAMUELA 13:14

Rai ti mung Tama tsun ai ga hpe shi n madat ya wu ai. Amnon mahtang shi hta grau n-gun ja ai rai nna shi hpe adip arip roi kau wu ai.

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

2 SAMUELA 18:14

Yoab gaw, “Ngai nang hte aten majoi mi n kam shama kau mayu nngai,” ngu nna tsun wu ai. Shi gaw nri masum la lang nhtawm wamyi hpun npu e noi nga nna naw hkrung nga ai Absalom a sinda kata de galun htinggrang bang dat ya wu ai.

2 SAMUELA 7:12

Nang si mat nna na a nji nwa ni hte rau lup makoi kau ai hkrum jang, na a shadang sha langai ngai hpe hkawhkam shatai ya let shi a mungdan hpe ngai shagrin shangang ya na we ai.

2 SAMUELA 7:18

Dai hpang Hkawhkam Dawi gaw dai Madu a hpung shingkang shanu nga ai Sum de shang dung nhtawm, “Tsaw Htum ai Madu e, nye a matu nang galaw ya sai amu ni hpe sawn yu yang, ngai gaw manu dan la ai wa n rai nga nngai; nye a dinghku mung hpa n rai nga ai law.

1 HKAWHKAM 1:5

Ya Absalom si mat jang, Dawi hte Hagit yan a kasha Adoniya gaw naw hkrung nga ai shadang sha kaba rai nga ai. Shi gaw nachying ahpraw asam tsawm ai wa rai nga ai. Hkawhkam tai wa na matu shi myit makun da nga ai lam hte seng nna, Dawi shi hpe galoi mung n daru kau yu wu ai. Shi gaw shi a matu hpyen leng ni mung, gumra ni mung, asak sin na matu masha manga shi hpe mung san tawn da wu ai.

1 HKAWHKAM 11:38

Nye a ga hpe tsep kawp nang madat mara nna, nye a tara ni hta manoi nga let nye a man e ding man ai amu shachyen nhtawm nye a shangun ma Dawi galaw ai hte maren ngai hkang da ai ga hpe hkan galaw ai rai yang, ngai gaw nang hte rau tut nawng anga nga na nngai. Ngai nang hpe Israela hkawhkam shatai na we ai; Dawi hpe ngai galaw ni ai zawn na a hpang e mung na a amyu matu ni teng teng up hkang na mara ai.

1 HKAWHKAM 12:14

shi a shabrang ni hpaji jaw da sai hte maren amyu masha ni hpe sheng mareng nga nna tsun let, “Nye wa gaw nanhte a ntsa e li ai lit ni hpe mara da ya manit dai; ngai gaw dai lit ni hpe grau li hkra naw jat ya na made ai. Shi gaw nanhte hpe sumri lasik hte kayat ai; ngai chyawm gaw nanhte hpe hpri ju kap ai sumri lasik hte anu kayat na made ai!,” ngu nna tsun wu ai.

SHAKAWN KUNGDAWN 111:9

Shi a amyu masha ni hpe shi shalawt dat nhtawm, htani htana hte seng ai ga shaka hpe shanhte hte shi galaw da nu ai. Shi gaw Chyoi Pra nga ai hte Chyalai n-gun rawng ai wa rai nga ai!

SHAKAWN KUNGDAWN 119:81

Madu e, ngai hki ba la nga nngai majaw, ngai hpe hkye hkrang la na matu, nang hpe ala nga nngai; na a mungga hta ngai kam hpa nga nngai.

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 62:2

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai gaw galoi mung sum hkrum na nngai n rai.

SHAKAWN KUNGDAWN 89:3

Nang gaw, “Ngai lata da ai masha wa hte ga shaka tawn da ni ai, nye a shangun ma kaja Dawi hpe ga sadi jaw da ni ai hte maren,

ESAIA 11:1

Dawi a hkawhkam amyu matu gaw kran kadawng kau hkrum ai hpun hte bung nga ai; rai ti mung ndu kaw nna nnaw nnan prut lung wa ai zawn hkawhkam nnan langai mi gaw Dawi a matu mara ni kaw na paw pru wa na ra ai.

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 54:10

Bum ni hte kawng ni ayai mat mai nga ai, rai ti mung na a matu nye a tsaw ra myit gaw galoi mung htum mat na ra ai n rai; ngai gaw nye a ngwi pyaw sim sa lam a ga sadi hpe htani htana shatup nga na nngai.” Dai rai nna, nang hpe tsaw ra ai dai Madu gaw shing nga tsun ai.

ESAIA 55:3

Nye a amyu masha ni e, ya madat mu, ngai hpang de sa wa mi; ngai hpang de sa wa mi, nanhte asak hkrung nga lu na rai myit dai! Ngai gaw nang hte htani htana ga shaka tawn da na nngai. Ngai Dawi hpe jaw sai ga sadi hte maren, nang hpe shaman chyeju ni jaw na nngai.

ESAIA 61:8

Dai Madu gaw, “Ngai gaw teng man rap ra ai tara hpe tsaw ra nngai, ngai gaw dip gamyet sha ai amu hte ru hka amu hpe n dawng nngai. Ngai gaw nye a amyu masha ni hpe kangka ai hte kumhpa shagrau na nngai. Shanhte hte htani htana ga shaka tawn da na nngai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 32:40

Ngai gaw shanhte hpe htani htana prat dingsa na ga shaka tawn da na nngai. Shanhte a matu mai kaja ai amu galaw nga ai hpe ngai galoi mung jahkring kau na n rai. Ngai gaw shanhte hpe shanhte a myit masin mahkra hte ngai hpe hkrit hkungga shangun na nngai, shanhte gaw ngai kaw nna galoi mung n kayin mat wa lu na mara ai.

YEREMIA 33:21

Dai hte maren, nye a shangun ma Dawi a hkaw hta hkawhkam hkaw dung na aru arat langai mi hpe tut nawng san da na lam, ngai Dawi hte ga shaka tawn da ni ai. Lewi amyu baw kaw na hkinjawng ni ngai hpe tut nawng e daw jau na matu, shanhte hte ngai ga shaka tawn da ni ai; dai ga shaka ni gaw galoi mung hten mat na ra ai n rai.

EZEKELA 37:26

Shanhte a matu htani htana prat dingsa na shim lam ga shaka hpe ngai tawn da na nngai. Ngai shanhte hpe de da nna shalaw jahtam na nngai, shanhte a mungdan hta nye a Nawku Htingnu htani htana agrin nga ai hpe mung mu lu na mara ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

KASA 13:34

Bai shi lup hta hten bya mat ai galoi n hkrum hkra si ai kaw na hkrung sharawt la na lam hte seng nna, Karai Kasang tsun ai gaw, ‘Dawi hpe shaman ya na ga sadi jaw da ai hte maren chyoi pra ai hte grin nga ai chyeju ngai nanhte hpe jaw na made ai,’ ngu ai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

HEBRE 6:19

Anhte gaw dai myit mada shara hpe anhte a asak hkrung lam a matu hpri chyinghkyi langai mi zawn hkam la lu saga ai. Dai myit mada ai lam gaw shim ai hte grin ai lam rai nna sumsing lamu na htingnu kata a nba grang kata maga gawk de waw lai hkrang shang wa sai.

1 SAMUELA 2:35

Ngai hta sadi dung na ra ai hkinjawng langai hpe ngai lata la na nngai. Shi gaw ngai galaw shangun mayu ai lam magup hte hpe galaw na rai wu ai. Ngai lata san da sai hkawhkam wa a man e tut nawng daw jau na mara ai amyu matu mara ni ngai nang hpe jaw ya na nngai.

1 SAMUELA 25:28

Madu e, chyeju hte ngai galaw shut kau sai mara ni hpe raw dat ya e law. Nang chyawm gaw nang hkrung nga ai hte yang, n hkru ai amu hpa mung n galaw nga ndai hte shi a majan ni hpe nang gasat ya nga ndai majaw dai Madu gaw nang hpe mung, na a matu mara ni hpe mung hkawhkam shatai na ra ai.