2 SAMUELA 23:20 - Jinghpaw Common Language Bible 2009

²⁰ Kabazela mare kaw na Yehoiada a kasha Benaia gaw kaga gumhkawng ai hpyenla langai mi rai nga ai; shi gaw magrau grang ai amu law law galaw nu ai, dai hta galu kaba ai Moba hpyenla lahkawng hpe mung sat kau wu ai. Lang mi mung hkyen htat ai shani e nhkun kata de shang nna hkanghkyi langai sat kau wu ai.

Jinghpaw Hanson Version Bible

²⁰ Bai Kabazela mare kaw na, share re ai Yehoiada kasha Benaia mung lawm nga ai; dai wa galaw ai magam amu kaba gaw Moba masha Ariela a shadang sha lahkawng hpe sat kau wu ai: hkyen htat ai nshung ta aten e, nhkun de shang nna hkanghkyi hpe sat kau wu ai.

2 SAMUELA 23:20 ပူးပေါင်းရင်းမြစ်များ

2 SAMUELA 1:23

“Shawlu hte Yonahtan grai mau na zawn hkrung nga dingsa tsaw ra nja; si wa ai mung ndaw nhka, galang ni hta grau laram, hkanghkyi ni hta grau ningtsam rawng nga ai.

2 SAMUELA 20:23

Yoab gaw Israela hpyen luksuk hpe up hkang ai du rai nga ai; Yehoiada a kasha Benaia gaw Dawi a asak sin ai amu woi hpareng ai wa rai nga ai.

2 SAMUELA 23:19

Shi gaw dai share “Sumshi” ni hta gumhkawng htum ai wa rai nna shanhte a ningbaw tai wa nga ai; rai ti mung “Share Masum” ni zawn shi gumhkawng nga ai n rai.

2 SAMUELA 23:21

Hkum shingyan kaba ai Egutu masha langai mi hpe mung shi sat kau wu ai; Egutu masha wa nri lang ti mung, Benaia gaw hkawn hte sha htim nna shi a nri hpe kashun la nhtawm dai hte shi hpe sat kau wu ai.

2 SAMUELA 23:22

Dai gaw share “Sumshi” hta langai lawm nga ai Benaia a share shagan ai sat lawat rai nga ai.

2 SAMUELA 8:18

Yehoiada a kasha Benaia gaw Dawi a hkum hpe makawp maga ai hpareng wa rai nga ai; Dawi a shadang sha ni mung hkinjawng ni rai ma ai.

1 HKAWHKAM 1:26

Rai ti mung madu e, shi gaw ngai hpe mung, hkinjawng Zadok hpe mung, Benaia hte Shawlumon hpe mung n saw shaga nga ai.

1 HKAWHKAM 1:38

Dai rai nna, Zadok, Nahtan Benaia hte hkawhkam wang sin ai sin langa ni gaw Shawlumon hpe hkawhkam Dawi a lawze hta shajawn nhtawm shi hpe hkan sin let Gihon hka hpawk de woi yu wa ma ai.

1 HKAWHKAM 1:8

Rai ti mung hkinjawng Zadok, Yehoiada a kasha Benaia, myihtoi Nahtan, Shime, Rei hte Dawi hpe hkan sin ya ai ni gaw Adoniya a maga de n tsap nga ma ai.

1 HKAWHKAM 2:46

Dai hpang hkawhkam wa gaw Benaia hpe hkang dat wu ai; shi gaw Shime hpe sat kau wu ai. Ya Shawlumon chyawm gaw mungdan hpe atsawm sha up hkang da nga wu ai.

1 HKAWHKAM LABAU 12:8

Ndai gaw Dawi nga ai nam mali hpyen dap hta Dawi a hpyen hpung ni de shang mat wa ai Gad a amyu bawsang hta na gumhkawng nna mahkrum madup law ai hpyenla ni a mying rai nga ai. Shanhte gaw hpyen majan amu chye galaw nna ri ninggang chye lang nga ma ai; shanhte gaw hkanghkyi ni zawn myi dai nna bum ga na shan nga zawn gat laram chye nga ma ai.

1 HKAWHKAM LABAU 18:17

Yehoiada a kasha Benaia gaw Dawi a hkum hpe makawp maga ya ai hpareng wa rai nga ai. Hkawhkam Dawi a shadang sha ni gaw hkawhkam wa a hkringmang kaba ni rai ma ai.

PRU MAT 15:15

Edom ningbaw ni hkrit tsang nga ma ai; Moba a chyalai n-gun rawng ai masha ni mung hkrit gari nga ma ai; Hkanan masha ni nden n ja mat manu ai.

YAWSHU 15:21

Edom lamu ga jarit hte htep, dingda jahtum na shanhte madu la lu ai mare ni gaw Kabzela, Edera, Yagura,