2 SAMUELA 23:18 - Jinghpaw Common Language Bible 2009

¹⁸ Yoab a kanau Abishai (shan a kanu Zeruia) gaw dai gumhkawng ai share “Sumshi” a ningbaw rai nga ai. Shi gaw masha masum tsa hpe shi a nri hte sat kau lu ai wa re majaw, “Dai Sumshi” hta mying gumhkawng ai wa tai wa sai.

Jinghpaw Hanson Version Bible

¹⁸ Bai Zeruia kasha, Yoab a kanau Abishai gaw, dai share masum hta na ningtawn ningla rai nga ai. Dai wa gaw, masha masum tsa hpe ri hte sat kau lu ai majaw, dai masum hta lawm nga ai.

2 SAMUELA 23:18 ပူးပေါင်းရင်းမြစ်များ

2 SAMUELA 10:10

Naw ngam nga ai shi a hpyen hpung ni hpe shi a kanau Abishai up hkang ai npu hta tawn da nhtawm Amon masha ni hte myi man hkrum re ai hku shara la da shangun wu ai.

2 SAMUELA 10:14

Suri masha ni kagat hprawng htaw mat wa ai hpe Amon masha ni mu jang, shanhte mung Abishai kaw na hprawng mat wa nhtawm mare de htingnut mat wa ma ai. Shaloi Amon masha ni hpe gasat nga ai kaw na Yoab nhtang mat wa nhtawm Yerusalem mare de wa mat wa ma ai.

2 SAMUELA 18:2

Dai hpang hpung masum di garan nhtawm hpung mi hpe Yoab, hpung mi hpe Yoab a kanau Abishai, bai hpung mi hpe Gat mare na Itai ni up hkang let pru sa wa shangun wu ai. Dai hpang hkawhkam wa gaw shi a masha ni hpe, “Ngai hkum nan nanhte hte rau pru sa na nngai,” ngu nna tsun wu ai.

2 SAMUELA 2:18

Dai majan hta Zeruia a kasha masum rai nga ai Yoab, Abishai hte Asahela ni lawm nga ma ai. Asahela chyawm gaw chyahkyi zawn kagat chyang lu ai wa rai nna,

2 SAMUELA 20:10

Lata maga mi de Yoab lang da ai nhtu gaw Amasa hpe hpa di na zawn n nawn da wu ai majaw, Yoab gaw shi a kan galun baw dat wu yang, pu kan ni ga ntsa de hkrat ayai mat hkra rai nga ai; shaloi shi akajawng sha si mat wa ai rai nna bai n kahtap galun ra mat wu ai. Dai hpang Yoab hte shi a kanau Abishai yan gaw Sheba hpang de matut shachyut mat wa wu ai.

2 SAMUELA 23:19

Shi gaw dai share “Sumshi” ni hta gumhkawng htum ai wa rai nna shanhte a ningbaw tai wa nga ai; rai ti mung “Share Masum” ni zawn shi gumhkawng nga ai n rai.

2 SAMUELA 3:30

Shing rai Yoab hte shi a kanau Abishai yan gaw Gibeon mare na majan hta shan a kanau Asahela hpe sat kau ya ai majaw Abna hpe matai dawp la nga ma ai.

1 HKAWHKAM LABAU 2:16

Shi gaw Zeruia hte Abigala ngu ai shayi sha lahkawng mung lu nga ai. Yese a shayi sha Zeruia hta shadang sha masum lu nga ai; dai ni gaw Abishai, Yoab hte Asahela ni rai nga ai.

HPAJI NINGLI 4:12

Marai lahkawng gaw marai mi sha htim gasat ai hpe manga kau lu nga ai. Rit sumri masum hte rit da ai sumri hpe gang di kau na yak la ai.