2 SAMUELA 23:17 - Jinghpaw Common Language Bible 2009

¹⁷ Madu e, ndai ntsin hpe ngai galoi mung n lu na sai! Asak dan ai masha ni a asai hpe lu ai zawn tai na ra ai!,” ngu nna tsun wu ai. Dai rai nna shi gaw dai ntsin n lu hkraw nga ai. Dai gaw gumhkawng ai hpyenla masum hte a share shagan sat lawat kumla ni rai nga ai.

Jinghpaw Hanson Version Bible

¹⁷ Yehowa e, ntsin ndai lu na lam gaw ngai hte tsan u ga: tinang a asak n lahpawt ai, masha ni a asai hpe ngai lu na rai ni? ngu nna dai hpe n lu wu ai. Dai share masum gaw shing rai galaw ma ai.

2 SAMUELA 23:17 ပူးပေါင်းရင်းမြစ်များ

NINGPAWT NINGHPANG 44:17

Yosep gaw, “Dai hku n rai law! Dai zawn re ai amu hpe ngai galoi mung galaw na we ai n rai! Gawm la hkrum ai wa chyu sha nye a mayam tai na rai nga ai. Nanhte ngam ai ni chyawm gaw nanhte a kawa hpang de shim lum ai hte angwi apyaw sha nhtang wa mu,” ngu nna tsun wu ai.

NINGPAWT NINGHPANG 9:4

Lam langai mi gaw asai naw rawng ai ashan hpe nanhte sha lu na myit dai n rai; dai asak gaw asai hta rawng nga ai majaw ndai lam hpe ngai hkum da nngai.

2 SAMUELA 20:20

Yoab gaw, “Galoi n rai nu ga! Na a mare hpe ngai galoi n sharun, n jahten kau na we ai!

1 HKAWHKAM 21:3

Nabot gaw, “Ndai sabyi sun gaw nye a kaji kawa ni kaw na hkam la lu ai sali ga rai nga li ai. Nang hpe ngai jaw kau ang na gaw, dai Madu hkum kau u ga!,” ngu nna tsun htang wu ai.

1 HKAWHKAM LABAU 11:19

“Ndai ntsin hpe ngai galoi mung n lu na sai! Dai gaw tinang asak dan ai ndai masha ni a asai lu ai zawn tai na ra ai!,” ngu nna tsun wu ai. Dai rai nna shi gaw dai ntsin hpe n lu hkraw nga ai. Dai gaw gumhkawng ai hpyenla masum hte a share shagan ai sat lawat kumla ni rai nga ai.

SHAKAWN KUNGDAWN 72:14

Shanhte a asak ni gaw shi a man e, manu dan nga ai; shi gaw shanhte hpe dip gamyet sha ai hte kaming kamawng du daw sai hkaw re ai amu kaw na mawai la nga ai.

JAW JAU 17:10

Israela masha kadai rai ti mung, shanhte kaw nga nang ai masha ni kadai rai ti mung, asai hte ashan hpe kayau sha ai rai yang dai Madu gaw shi hpe ate nna shi a amyu masha ni hta na sumri dan kau na rai wu ai.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

MARKU 14:24

Yesu gaw, “Ndai gaw law law a matu ru kau ya ai, Karai Kasang a ga shaka hpe dazik dawk ya ai nye a asai rai nga li ai.

1 KORINHTU 15:30

Anhte mung hpa majaw hkying hkum shagu hkrit tsang hpa lam hta sak dan nna hkan nga ga ni?

TARA AGYI 5:18

Rai ti mung Zebulun hte Naphtali amyu masha ni gaw majan pa hta asak dan hkawm sa ma ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.

1 SAMUELA 26:11

Dai Madu nan hkawhkam shatai da sai wa hpe machyi shangun na matu ngai myit nga tim, dai Madu hkum kau ya nga ai. Sa, shi a nri hte ntsin namtau hpe chyawm gaw la mat wa ya ga,” ngu nna tsun wu ai.