2 SAMUELA 23:10 - Jinghpaw Common Language Bible 2009

¹⁰ dai wa gaw shi a shara hta tsap nga let shi a lata grai ja mat ai majaw nhtu n mai kahtam mat ai aten du hkra, Hpilisti masha ni hpe gasat shamyit wu ai. Dai Madu mung dai shani e awng padang kaba jaw ya wu ai. Majan dai ngut boi mat ai shaloi, Israela masha ni gaw Eleaza nga ai shara de sa wa nhtawm si mat sai ni a hpyen hking hpun palawng ni raw la ya ma ai.

Jinghpaw Hanson Version Bible

¹⁰ dai wa gaw shi a lata tsu mat nna, nhtu hta madi shadaw let ba mat hkra, Hpilisti masha ni hpe sat kau wu ai: Yehowa gaw dai shani e padang kaba dang kau shangun wu ai: gale ni chyawm gaw lanep hta na chyu sha shi kaw hkan ma ai.

2 SAMUELA 23:10 ပူးပေါင်းရင်းမြစ်များ

2 SAMUELA 23:12

Shama gaw dai shapre yi yang e tsap nga let hkap manga nhtawm Hpilisti masha ni hpe sat kau wu ai. Dai Madu mung dai shani e awng padang kaba jaw ya wu ai.

2 HKAWHKAM 5:1

Suri hpyen luksuk hpe up hkang ai Naman gaw shi a lata hku nna dai Madu Suri masha ni hpe awng padang jaw ya wu ai majaw Suri hkawhkam e shagrau shatsaw ai hte arawng aya kaba hkam la hkrum ai wa rai nga ai. Shi gaw share ninghkrin hpyenla kaba wa rai nga ti mung, manggang ana hkam sha nga wu ai.

1 HKAWHKAM LABAU 11:13

Shi gaw Dawi maga de tsap nna Pas Damim majan pa e Hpilisti masha ni hpe gasat wu ai. Israela masha ni hprawng htaw mat wa yang, shi mahtang muk-yaw mam hkaibang yi langai hta nga nga wu ai,

SHAKAWN KUNGDAWN 108:13

Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kau na ra ai.

SHAKAWN KUNGDAWN 144:10

Nang gaw hkawhkam ni hpe awng padang jaw ya nga ndai hte; na a shangun ma wa Dawi hpe mawai la nit dai.

SHAKAWN KUNGDAWN 68:12

“Hkawhkam ni hte shanhte a hpyen luksuk ni hprawng mat wa masai!,” nga nna tsun ma ai.

ESAIA 53:12

Dai rai nna, ngai gaw shi hpe galu kaba nna daru magam n-gun rawng ai ni a lapran e arawng sadang shara langai jaw na we ai. Shi gaw sharawng awng ai myit hte shi a asak jaw nna n hkru ai masha ni a hpang jahtum na lam hpe mung garan ya nga ai. Shi gaw yubak kap ai masha law law ni a yubak hpe gun kau ya nna shanhte mara raw dat ai hkrum mu ga, akyu hpyi ya nga sai,” ngu nna tsun ai.

ROMA 15:18

Maigan amyu ni Karai Kasang a ga madat mara wa hkra Hkristu gaw ngai hpe jai lang ai lam hpe chyu sha ngai nden ja ai hte tsun na nngai. Maigan amyu ni madat mara lu hkra Hkristu gaw ngai tsun shaga ai mung sumtu ga hte galaw ai sat lawat hku nna mung ngai galaw ai laklai ai lamik kumla ni hte mauhpa magam amu ni hku nna mung, Chyoi Pra ai Wenyi a atsam madun ai hku nna mung ngai hpe jai lang nu ai.

2 KORINHTU 4:5

Hpa majaw nga yang, anhte gaw, anhte a lam hkaw dan ga ai n rai, Yesu Hkristu gaw Madu rai nga ai lam, anhte gaw Yesu a marang e nanhte a shangun ma ni rai nga ga ai lam hkaw dan ga ai.

YAWSHU 10:10

Dai Madu mung Amori masha ni hpe dai Israela hpyen luksuk ni a man e kajawng kaja byin shangun nhtawm Israela amyu masha ni mung shanhte hpe Gibeon e sat kau ma ai; shanhte gaw Bet Horon de lung wa ai uhkan hku hkan nna Azeka hte Makeda du hkra shachyut gasat kau ma ai.

YAWSHU 10:42

Dai Madu Israela a Karai Kasang gaw Israela a matu gasat ya nga ai majaw, Yawshu gaw dai hkawhkam ni yawng hte shanhte a lamu ga ni hpe kalang dat gasat la lu wu ai.

YAWSHU 11:8

Dai Madu mung shanhte hpe Israela masha ni a lata de ap ya nna awng padang jaw ya wu ai rai nna, Israela ni mung shanhte hpe dingdung maga Misrehpot Ma-in hte Sidon du hkra mung, sinpraw maga Mizpa Kadit du hkra mung hkan shachyut gasat ma ai. Gumlau hpyen langai mung n ngam mat hkra matut gasat nga ai.

TARA AGYI 15:14

Shi gaw Lehi mare de du ai shaloi, Hpilisti masha ni shi hpang de kagat sa wa nhtawm shi hpe jahtau ma ai. Dai Madu a daru magam n-gun gaw shi hpe akajawng sha n-gun shaja ya ai rai nna saman ri hkru mat ai zawn shi a lata lahpum ni hpe gyit gumbat da ai sumri ni hpe shadi kau wu ai.

TARA AGYI 15:18

Dai hpang Samson gaw grai hpang gara ai rai nna dai Madu hpe shi shaga nhtawm, “Nang gaw ndai awng padang kaba ngai hpe jaw nit dai; Ya ngai gaw hpang gara ai hte si wa nna ndai tara maigan masha Hpilisti masha ni a lata hta rim hkrum na rai ni?,” ngu nna tsun wu ai.

1 SAMUELA 11:13

Rai ti mung, Shawlu gaw, “Dai ni na nhtoi gaw dai Madu Israela hpe hkye hkrang la ai shani rai nga ai majaw, langai mi mung sat kau hkrum na n rai,” ngu nna tsun wu ai.

1 SAMUELA 14:23

Betawen lai hkra, lam dingyang gasat ma ai. Dai Madu mung Israela hpe dai shani e hkye la wu ai.

1 SAMUELA 14:6

Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai.

1 SAMUELA 17:53

Israela amyu masha ni chyawm gaw Hpilisti masha ni hpe hkan shachyut ai kaw nna bai nhtang wa nhtawm shanhte a dap na lanep arai ni hpe magawn la shajang ma ai.

1 SAMUELA 19:5

Shi gaw asak dan nna Goliat hpe sat kau nu ai majaw sha, Israela a matu awng padang kaba dai Madu jaw ya mani ai. Dai lam hpe nang mu nit dai shaloi kabu gara nga ndai. Dai rai yang, ndai hpa mara mung n shut, hpa mara mung n kap re ai Dawi hpe mara kata e hpa majaw shi hpe sat kau mayu nga n ni?,” ngu nna tsun wu ai.