2 SAMUELA 22:7 - Jinghpaw Common Language Bible 2009

⁷ Ngai ru tsang hkrum ai shaloi, dai Madu hpe ngai shaga nngai; karum la na matu nye a Karai Kasang hpe ngai shaga nngai. Shi a htingnu hta nye a nsen hpe shi na wu ai rai nna, karum la na matu nye a hpyi jahtau ai ga hpe shi madat ya nga sai.

Jinghpaw Hanson Version Bible

⁷ Ngai ru tsang ai hta Yehowa hpe ngai shaga nna, Nye a Karai Kasang hpe hpyi jahtau we ai. Shi a Htingnu hta nna, shi nye a nsen madat ya nna, Ngai hpyi jahtau ai ga shi a na hta shang lu ai.

2 SAMUELA 22:7 ပူးပေါင်းရင်းမြစ်များ

SHAKAWN KUNGDAWN 107:6

Shaloi, shanhte ru tsang hkrum ai aten hta Madu hpe hpyi jahtau mu ai; shi shanhte a nni nkri kaw nna shanhte hpe hkye hkrang la nu ai.

SHAKAWN KUNGDAWN 116:4

Shaloi, ngai gaw, “Madu e, ngai nang hpe hpyi nem nga nngai, ngai hpe hkye hkrang la e,” ngu nna dai Madu hpe shaga ni ai.

SHAKAWN KUNGDAWN 120:1

Ngai ru tsang hkrum nga ai shaloi, dai Madu hpe ngai shaga ai hte ngai hpe shi htan ya ni ai.

SHAKAWN KUNGDAWN 18:6

Nye a ru tsang ai hta, ngai gaw Madu hpe shaga nna; karum la na matu, nye a Karai Kasang hpe ngai shaga we ai. Shi a Htingnu hta, nye a nsen hpe shi na ya nna; karum la na matu, ngai hpyi jahtau ai nsen hpe shi madat ya ni ai.

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 34:6

Matsan mayan hkrum ai masha ni shi hpe shaga yang, shi htan ya nga ai; shi gaw shanhte a ru yak tsin-yam yawng kaw na shanhte hpe hkye hkrang la nga ai.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

YONA 2:4

Ngai gaw na a man kaw na shaden kau hkrum ni ai majaw na a chyoi pra ai Nawku Htingnu hpe galoi mung bai n mu lu na sai ngu ngai myit nawn kau nngai.

YONA 2:7

Nye a nsa htum wa na zawn ngu hkam sha nga yang, O Madu e, ngai nang kaw akyu hpyi nngai, nang gaw nye a nsen hpe na a chyoi pra ai Nawku Htingnu hta na ya nit dai.

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

LUKA 22:44

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.