2 SAMUELA 22:51 - Jinghpaw Common Language Bible 2009

⁵¹ Karai Kasang gaw shi a hkawhkam wa hpe galu kaba ai awng padang jaw ya nga ai; shi gaw shi lata san da nu ai wa ngu ai, Dawi hte shi a amyu matu ni hpe htani htana dinggrin tsaw ra myit madun dan nga ai law.

Jinghpaw Hanson Version Bible

⁵¹ Shi gaw shi a hkawhkam wa hpe hkye hkrang la ai lam kaba shangun ya nna, Shi a namman chya ai wa ngu ai, Dawi hte shi a aru arat hpe, Htani htana chyeju a madun dan nga ai law, nga ai.

2 SAMUELA 22:51 ပူးပေါင်းရင်းမြစ်များ

2 SAMUELA 22:2

Dai Madu gaw ngai hpe makawp maga ai wa rai nna; shi gaw ngang ai hpyen dap rai nga ai.

2 SAMUELA 23:1

Yese a kasha Dawi gaw hkawhkam tai na matu Yaku a Karai Kasang e lata da hkrum nga ai. Shi gaw Karai Kasang e galu kaba shangun ai hte Israela a matu pyaw ngawn ai mahkawn ni hpe ka jahtuk tawn ai wa rai nga ai. Ndai ni gaw Dawi a hpang jahtum ngu na ga ndat ni rai nga ai:

2 SAMUELA 7:16

Na a amyu matu mara ni tut nawng anga nga na mara ai; na a mungdan hpe htani htana agrin nga shangun na nngai. Na a magam tingnyang gaw galoi mung htum mat na ra ai n rai,’” ngu nna tsun wu ai.

SHAKAWN KUNGDAWN 144:10

Nang gaw hkawhkam ni hpe awng padang jaw ya nga ndai hte; na a shangun ma wa Dawi hpe mawai la nit dai.

SHAKAWN KUNGDAWN 18:50

Karai Kasang shi a hkawhkam wa hpe kaba la ai awng padang jaw ya e; lata san da sai Dawi hte shi a aru arat ni hpe dinggrin tsaw ra myit htani htana madun dan nga ai.

SHAKAWN KUNGDAWN 21:1

Madu e, nang gaw hkawhkam wa hpe n-gun atsam jaw ya nit dai majaw, shi kabu gara nga ai; nang gaw shi hpe padang ninglaw lu shangun ndai majaw shi kabu gara nga ai.

SHAKAWN KUNGDAWN 3:3

Rai ti mung, Madu e, nang gaw hkrithpa shara kaw na tut nawng makawp maga la ai ninggang rai nga ndai, nang gaw ngai hpe awng padang jaw ya ai hte nye a share shagan ai myit masin hpe bai jaw ya nga ndai.

SHAKAWN KUNGDAWN 48:3

Dai mare a hpyen dap kata ni hta shi hte rau shim lum nga ai hpe Karai Kasang madun dan nu ai.

SHAKAWN KUNGDAWN 89:20

Nye a shangun ma kaja Dawi hpe chyoi pra ai namman sau hte chya ya nna hkawhkam aya dang ya se ai.

SHAKAWN KUNGDAWN 89:24

Ngai shi hpe tsaw ra nga nna shi hta sadi dung nga na nngai; ngai shi hpe tut nawng e, awng dang shangun na nngai.

SHAKAWN KUNGDAWN 89:26

Shi gaw ngai hpe, ‘Nang gaw nye a kawa hte nye a Karai Kasang rai nga ndai, nang gaw ngai hpe makawp maga nga ai wa hte ngai hpe hkye hkrang la ai Madu rai nga ai,’ nga nna tsun na ra ai.

SHAKAWN KUNGDAWN 89:29

Shi a hkawhkam amyu gaw lamu zawn ngang grin wa na ra ai; shi a matu mara ni gaw tut nawng e hkawhkam tai nga lu na mara ai.

SHAKAWN KUNGDAWN 89:36

Shi a aru arat ni matut manoi anga nga na mara ai; jan a shingkang htoi nga dingsa, ngai shi a mungdan hpe sin yu nga na we ai.

SHAKAWN KUNGDAWN 91:2

“Nang gaw nye a dahpran shara hte ngai hpe makawp maga ai wa rai nga ndai; nang gaw nye a Karai Kasang rai nga ndai, nang hta ngai kam hpa nga nngai,” nga nna shi hpe tsun lu nga ai.

YEREMIA 30:9

Shing rai na malai, shanhte gaw shanhte a Madu Karai Kasang rai nga ai ngai hpe mung, hkawhkam hku nna hkaw shadun hkrum na Dawi a aru arat hpe mung daw jau wa na mara ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.