2 SAMUELA 22:48 - Jinghpaw Common Language Bible 2009

⁴⁸ Shi gaw ngai hpe nye a gumlau hpyen ni hpe dang kau lu na awng padang ngai hpe jaw ya nga ai; masha amyu baw ni hpe nye a up hkang ai npu hta shi tawn da nga ai;

Jinghpaw Hanson Version Bible

⁴⁸ Rai sa, ngai hpang maga e matai htang ya nna, Nye a npu e masha amyu ni hpe shagrit tawn da ai, Karai Kasang gaw, galu kaba nga u ga lao.

2 SAMUELA 22:48 ပူးပေါင်းရင်းမြစ်များ

2 SAMUELA 18:19

Zadok a kasha Ahimaza gaw Yoab hpe, “Dai Madu gaw shi hpe shi a gumlau hpyen ni a lata kaw na hkye hkrang la nu ai shiga kaja hkawhkam wa hpe wa kagat tsun dan se ga,” ngu nna tsun wu ai.

2 SAMUELA 18:31

Dai hpang Ehtiopi masha mayam wa mung du wa ai rai nna hkawhkam wa hpe, “Madu hkawhkam a matu shiga kaja lu tawn nngai; Nang hpe gumlau ai ni yawng hpe dang kau lu ai awng padang ninglaw dai Madu nang hpe dai ni jaw ya nit dai!,” ngu nna tsun dan wu ai.

2 SAMUELA 4:8

Shan gaw Hebron e hkaw dung ai Dawi hpang de dai baw sak jaw nhtawm shi hpe, “Ndai gaw nang hpe sat na maw ai na a hpyen Shawlu a kasha Ishboshet a baw rai nga ai. Shawlu hte shi a amyu matu mara ni hpe matai dawp na matu dai Madu gaw dai ni nang Madu hkawhkam hpe ahkang jaw nit dai,” ngu nna tsun ma ai.

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 144:2

Shi gaw ngai hpe makawp maga ya ai wa, nye a shamyet shanat shara wahpang; ngai hpe hkye hkrang la ai nye a dahpran shara, hte shim lum na matu, ngai kam hpa nga ai wa rai nga ai. Amyu baw ni hpe shi nye a npu e tawn da nu ai.

SHAKAWN KUNGDAWN 94:1

Madu e, nang gaw ari jaw ai Karai Kasang rai nga ndai; na a masin kahtet ai hpe madun dan u!

1 KORINHTU 15:25

Hpa majaw nga yang Hkristu gaw Karai Kasang e gumlau ni yawng mayawng hpe dang kau nna Hkristu a lagaw lahpan npu e tawn da ya ai ten du hkra up hkang nga na rai nga ai.

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.

1 SAMUELA 24:12

Dai Madu gaw an hta na shut ai wa hpe jeyang nga u ga! Ngai nang hpe dik dik n machyi jahkrum na rai nga nngai majaw ngai hte hpai shai hkra nang galaw ai amu a matu chyawm gaw shi nang hpe ari jaw u ga.

1 SAMUELA 25:30

Dai Madu gaw nang hpe ga sadi tawn da nu ai hte maren, mai kaja ai amu yawng mayawng hpe galaw da ngut jang, nang hpe Israela hkawhkam shatai na ra ai rai nna,

1 SAMUELA 25:39

Nabala si mat sai shiga hpe Dawi na ai shaloi, shi gaw, “Dai Madu hpe shakawn mu! Shi gaw ngai hpe n kaw n law di ai Nabala hpe matai dawp nu ai hte shut hpyit amu galaw shapraw na shi a shangun ma ngai hpe mung hkum kau nu ai. Dai Madu gaw shi galaw ai n hkru ai amu a majaw Nabala hpe ari jaw kau nu ai,” ngu nna tsun wu ai. Dai hpang, Dawi gaw Abigala hpe hkungran la na matu kasa langai shangun dat wu ai.