2 SAMUELA 22:47 - Jinghpaw Common Language Bible 2009

⁴⁷ Dai Madu gaw ahkrung nga ai! Nye a dahpran shara rai nga ai wa hpe shakawn kungdawn mu! Ngai hpe hkye hkrang la ai dai n-gun lapyin rawng ai Karai Kasang a galu kaba ai lam hpe htawn tsun nga mu!

Jinghpaw Hanson Version Bible

⁴⁷ Yehowa ahkrung nga ai: nye a Lunghkrung a nga u ga law: Nye a hkye hkrang la ai Lunghkrung Karai Kasang gaw, galu kaba nga u ga law.

2 SAMUELA 22:47 ပူးပေါင်းရင်းမြစ်များ

2 SAMUELA 22:3

Nye a Karai Kasang gaw ngai hpe makawp maga ai wa rai nga ai; shi hte rau rai nga nngai majaw ngai shim nga lu nngai. Shi gaw ngai hpe ninggang langai zawn makawp maga ai hte; shi gaw ngai hpe hkap makawp la ai hte shim hkra tawn da nga ai. Shi gaw ngai hpe hkye hkrang la ai wa rai nga ai; ngai hpe makawp maga la ai hte kashun kashe du daw sai hkaw amu kaw nna mung hkye mawai la nga ai.

YOBA 19:25

Rai ti mung, sumsing lamu na marai langai ngai gaw hpang jahtum e ngai hpe makawp maga la na matu du sa wa na ra ai hpe ngai chye nngai.

SHAKAWN KUNGDAWN 89:26

Shi gaw ngai hpe, ‘Nang gaw nye a kawa hte nye a Karai Kasang rai nga ndai, nang gaw ngai hpe makawp maga nga ai wa hte ngai hpe hkye hkrang la ai Madu rai nga ai,’ nga nna tsun na ra ai.

SHAKAWN KUNGDAWN 89:27

Ngai shi hpe nye a kasha alat aya hta dang da na nngai; hkawhkam ni yawng hte hta grau kaba ai wa, ngai shatai na we ai.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

LUKA 1:47

Nye wenyi mung ngai hpe hkye hkrang la ai Madu Karai Kasang hta kabu gara li ai,