2 SAMUELA 22:40 - Jinghpaw Common Language Bible 2009

⁴⁰ Nang gaw ngai hpe majan gasat na matu n-gun jaw ya ai hte nye a gumlau hpyen ni hpe dang kau lu na awng padang mung jaw ya nga ndai.

Jinghpaw Hanson Version Bible

⁴⁰ Nang ngai hpe majan gun na n-gun hte shingkyit kyit ya nna, Ngai hte nhtan shai ai ni nye a npu e kadawng taw nga ma ai.

2 SAMUELA 22:40 ပူးပေါင်းရင်းမြစ်များ

SHAKAWN KUNGDAWN 109:19

Dai dagam ai gaw hpun palawng zawn shi hpe ka-up da u ga; shingkyit zawn shi hpe tut nawng e, kyit shinggrup da u ga!

SHAKAWN KUNGDAWN 144:2

Shi gaw ngai hpe makawp maga ya ai wa, nye a shamyet shanat shara wahpang; ngai hpe hkye hkrang la ai nye a dahpran shara, hte shim lum na matu, ngai kam hpa nga ai wa rai nga ai. Amyu baw ni hpe shi nye a npu e tawn da nu ai.

SHAKAWN KUNGDAWN 18:32

Shi gaw ngai hpe n-gun shaja ya ai hte nye a hkrun lam hpe shim lum shangun ai Karai Kasang rai nga ai.

SHAKAWN KUNGDAWN 18:39

Nang ngai hpe majan a matu n-gun jaw ya nga ndai; nye a gumlau hpyen ni a ntsa e, awng padang lu shangun nga ndai.

SHAKAWN KUNGDAWN 44:5

anhte gaw gumlau hpyen ni hpe na a daru magam n-gun hte dang ga ai.

ESAIA 45:5

“Ngai gaw dai Madu rai nga nngai; karai shaje mi n nga nga ai. Nang ngai hpe n chye ti mung, nang hta ra ai n-gun lagaw ngai nang hpe jaw na de ai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

KOLOSE 1:11

Dai rai nna nanhte hkrum hkra wa ai lam shagu hpe myit galu kaba ai hte hkam sharang lu na matu, shi a hpung shingkang rawng ai n-gun atsam a marang e nanhte hpe n-gun lagaw shaja myit ga.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

1 SAMUELA 23:5

Dai rai nna Dawi hte shi a masha ni Kila mare de sa nhtawm Hpilisti masha ni hpe gasat kau ma ai rai nna shanhte law law hte hpe sat kau nhtawm shanhte a yam nga ni hpe la mat wa ya ma ai. Ndai zawn rai nna Dawi gaw dai mare hpe hkye la wu ai.