2 SAMUELA 22:4 - Jinghpaw Common Language Bible 2009

⁴ Dai Madu hpe ngai shaga yang, ngai hpe nye a gumlau hpyen ni a lata kaw na hkye mawai la nga ai. Dai Madu hpe shakawn kungdawn mu!

Jinghpaw Hanson Version Bible

⁴ Shakawn mai ai Yehowa hpe ngai shaga nna, Gumlau ni a lata na hkye la ai hkrum ni ai.

2 SAMUELA 22:4 ပူးပေါင်းရင်းမြစ်များ

2 HKAWHKAM LABAU 20:22

Ya shanhte mahkawn mangoi hpang wa ma yang, dai Madu gaw shang gasat nga ai hpyen luksuk ni kata de kajawng kaja re ai gumle gumlau lam shabyin dat wu ai.

NEHEMIA 9:5

Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

SHAKAWN KUNGDAWN 106:2

Shi galaw dan sai mauhpa magam amu ni yawng hpe kadai wa tsun hkai dan lu nga a ta? Shi a hpung shingkang arawng sadang nga manga hte hpe kadai wa shakawn lu nga a ta?

SHAKAWN KUNGDAWN 116:13

Ngai hpe hkye hkrang la ai majaw, dai Madu hpe chyeju dum shakawn na matu; shi hpe sabyi hkungga nawng jau ya na nngai.

SHAKAWN KUNGDAWN 116:17

Chyeju dum hkungga ni hte ngai nang hpe nawng jau na nngai, nye a akyu hpyi ai ga hte nang hpe sak jaw na nngai.

SHAKAWN KUNGDAWN 116:2

Ngai shi hpe aten shagu shaga yang, nye a nsen hpe shi madat ya nga ai.

SHAKAWN KUNGDAWN 116:4

Shaloi, ngai gaw, “Madu e, ngai nang hpe hpyi nem nga nngai, ngai hpe hkye hkrang la e,” ngu nna dai Madu hpe shaga ni ai.

SHAKAWN KUNGDAWN 18:3

Ngai gaw Madu hpe shaga ai hte, shi gaw ngai hpe nye a gumlau hpyen ni a lata kaw na hkye hkrang la nga ai. Madu gaw hpung rawng nga u ga law!

SHAKAWN KUNGDAWN 34:6

Matsan mayan hkrum ai masha ni shi hpe shaga yang, shi htan ya nga ai; shi gaw shanhte a ru yak tsin-yam yawng kaw na shanhte hpe hkye hkrang la nga ai.

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 55:16

Rai ti mung, karum la na matu ngai gaw Madu Karai Kasang hpe hpyi shaga ai; shi ngai hpe hkye hkrang la na ra ai.

SHAKAWN KUNGDAWN 56:9

Ngai nang hpe shaga ai shani e, nye a gumlau hpyen ni htingnut mat wa ai hkrum na mara ai; Karai Kasang gaw nye a maga de nga nga ai hpe ngai chye nga nngai.

SHAKAWN KUNGDAWN 66:2

Shi a mying nsang a hpung shingkang hpe mahkawn mu; hpung shingkang hte hpring ai shakawn kungdawn ga hte shi hpe daw jau mu!

SHAKAWN KUNGDAWN 96:4

Dai Madu gaw galu kaba nga ai majaw grai shakawn ging ai wa rai nga ai; karai ni yawng hta shi hpe shagrau sha-a na mai nga ai.

ROMA 10:13

Chyum laika hta mung, “Dai Madu a mying nsang hpe shaga ai masha kadai mung, hkye hkrang la ai hkrum na mara ai,” nga nna tsun nga ai.

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.

SHINGRAN 5:12

Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.