2 SAMUELA 22:39 - Jinghpaw Common Language Bible 2009

³⁹ Ngai shanhte hpe adup kadawng kau mawe ai majaw n rawt tsap lu ma ai; shanhte gaw nye a man e sum kadawng mat masai.

Jinghpaw Hanson Version Bible

³⁹ Ngai shanhte hpe hpya kau nna, Bai n rawt lu hkra, shamyit kau mawe ai: Gaja wa, nye a lagaw npu e shanhte taw mat ma ai.

2 SAMUELA 22:39 ပူးပေါင်းရင်းမြစ်များ

2 SAMUELA 22:40

Nang gaw ngai hpe majan gasat na matu n-gun jaw ya ai hte nye a gumlau hpyen ni hpe dang kau lu na awng padang mung jaw ya nga ndai.

1 HKAWHKAM 5:17

Hkawhkam wa hkang da ai hte maren Nawku Htingnu a npawt nhpang a matu tsawm ai nlung kaba ni hpe tawk ma ai.

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 18:37

Ngai gaw nye a gumlau hpyen ni hpe hkan shachyut nna, shanhte hpe rim da nngai: shanhte hpe ngai shamyit kau ai aten du hkra, ngai hkring nga ai n rai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

YAWSHU 10:24

Dai hpang Yawshu gaw Israela amyu masha ni yawng hpe shaga la nhtawm shi hte rau hpyen gasat ai du salang ni hpe dai hkawhkam ni a du kabye ya na hkang dat wu ai hte maren, shanhte galaw ma ai.