2 SAMUELA 22:38 - Jinghpaw Common Language Bible 2009

³⁸ Nye a gumlau hpyen ni hpe ngai hkan shachyut nna dang kau nngai; shanhte hpe shamyit kau lu ai aten du hkra ngai jahkring da nga nngai n rai.

Jinghpaw Hanson Version Bible

³⁸ Masha hpyen ni hpe ngai shachyut nna hpya kau lu nngai; Shanhte hpe n shamyit kau lu dingsa, bai nhtang wa na nngai, n rai.

2 SAMUELA 22:38 ပူးပေါင်းရင်းမြစ်များ

2 SAMUELA 10:14

Suri masha ni kagat hprawng htaw mat wa ai hpe Amon masha ni mu jang, shanhte mung Abishai kaw na hprawng mat wa nhtawm mare de htingnut mat wa ma ai. Shaloi Amon masha ni hpe gasat nga ai kaw na Yoab nhtang mat wa nhtawm Yerusalem mare de wa mat wa ma ai.

2 SAMUELA 22:39

Ngai shanhte hpe adup kadawng kau mawe ai majaw n rawt tsap lu ma ai; shanhte gaw nye a man e sum kadawng mat masai.

2 SAMUELA 7:9

Nang hkawm sa ai shara shagu hkan, ngai nang hte rau nga nga nna, nang naw rawt lung wa yang pyi, na a gumlau hpyen ni yawng hpe ngai gasat dang kau ya nngai. Mungkan ga na galu kaba htum ai ningbaw ni zawn ngai nang hpe mying dan hkung galu kaba shangun na nngai.

PRU MAT 15:9

Gumlau hpyen wa gaw, ‘Ngai shanhte hpe hkan shachyut nna rim la na we ai; ngai gaw shanhte a sut gan hpe garan kau nna, ngai ra ai yawng la kau na we ai; Nye a nhtu shaw nna shanhte lu ai arai yawng hte hpe htawm la na we ai,’ ngu nna tsun wu ai.

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.