2 SAMUELA 22:3 - Jinghpaw Common Language Bible 2009

³ Nye a Karai Kasang gaw ngai hpe makawp maga ai wa rai nga ai; shi hte rau rai nga nngai majaw ngai shim nga lu nngai. Shi gaw ngai hpe ninggang langai zawn makawp maga ai hte; shi gaw ngai hpe hkap makawp la ai hte shim hkra tawn da nga ai. Shi gaw ngai hpe hkye hkrang la ai wa rai nga ai; ngai hpe makawp maga la ai hte kashun kashe du daw sai hkaw amu kaw nna mung hkye mawai la nga ai.

Jinghpaw Hanson Version Bible

³ Karai Wa, nye a lunghkrung, shi hta ngai shingbyi nga nngai; Nye a n-gang, ngai hpe hkye la ai nrung, Nye a langchyi, ngai shingbyi shara: Nye a hkye la ai madu e, adip ahkrip kaw na Nang ngai hpe hkye la nit dai.

2 SAMUELA 22:3 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

2 SAMUELA 22:31

Karai Kasang gaw shi a amu gade sha hkum tsup nga ai hte shi tsun ai ga ni gade sha kam hpa mai nga a hka! Shi a makawp maga lam hkan tam ai ni yawng a matu shi gaw ninggang langai zawn rai nga ai.

2 SAMUELA 22:47

Dai Madu gaw ahkrung nga ai! Nye a dahpran shara rai nga ai wa hpe shakawn kungdawn mu! Ngai hpe hkye hkrang la ai dai n-gun lapyin rawng ai Karai Kasang a galu kaba ai lam hpe htawn tsun nga mu!

2 SAMUELA 22:49

nye a gumlau ni a lata kaw nna ngai hpe hkye mawai la nga ai. O Madu e, nye a gumlau hpyen ni hpe dang kau lu na awng padang nang ngai hpe jaw ya nga ndai hte kashun kashe du daw sai hkaw amu galaw shapraw ai masha ni a lata kaw nna makawp maga la nga ai.

2 SAMUELA 22:51

Karai Kasang gaw shi a hkawhkam wa hpe galu kaba ai awng padang jaw ya nga ai; shi gaw shi lata san da nu ai wa ngu ai, Dawi hte shi a amyu matu ni hpe htani htana dinggrin tsaw ra myit madun dan nga ai law.

2 SAMUELA 23:3

Israela a Karai Kasang ga tsun nu ai; Israela hpe makawp maga ai wa gaw ngai hpe ning nga nna tsun ai: “Teng man ai hku up hkang nna Karai Kasang a ga madat let up hkang ai hkawhkam gaw,

SHAKAWN KUNGDAWN 14:6

N hkru n shawp ai amu galaw ai ni gaw myit shagrit shanem ai masha wa a yaw shada ai lam hpe jahten ya ti mung, Madu gaw shi hpe makawp maga da ai wa rai nga ai.

SHAKAWN KUNGDAWN 140:1

Madu e, n hkru n shawp ai masha ni a lata kaw na ngai hpe hkye hkrang la e; kashun kashe du daw sai hkaw shabyin ai masha ni a kata kaw nna mung, ngai hpe makawp maga la e.

SHAKAWN KUNGDAWN 140:11

Masha kaga ni hpe masu magaw ga hte mara tam nga ai ni, hkrat sum nga mu ga; n hkru ai lam gaw kashun kashe du daw sai hkaw shabyin ai masha ni hpe hkan dep nang nna, shanhte hpe jahten kau mu ga.

SHAKAWN KUNGDAWN 140:4

Madu e, n hkru n shawp ai ni a n-gun atsam kata kaw na, ngai hpe makawp maga la e; ngai hkrat sum mat na matu maw mawn nga ai, kashun kashe du daw sai hkaw shabyin ai masha ni a lata kaw na makawp maga la e.

SHAKAWN KUNGDAWN 142:4

Nye a makau mayang hkan e, ngai yu dat ai shaloi, ngai hpe karum la na masha kadai hpe mung ngai n mu nngai; ngai hpe makawp maga la na masha kadai mung n nga ai. Ngai hpe lanu lahku la na, kadai n nga nga ai.

SHAKAWN KUNGDAWN 144:2

Shi gaw ngai hpe makawp maga ya ai wa, nye a shamyet shanat shara wahpang; ngai hpe hkye hkrang la ai nye a dahpran shara, hte shim lum na matu, ngai kam hpa nga ai wa rai nga ai. Amyu baw ni hpe shi nye a npu e tawn da nu ai.

SHAKAWN KUNGDAWN 18:2

Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

SHAKAWN KUNGDAWN 27:5

Ru tsang hkrum ai aten ni hta, shi gaw nye a shingbyi shara tai ya na ra ai; shi gaw ngai hpe shi a Htingnu kata hta shim ai hte bau sin na ra ai hte, tsaw ai lunghkrung ntsa e, ngai hpe shim nga shangun na ra ai.

SHAKAWN KUNGDAWN 28:7

Dai Madu gaw ngai hpe makawp maga ai hte ninggang tai ya nga ai; ngai shi hpe kam hpa nga nngai. Shi gaw ngai hpe karum la ai lam jaw ya ai hte ngai hpe kabu gara shangun nga ai; Ngai shi hpe kabu gara ai mahkawn ga ni hte shakawn nga nngai.

SHAKAWN KUNGDAWN 3:3

Rai ti mung, Madu e, nang gaw hkrithpa shara kaw na tut nawng makawp maga la ai ninggang rai nga ndai, nang gaw ngai hpe awng padang jaw ya ai hte nye a share shagan ai myit masin hpe bai jaw ya nga ndai.

SHAKAWN KUNGDAWN 32:7

Nang gaw nye a gawp makoi shara rai nga ndai; nang gaw ngai hpe ru yak tsin-yam kata kaw nna hkye hkrang la na rin dai. Nang ngai hpe makawp maga ndai majaw na a hkye hkrang la ai lam hpe ja ja mahkawn na nngai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai; ru tsang hkrum ai aten ni hta karum la na, tut nawng jin jin rai nga ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 46:2

Dai re ai majaw, ginding aga gaw ashun awam nga nna, bum ni sung ai hka nawng kaba hta di hkrat bang nhtawm;

SHAKAWN KUNGDAWN 46:7

Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.

SHAKAWN KUNGDAWN 5:12

Madu e, nang gaw na a ga madat mara nga ai ni hpe shaman ya nga ndai; na a tsaw ra myit gaw shanhte hpe ninggang zawn makawp maga ya nga ai.

SHAKAWN KUNGDAWN 55:9

O Madu e, nye a gumlau hpyen ni a tsun shaga ai ga ni hpe shanut kau ya u! Mare kata hta kashun kashe, du daw sai hkaw re ai hte aruk arak nga ai hpe ngai mu nngai;

SHAKAWN KUNGDAWN 59:16

Rai ti mung, na a n-gun atsam a lam hpe ngai mahkawn mangoi nga na nngai; na a dinggrin tsaw ra myit a lam hpe jahpawt manap shagu ngai ja ja mahkawn shakawn na nngai. Nang gaw nye a langchyi rai nga nna, ngai ru tsang hkrum ai aten hta na shingbyi shara rai nga nit dai.

SHAKAWN KUNGDAWN 61:3

Nang gaw ngai hpe makawp maga ai wa hte gumlau hpyen ni hpe ninghkap lu ai nye a ngang kang ai dahpran shara rai nga ndai majaw, ngai hpe shim ai shingbyi shara de woi wa e.

SHAKAWN KUNGDAWN 71:7

Nang gaw nye a n-gun ja ai shingbyi shara rai nga nit dai majaw; nye a asak prat gaw masha law law a man e, kasi tai nga li ai.

SHAKAWN KUNGDAWN 72:14

Shanhte a asak ni gaw shi a man e, manu dan nga ai; shi gaw shanhte hpe dip gamyet sha ai hte kaming kamawng du daw sai hkaw re ai amu kaw na mawai la nga ai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

SHAKAWN KUNGDAWN 84:9

Karai Kasang e, nang lata san da sai hkawhkam ngu ai anhte a hkawhkam wa hpe shaman ya u.

SHAKAWN KUNGDAWN 86:14

Karai Kasang e, gumrawng gumtawng ai masha ni ngai hpe sa gumlang nga ma ai; nang hpe hpa zawn n nawn ai ni hte gumshem ai masha hpung mi gaw ngai hpe sat hkyen nga ma ai.

SHAKAWN KUNGDAWN 9:10

Madu e, nang hpe chye ai ni gaw nang hpe kam hpa na mara ai; nang kaw sa ai ni kadai hpe mung, nang kau da nga ndai n rai.

SHAKAWN KUNGDAWN 9:9

Dai Madu gaw dip da hkrum ai ni a shingbyi shara rai nga ai; ru tsang hkrum ai aten ni hta shim lum ai shara mung rai nga ai.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

GA SHAGAWP 30:5

“Karai Kasang gaw shi tawn da ai ga shaka sha-u hta sadi dung nga ai. Shi gaw shi a makawp maga ai hta shingbyi shara hpe hkan tam ai masha ni yawng a matu ninggang zawn rai nga ai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 45:21

Tara rung hta na a amu sa shawn u; mara shut ai ni gaw shanhte shada da jahkrup hkat mu ga. Moi chyaloi nhkoi kaw nna byin mat wa sai lam ni hpe kadai tau tsun lu a ni? Shi a amyu masha ni hpe hkye la ai Karai Kasang ngu ai dai Madu ngai wa rai nga ai, n rai ni? Karai shaje n nga nga ai.

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

YEREMIA 16:9

Chyahtum Chyalai N-gun Rawng ai dai Madu Israela a Karai Kasang ngai hpa tsun nga nngai hpe madat u. Ngai gaw kabu gara ai nsen, mani pyaw ai nsen hte hkungran poi lusha a kabu pyaw ai nsen ni hpe jasim kau na we ai. Dai shara na masha ni gaw ndai byin wa na lam hpe mu na mara ai.

LUKA 1:47

Nye wenyi mung ngai hpe hkye hkrang la ai Madu Karai Kasang hta kabu gara li ai,

LUKA 1:69

Shi a shangun ma Dawi a aru arat hta na anhte a matu n-gun atsam rawng ai Hkye la Madu jaw ya mani ai.

LUKA 1:71

anhte a hpyen ni hte anhte hpe n ju n dawng ai ni yawng a lata na hkye hkrang la mani ai.

TARA JAHPRANG 32:37

Shaloi, dai Madu gaw shi a amyu masha ni hpe, “Nanhte kam hpa yu manit dai dai chyalai n-gun hte hpring ai gumgun hpara ni kanang rai nga sani?

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

TARA JAHPRANG 33:29

Israela e, nang gaw kade sha a nga n hka! Dai Madu hkye hkrang la sai amyu baw ngu ai nanhte hte bung ai wa mi kadai n nga nga ai. Dai Madu shi nan nanhte hpe makawp maga ya nna awng padang jaw jaw ya ai nanhte a makawp ninggang hte nhtu rai nga ai. Nanhte a gumlau hpyen ni matsan dum la na matu hpyi nem wa nna, nanhte mung shanhte hpe kabye dip lu na marin dai law.

TITU 3:4

Rai ti mung, anhte a hkye hkrang la ai Karai Kasang a chyeju hte n gaw n wai myit dan pru wa ai shaloi e,

TITU 3:6

Karai Kasang gaw, anhte hpe hkye hkrang la ai Madu Yesu a marang e, Chyoi Pra ai Wenyi hpe anhte a ntsa e n taw n tsang ru bun ya mi ai.

HEBRE 2:13

Bai Yesu gaw, “Ngai gaw Karai Kasang hta kam hpa manoi manat nga na nngai,” nga nna mung, “Karai Kasang ngai hpe jaw da sai kashu kasha ni hte rau ndai shara e nga nga nngai,” nga nna mung tsun ai.

1 SAMUELA 2:1

Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!

1 SAMUELA 2:2

“Kadai mung dai Madu zawn chyoi pra nga ai n rai; shi zawn re ai mi kadai n nga, anhte a Karai Kasang zawn makawp maga la lu ai wa kadai n nga ai.