2 SAMUELA 22:29 - Jinghpaw Common Language Bible 2009

²⁹ Madu e, nang gaw nye a nhtoi rai nga ndai, ngai kaw na nsin hpe nang jahkoi kau ya nga ndai.

Jinghpaw Hanson Version Bible

²⁹ Yehowa e, nye a pyengdin nang rai nga ndai; Yehowa, ngai kaw na nsin jahtoi ya ai.

2 SAMUELA 22:29 ပူးပေါင်းရင်းမြစ်များ

2 SAMUELA 21:17

Rai ti mung Zeruia a kasha Abishai mahtang Dawi hpe sa karum ai hte dai masha kaba wa hpe htim gasat ai hte sat kau wu ai. Dai hpang Dawi a masha ni gaw shanhte hte rau galoi mung majan n pru gasat na matu Dawi hpe ga sadi jaw shangun mu ai. Shanhte gaw, “Nang gaw Israela a myit mada shara rai nga ndai majaw hkrat sum mat na anhte n ra sharawng ga ai,” ngu nna tsun ma ai.

1 HKAWHKAM 11:36

rai ti mung ngai hpe nawku na shara ngu nna ngai lata san da sai Yerusalem mare hta nye a shangun ma Dawi a amyu matu kaw na langai tut nawng a up nga nga lu hkra Shawlumon a kasha hpe amyu bawsang langai ngai jaw na we ai.

YOBA 29:3

Karai Kasang gaw ngai hte rau tut nawng nga nga ai rai nna nsin de ngai hkawm lai mat wa yang shi ngai hpe nhtoi jaw ya nga ai.

SHAKAWN KUNGDAWN 112:4

Matsan chye dum ai, n-gaw n wai myit hte teng man nga ai mai kaja ai masha ni a matu, nhtoi gaw nsin hta htoi tu ya nga ai.

SHAKAWN KUNGDAWN 18:28

Madu e, nang ngai hpe nhtoi jaw ya ndai; nye a nsin hpe mung, nang jahkoi kau ya nga ndai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

SHAKAWN KUNGDAWN 4:6

“Madu e, anhte hpe chyeju grau nna jaw ya mi; matsan dum ai myit hte anhte hpe mada mara ya mi,” nga nna masha law law wa akyu hpyi nga ma ai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

SHAKAWN KUNGDAWN 97:11

Ding hpring ai wa a ntsa e, nhtoi hpe jahtoi ya nna; mai kaja ai ni a ntsa e, kabu gara ai lam tawn da ya nga ai.

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

MIHKA 7:9

Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

YAWHAN 12:46

Ngai hpe kam sham ai masha shagu gaw nsin hta n rawng nga u ga ngu nna nhtoi tai let, ngai mungkan ga de du sa ring ngai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.