2 SAMUELA 22:24 - Jinghpaw Common Language Bible 2009

²⁴ Ngai hta mara n kap nga ai majaw shut hpyit amu galaw ai kaw na mung ngai koi yen nga ai hpe shi chye nga ai.

Jinghpaw Hanson Version Bible

²⁴ Shi a man e ngai ra n rawng nna, N hkru ai lam hpe koi kau nga nngai.

2 SAMUELA 22:24 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 6:9

Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

NINGPAWT NINGHPANG 7:1

Dai Madu gaw Noa hpe, “Nang hte na a nta masha ni yawng dai sanghpaw li kata de shang manu; ndai mungkan ga yawng hta jaw ai amu galaw ai gaw nang chyu sha rai nga ndai hpe ngai mu se ai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

SHAKAWN KUNGDAWN 17:1

Madu e, teng man ai lam a matu, nye a hpyi nem ai ga hpe madat ya e; karum la na matu, nye a jahtau tsun ai nsen hpe na la ya e! Nye a ding man ai akyu hpyi ga hpe madat ya e.

SHAKAWN KUNGDAWN 51:6

Nang gaw myit malang ai hte teng man ai lam hpe hpyi nga ndai majaw; nye a kraw lawang hta na a hpaji hte jahpring ya e.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

GA SHAGAWP 4:23

Na a myit mang ai lam gaw na a asak hpe hkrang shapraw ya nga ai majaw, nang myit mang ai lam gara hku rai nga ai hpe sadi sahka nga u.

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

2 KORINHTU 5:11

Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

EHPESU 1:4

Anhte gaw tsaw ra ai myit hte shi a man e chyoi pra nna mara n rawng ai ni tai wa u ga, anhte Hkristu hte langai sha tai ai a marang e mungkan ga garai n lat kaw nna pyi Karai Kasang gaw anhte hpe lata la mani ai.

KOLOSE 1:21

Nanhte mung moi shawng de gaw nanhte galaw ai n hkru n hkra ai bungli hte myit mang ai lam a majaw Karai Kasang hte tsan gang mat nna, shi a hpyen ni tai mat manit dai.

KOLOSE 1:22

Rai ti mung, ya Karai Kasang gaw, shinggyim hkum shan dagraw tawn ai shi a Kasha hpe si hkam shangun ai hku nna nanhte hpe shi a jinghku ni shatai manit dai. Shing rai galaw ai lam gaw, nanhte gaw chyoi pra nna agang chyalang n kap ai hte mara n rawng ai sha shi a man de nanhte hpe shashawn la lu na matu rai nga ai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.