2 SAMUELA 22:21 - Jinghpaw Common Language Bible 2009

²¹ Ngai gaw jaw ai amu galaw nga nngai majaw dai Madu ngai hpe shagrau kumhpa jaw ya nga ai; ngai hta mara n kap nga ai majaw shi ngai hpe shaman ya nga ai.

Jinghpaw Hanson Version Bible

²¹ Nye a dinghpring ai hte maren, Yehowa ngai e akyu jaw nna, Nye a lata san seng ai hte bai htang ya ni ai.

2 SAMUELA 22:21 ပူးပေါင်းရင်းမြစ်များ

2 SAMUELA 22:25

Ngai gaw jaw hkrak ai amu galaw nga nngai majaw mung, ngai hta mara n kap nga ai majaw mung, shi ngai hpe kumhpa jaw shagrau ya nga ai.

1 HKAWHKAM 3:6

Shawlumon gaw, “Na a shangun ma nye a kawa Dawi gaw mai kaja ai, sadi dung ai hte myit malang ai hku hkan let nang hte matut mahkai nga ai majaw nang shi hpe tut nawng tsaw ra myit kaba madun dan ya nga ndai; shi a magam tingnyang hta dai ni hkaw galai dung let up hkang na shadang sha langai mi mung shi hpe jaw ya let na a galu kaba ai hte dinggrin tsaw ra myit matut nna shi hpe madun dan nga ndai.

1 HKAWHKAM 8:32

O Madu e, sumsing lamu hta e madat la nna, na a shangun ma ni hpe jeyang mi. Mara kap ai wa hpe shi hkam la ging ai hte maren ari jaw u; mara n kap ai wa hpe chyawm gaw shi lu la ging ai hte maren mara dat ya u law.

YOBA 17:9

Hkungga lara wa na matu tsun hkrum ai ni gaw shanhte ding man nga ma ai hpe grau grau nna chye na wa ma ai.

SHAKAWN KUNGDAWN 19:11

Dai ni gaw na a shangun ma rai nga ai ngai hpe machye machyang hpaji jaw ya e; ngai mung dai lam ni hpe hkan sa madat mara ai majaw, shagrau sha-a ai hkrum nga nngai.

SHAKAWN KUNGDAWN 24:4

Sat lawat hte myit sawn ai lam hta san seng ai ni, hpara sumla ni hpe n nawku ai ni n teng n man ai ga sadi ni hpe n jaw ai ni rai ma ai.

SHAKAWN KUNGDAWN 7:8

Nang gaw masha amyu baw yawng hte a tara agyi wa rai nga ndai; Madu e, ngai hpa mara n kap nga nngai hpe nang chye nga ai rai nna, nye a maga de tsap nna tara dara ya e.

GA SHAGAWP 11:31

Mai kaja ai masha ni gaw ndai dinghta ga ntsa e, shagrau ai hpe hkam la lu nga ai; tara n lang ai ni hte yubak kap ai masha ni chyawm gaw ari hkrum na mara ai lam, nang hkrak chye lu na ndai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 SAMUELA 26:23

Dai Madu gaw kangka ai hte ding hpring ai ni hpe kumhpa jaw ya nga ai. Dai ni shi gaw nang hpe nye a lata hta ap ya ni ai; rai ti mung dai Madu hkawhkam shatai da sai nang hpe chyawm gaw ngai n machyi hkra kau shangun na nngai.