2 SAMUELA 22:20 - Jinghpaw Common Language Bible 2009

²⁰ Shi gaw ngai hpe hkrit hpa shara kaw na mung karum la nga ai; shi gaw ngai hta awng sharawng nga ai majaw ngai hpe hkye hkrang la nga sai.

Jinghpaw Hanson Version Bible

²⁰ Shi ngai hpe dam lada re ai shara de shapraw la nna Ngai hta awng nga ai majaw, mawai la ni ai.

2 SAMUELA 22:20 ပူးပေါင်းရင်းမြစ်များ

NINGPAWT NINGHPANG 26:22

Shi mung dai yang na htawt nhtawm kaga hka htung langai bai htu wu ai. Dai hta chyawm gaw ndang kalang hpa mung n nga sai rai nna shi gaw dai shara hpe “Shanglawt” ngu nna shamying wu ai. Ya chyawm gaw dai Madu anhte hpe ndai ga e nga na matu anhte hpe shanglawt jaw nu ai; dai rai nna anhte ndai mung e ngamu ngamai wa saga ai,” ngu nna tsun wu ai.

2 SAMUELA 15:26

Rai ti mung shi ngai hpe n ra sharawng sai rai yang mung, hpa n ra ai, shi ra ai hku ngai hpe galaw nu ga,” ngu nna tsun wu ai.

2 SAMUELA 22:37

Nang gaw ngai hpe rim la hkrum na hkat kaw nna makawp la nga ndai majaw ngai galoi mung n kashawt nngai.

1 HKAWHKAM LABAU 4:10

Rai ti mung Yabet chyawm gaw Israela Karai Kasang hpe, “Karai Kasang e, ngai hpe shaman ya e, ngai hpe lamu ga dam lada jat ya e. Ngai hte rau a nga nga nna ngai hpe machyi hkra shangun ai n hkru n kaja ai lam hta na makawp maga la e law,” ngu nna hpyi wu ai. Shi hpyi ai hte maren, Karai Kasang jaw ya nga ai.

SHAKAWN KUNGDAWN 118:5

Ngai ru yak kyindut hkrum nga yang, dai Madu hpe ngai hpyi jahtau ni ai; shi ngai hpe htan ya nna ngai hpe shalawt dat ni ai.

SHAKAWN KUNGDAWN 147:11

Rai ti mung, shi hpe shagrau sha-a ai ni hte shi a dinggrin tsaw ra myit hta kam hpa nga ai ni hpe shi ra sharawng nga ai.

SHAKAWN KUNGDAWN 149:4

Dai Madu gaw shi a amyu masha ni hta awng sharawng nga nna; shagrit shanem ai ni hpe awng padang hte shi shagrau sha-a nga ai.

SHAKAWN KUNGDAWN 22:8

“Nang gaw Madu hpe kam hpa shamyet shanat nga ndai, nang hpe shi hpa majaw n hkye la na rai wu ni? Madu gaw nang hpe ra sharawng ai rai yang, shi nang hpe hpa majaw n karum ai nga na rai wu ni?,” nga nna shanhte tsun ma ai.

SHAKAWN KUNGDAWN 31:8

Nye gumlau hpyen ni ngai hpe rim la na, nang ap ya nga ndai n rai; ngai sa mayu ai shara de ndut ndang hkawm sa lu na lam, nang lajang ya nga ndai.

SHAKAWN KUNGDAWN 31:9

Madu e, ngai ru yak tsin-yam hkrum nga nngai majaw, ngai hpe matsan dum la e; nau hkrap kau ai majaw nye a myi ni bum nga li ai, ngai gaw kaja wa dik hkra hki ba mat ni ai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

HOSEA 4:16

Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

MAHTE 17:5

Petru ga naw shaga nga yang, htoi tu ai sumwi gaw shanhte a ntsa e ka-up mu ai hte dai sumwi hta na nsen ngoi pru nna, “Ndai wa gaw ngai sharawng awng ai, ngai tsaw ra ai ngai sha rai nga ai; shi a ga madat mara mu,” nga ai.

MAHTE 27:43

Shi gaw Karai Kasang hpe kam hpa nna, ‘Ngai gaw Karai Kasang a Kasha rai nngai!,’ nga nna shi tsun ai. Rai sa, dai rai yang gaw ya Karai Kasang shi hpe hkye la mayu nga ai kun? Anhte yu yu ga!,” nga ma ai.

MAHTE 3:17

Dai hpang, “Ndai wa gaw ngai sharawng awng nga ai, ngai tsaw ra ai Kasha rai nga li ai,” nga nna lamu de na nsen ngoi pru wa ai.