2 SAMUELA 22:2 - Jinghpaw Common Language Bible 2009

² Dai Madu gaw ngai hpe makawp maga ai wa rai nna; shi gaw ngang ai hpyen dap rai nga ai.

Jinghpaw Hanson Version Bible

² Yehowa gaw, gaja wa, nye a lunghkrung, Nye a bunghku, nye a hkye la ai wa rai nga ai.

2 SAMUELA 22:2 ပူးပေါင်းရင်းမြစ်များ

2 SAMUELA 22:32

Dai Madu chyu sha Karai Kasang rai nga ai; Karai Kasang chyu sha anhte a dahpran shara rai nga ai.

2 SAMUELA 22:33

Ndai Karai Kasang gaw nye a ngang ai shingbyi shara rai nga ai; shi gaw nye a hkrun lam hpe shim lum hkra lakawn ya nga ai.

2 SAMUELA 23:3

Israela a Karai Kasang ga tsun nu ai; Israela hpe makawp maga ai wa gaw ngai hpe ning nga nna tsun ai: “Teng man ai hku up hkang nna Karai Kasang a ga madat let up hkang ai hkawhkam gaw,

SHAKAWN KUNGDAWN 144:2

Shi gaw ngai hpe makawp maga ya ai wa, nye a shamyet shanat shara wahpang; ngai hpe hkye hkrang la ai nye a dahpran shara, hte shim lum na matu, ngai kam hpa nga ai wa rai nga ai. Amyu baw ni hpe shi nye a npu e tawn da nu ai.

SHAKAWN KUNGDAWN 31:3

Nang gaw nye a shingbyi shara hte dahpran shara rai nga ndai; nang ga sadi tawn da nit dai hte maren, ngai hpe woi awn lam madun la e.

SHAKAWN KUNGDAWN 42:9

“Nang gaw ngai hpe hpa majaw malap kau nga n ni? Nye a gumlau hpyen ni a gumshem ai hta ngai nni nkri hpe hpa majaw matut hkam sha ra nga a ta?,” ngu nna nye a shingbyi shara Karai Kasang hpe ngai tsun ni ai.

SHAKAWN KUNGDAWN 71:3

Nye a shim ai shingbyi shara hte n-gun ja ai hpyen dap tai nga nna, ngai hpe makawp maga la e; nang gaw nye a shingbyi shara hte dahpran shara rai nga ndai.

SHAKAWN KUNGDAWN 91:2

“Nang gaw nye a dahpran shara hte ngai hpe makawp maga ai wa rai nga ndai; nang gaw nye a Karai Kasang rai nga ndai, nang hta ngai kam hpa nga nngai,” nga nna shi hpe tsun lu nga ai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

1 SAMUELA 2:2

“Kadai mung dai Madu zawn chyoi pra nga ai n rai; shi zawn re ai mi kadai n nga, anhte a Karai Kasang zawn makawp maga la lu ai wa kadai n nga ai.

1 SAMUELA 23:25

Shawlu hte shi a masha ni Dawi hpe tam na nga, rawt sa wa ma ti mung, shing rai hkawm sa wa ai lam hpe shi na jang, Maon nam mali e nga ai lunghkrung kawng langai mi de sa mat wa nhtawm dai yang e nga nga ai. Dai shiga hpe Shawlu na jang, Dawi a hpang de shi hkan tam mat wa wu ai.

1 SAMUELA 24:2

Shawlu gaw Israela hta na kaja htum ai hpyenla hkying masum woi nna, Dawi hte shi a masha ni hpe Aya Lunghkrung a sinpraw maga hkan e sa tam ma ai.