2 SAMUELA 22:19 - Jinghpaw Common Language Bible 2009

¹⁹ Ngai ru yak hkrum sha ai shaloi, shanhte ngai hpe gasat ma ai; rai ti mung dai Madu ngai hpe hkye hkrang la nga ai.

Jinghpaw Hanson Version Bible

¹⁹ Ngai tsin-yam hkrum ai nhtoi, ngai hpe dim shadang timung, Yehowa nye a shamyet shanat shara tai nga ai.

2 SAMUELA 22:19 ပူးပေါင်းရင်းမြစ်များ

2 SAMUELA 22:18

Shi gaw n-gun ja ai nye a gumlau hpyen ni a lata kaw na mung, ngai hpe n ju n dawng ai ni yawng kaw na mung, shi ngai hpe hkye mawai la nga sai. Shanhte gaw nye a matu n-gun nau wa ja la nga ma ai.

SHAKAWN KUNGDAWN 23:4

Sung htum ai nsin hta ngai lai hkawm mat wa ti mung; nang ngai hte rau nga nga ndai majaw, Madu e, ngai hkrit na nngai n rai. Hpa majaw nga yang, na a sagu rem daw hkrawng hte sumdoi gaw ngai hpe makawp maga ya nga ai.

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.