2 SAMUELA 22:14 - Jinghpaw Common Language Bible 2009

¹⁴ Shaloi dai Madu gaw sumsing lamu kaw nna mu shangoi dat ai majaw, Chyahtum Chyalai N-gun Rawng Ai Karai Kasang a nsen na lu nga ai.

Jinghpaw Hanson Version Bible

¹⁴ Yehowa, sumsing lamu de na mu shangoi dat nna, Tsaw htum ai wa gaw, shi a nsen shapraw dat wu ai.

2 SAMUELA 22:14 ပူးပေါင်းရင်းမြစ်များ

YOBA 40:9

Nang gaw ngai zawn n-gun atsam rawng nga n ni? Na a nsen gaw mu ngoi ai nye a nsen zawn ja nga a ni?

PRU MAT 19:6

ngai hta chyu sha ap nawng da ai amyu masha ni tai ai hte nanhte gaw hkinjawng ni zawn ngai hpe daw jau na rai myit dai.”

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

EZEKELA 10:5

Dai hkrung kanu ni a singkaw kahprap wu ngoi ai nsen gaw shinggan wang de du hkra pyi na lu nga ai. De a wu kadu ai nsen gaw Chyahtum Chyalai N-gun Rawng ai Karai Kasang a nsen zawn rai nga ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

TARA AGYI 5:20

Sumsing lamu na shagan ni mung shanhte a lam hku hkawm lai nhtawm, Sisera hpe gasat ma ai.

1 SAMUELA 2:10

Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”

1 SAMUELA 7:10

Samuela gaw dai shagu hkungga hpe nawng nga yang, Hpilisti masha ni mahtang htim gasat na matu shawng de sit lung wa ma ai; rai ti mung hkring mi rai jang dai Madu gaw sumsing lamu kaw na mu gadu shangoi dat wu ai. Shing rai shanhte gaw tsep kawp kashuk kashak byin mat ai hte hkrit kajawng nna hprawng htaw mat wa ma ai.