2 SAMUELA 22:1 - Jinghpaw Common Language Bible 2009

¹ Dai Madu gaw Dawi hpe Shawlu hte kaga shi hpe gumlau ai hpyen ni a lata kaw nna hkye mawai la ai shaloi, Dawi gaw ndai mahkawn ga hte dai Madu hpe mahkawn mangoi wu ai:

Jinghpaw Hanson Version Bible

¹ Dawi gaw, shi hpe n dawng n yawt ai ni nlang hte hte Shawlu a lata na, Yehowa shi hpe hkye mawai la ai nhtoi hta, mahkawn mangoi wu ai:

2 SAMUELA 22:1 ပူးပေါင်းရင်းမြစ်များ

2 SAMUELA 12:7

Nahtan gaw Dawi hpe, “Dai wa gaw nang rai nga ndai. Da ndai gaw dai Madu Israela a Karai Kasang tsun ai ga rai nga ai: ‘Ya Shawlu a lata na nang hpe ngai hkye mawai la nhtawm Israela a hkawhkam ngai nang hpe shatai da ni ai.

2 SAMUELA 22:49

nye a gumlau ni a lata kaw nna ngai hpe hkye mawai la nga ai. O Madu e, nye a gumlau hpyen ni hpe dang kau lu na awng padang nang ngai hpe jaw ya nga ndai hte kashun kashe du daw sai hkaw amu galaw shapraw ai masha ni a lata kaw nna makawp maga la nga ai.

1 HKAWHKAM LABAU 16:7

Shing rai dai Madu hpe chyeju shakawn mahkawn mangoi na lit, Asap hte shi a kahpu kanau Lewi masha ni hpe Dawi shawng jaw tawn da wu ai.

SHAKAWN KUNGDAWN 34:19

Dai mai kaja ai masha wa gaw ru yak tsin-yam law law hkrum sha nga ai; Madu gaw dai ni yawng hta na shi hpe hkye hkrang la nga ai.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

PRU MAT 15:1

Dai shaloi Mawshe hte Israela masha ni gaw dai Madu hpe ndai mahkawn ga hte mahkawn mangoi ma ai: “Dai Madu gaw hpung shingkang hte hpring ai awng padang hpe ninglaw nu ai majaw ngai shi hpe mahkawn mangoi na nngai; shi gaw gumra ni hte dai hta jawn ai ni hpe panglai kata de kabai gumpye kau nu ai.

2 KORINHTU 1:10

Shi gaw shing san ai hkrithpa si lam hta na anhte hpe mawai la mani ai rai nna, bai mung naw mawai la na mi ai. Nanhte mung nanhte a akyu hpyi ai hku nna anhte hpe karum nga myit dai majaw, naw hkye la na ra ai ngu nna anhte shi hpe naw myit mada ala nga ga ai.

TARA JAHPRANG 31:30

Dai hpang Mawshe gaw Israela amyu masha ni yawng madat nga ma yang, ndai mahkawn mangoi ga mahkra hti shakrai dan wu ai.

2 TIMOHTI 4:18

Dai Madu gaw n hkru n hkra ai lam yawng hta na ngai hpe mawai la nna, shi a sumsing lamu Mungdan de hkap hkra shim lam jaw let woi la na ring ngai. Shi hta htani htana prat dingsa e hpung shingkang anga nga u ga law! Amen.

TARA AGYI 5:1

Dai shani e Debora hte Abinoam a kasha Barak yan gaw ning ngu nna mahkawn hkawn ma ai:

1 SAMUELA 23:14

Dawi chyawm gaw Zihpa makau na nam mali e nga ai bum ga hkan makoi hkawm nga wu ai. Shawlu gaw shi hpe tut e tam shakut ti mung, Karai Kasang gaw Dawi hpe shi a lata de n ap kau wu ai.

1 SAMUELA 24:15

Dai Madu gaw an hta na kadai wa shut ai hpe jeyang nna daw dan hparan ya nu ga. Ndai lam hpe shi mada yu nna, ngai hpe makawp maga la ai hte na a lata kaw na mung hkye la u ga law,” ngu nna tsun wu ai.

1 SAMUELA 25:29

Nang hpe htim gasat ai hte sat kau na matu shakut ai wa nga dam ti mung, masha gaw manu dan ai sut rai hpe makawp da ai zawn dai Madu na a Karai Kasang mung nang hpe shim hkra makawp da na ra ai. Na a gumlau hpyen ni hpe chyawm gaw, masha wa e shi a lahpaw hte nlung shinggyin ni hte gap kau ai zawn shi shanhte hpe kabai kau na ra ai.

1 SAMUELA 26:24

Dai ni ngai na a asak jahkrung da ya ni ai zawn dai Madu mung ru tsang yawng kaw na dai hte maren ngai hpe galaw nga u ga law!,” ngu nna tsun htang wu ai.

1 SAMUELA 27:1

Dawi gaw, “Lani mi na nhtoi langai ngai hta Shawlu ngai hpe sat kau na ra ai. Dai re ai majaw Hpilisti mung de hprawng shang mat wa ai gaw nye a matu kaja htum ai lam rai na sai. Shaloi Shawlu gaw Israela mung e ngai hpe tam shakut hkawm ai hpe jahkring kau ai hte ngai mung shim nga lu na rai nngai,” ngu nna shi kraw e sumru wu ai.