2 SAMUELA 21:6 - Jinghpaw Common Language Bible 2009

⁶ Dai re ai majaw shi a shadang sha sanit hpe ap ya mi; dai Madu lata san da sai Hkawhkam Shawlu a mare ngu na Gibea e dai Madu a man hta shanhte hpe noi da na ga ai,” ngu nna htan ma ai. Hkawhkam wa mung, “Ngai shanhte hpe ap ya na de ai,” ngu nna htan wu ai.

Jinghpaw Hanson Version Bible

⁶ dai rai yang, Yehowa lata la ai Shawlu nga ai Gibea mare e anhte shanhte hpe Yehowa a matu noi da na ga ai, ngu nna htan mu ai. Hkawhkam wa mung, Ngai ap ya na ring ngai, ngu wu ai.

2 SAMUELA 21:6 ပူးပေါင်းရင်းမြစ်များ

NINGPAWT NINGHPANG 40:19

Masum ya rai jang hkawhkam wa nang hpe shalawt dat nna baw kahtam di kau ya na ra ai. Dai hpang na a hkum hpe hpun shadaw hta noi da na mara ai; ntsa malen u ni mung na a ashan hpe achye sha na mara ai,” ngu nna htai ya wu ai.

NINGPAWT NINGHPANG 40:22

Dai lam yawng gaw Yosep htai da sai hte maren byin wa sai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 SAMUELA 18:10

Shing rai nga ai hpe Dawi a masha langai sa mu ai rai nna shi gaw Yoab hpe, “Madu e, Absalom gaw wamyi hpun hta noi nga ai hpe ngai mu kau da se ai!,” ngu nna tang madun wu ai.

2 SAMUELA 19:28

Nye wa a dinghku masha ni yawng mung madu hkawhkam a lata hte si ging mat ai ni hkrai rai nga ga ai; rai ti mung nang chyawm gaw na a sha ku e shat lusha sha na ahkang ngai hpe jaw ya nit dai. Dai re ai majaw madu hkawhkam kaw na myi man pa ai amu kaga naw hpyi la na ahkang hpa mung n nga sali ai,” ngu nna htan wu ai.

1 HKAWHKAM LABAU 12:3

Shanhte gaw Gibea mung na Shema a kasha Ahiza hte Yosha yan a up hkang ai npu hta taw nga ma ai. Ndai ni gaw share hpyenla ni rai ma ai: Azmawet a kasha Yezela hte Pelet yan Anahtot mare na Berahka hte Yehu Gibeon mare na Ishmaia, shi gaw “Marai sumshi” a ningbaw ni hta na gumhkawng ai hpyenla langai rai nga ai. Gedera mare na Yeremia, Yahaziela, Yohanan, hte Yozabad. Harihpa mare na Eluzai, Yerimot, Bealia, Shemaria, hte Shehpatia. Kora amyu lakung na Elkana, Ishia, Azarela, Yozera, hte Yashobeam, Gedora mare na Yeroham a kasha Yoela hte Zebadia ni rai ma ai.

EZRA 6:11

Kadai mung ndai hkang da ai ga hpe n madat ai rai yang, shanhte a nta na hpunngau shaw la nna matu masen nhtawm shi a hkum kata hku dawk bang ya na, ngai kahtap hkang dat nngai. Shi a nta hta mung shanut sumpum shatai kau ya na rai nga ai.

MAHTE 27:5

Shaloi dai gumhpraw hpe Nawku Htingnu hta e shi kabai tawn da nna pru mat wa nhtawm, shi dai shi dau si mat ai.

KASA 13:21

Dai hpang shanhte hkawhkam langai mi hpyi ma yang, Karai Kasang gaw Benyamin amyu Kisha a kasha Shawlu hpe shanhte a matu mali shi ning hkawhkam tai ya na matu jaw mu ai.

TARA JAHPRANG 21:22

“Masha langai ngai si ging ai yubak galaw hkrup ai a majaw sat kau hkrum nhtawm shi a si mang hpe hpun hta noi da ai rai yang,

YAWSHU 10:26

Dai hpang, Yawshu gaw hkawhkam ni hpe sat kau nhtawm hpun manga hta noi da wu ai. Shanhte a si mang ni hpe shana de du hkra noi da wu ai.

YAWSHU 8:29

Shi gaw Ai mare a hkawhkam wa hpe shana de du hkra hpun hta noi da wu ai; shana de du wa jang, Yawshu hkang da ai hte maren si mang hpe hpun hta na la shayu nhtawm mare chyinghka lam de shang wa ai chyinghka lam e kabai tawn da nna de a ntsa e nlung sumpum kaba sumpum gawng da mu ai rai nna, dai ni du hkra dai yang e naw nga nga ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

1 SAMUELA 10:24

Samuela gaw amyu masha ni hpe, “Dai Madu lata la nu ai wa gaw nang e nga nga ai law! Shi hte bung ai wa kadai mung anhte a lapran e n nga ma ai,” ngu nna tsun wu ai. Shaloi amyu masha ni yawng gaw, “Hkawhkam wa asak galu u ga law!,” ngu nna jahtau tsun ma ai.

1 SAMUELA 10:26

Shawlu mung Gibea mare na shi a nta de bai wa wu ai. Karai Kasang e shanhte a myit masin hpe ahtawk jahkra ya nu ai dai daru magam n-gun rawng ai masha nkau mi mung shi kaw hkan nang ma ai.

1 SAMUELA 11:4

Shaloi kasa ni gaw Shawlu nga ai Gibea mare de du nna dai shiga tsun dat mu yang, amyu masha ni myit htum mat ai hte hkrap shajang ma ai.

1 SAMUELA 24:21

Rai ti mung, nye a mying hpe mung, nye a dinghku masha ni a lakung lama mying ni hpe mung tsep kawp n malap kau hkrum u ga, nye a amyu matu mara ni hpe naw shangam da ya na, dai Madu a mying ningsang hta ngai hpe ga sadi jaw e law,” ngu nna tsun wu ai.

1 SAMUELA 24:22

Dawi mung shi shatup na lam, ga sadi jaw dat wu ai. Dai hpang Shawlu mung nta de nhtang mat wa nhtawm Dawi hte shi a masha ni mung shanhte makoi ai shara de nhtang mat wa ma ai.