2 SAMUELA 21:22 - Jinghpaw Common Language Bible 2009

²² Dai masha mali hte gaw Gat mare e nga ai dai marim mangam rai galu kaba ai wa a amyu matu ni rai ma ai. Shanhte yawng hte gaw Dawi hte shi a masha ni a lata hta sat kau hkrum ai ni rai ma ai.

Jinghpaw Hanson Version Bible

²² Dai masha mali hte gaw Gat mare e nga ai Rehpim masha langai mi a kasha ni rai nga ma ai: shanhte nlang Dawi a lata hte shi a ali ama ni a lata hte si ai hkrum ma ai.

2 SAMUELA 21:22 ပူးပေါင်းရင်းမြစ်များ

2 SAMUELA 21:16

Marim mangam rai galu kaba nna Ishbibeno mying ai wa gaw pawng sanit chyen daram li ai magri mang nri lang, nhtu nnan hte hpyen hking sumraw da ai rai nna Dawi hpe sat lu na zawn nawn da wu ai.

2 SAMUELA 21:21

Shi gaw Israela masha ni hpe grang dakat nna ninghkap wu ai majaw Dawi a kahpu Shama a kasha Yonahtan shi hpe sat kau wu ai.

1 HKAWHKAM LABAU 20:8

Dawi hte shi a masha ni e sat kau ai ndai masha masum hte gaw Gat mare e nga ai dai marim mangam rai galu kaba ai ni a amyu matu ni rai ma ai.

SHAKAWN KUNGDAWN 108:13

Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kau na ra ai.

SHAKAWN KUNGDAWN 118:15

“Dai Madu gaw chyahtum chyalai n-gun hte mauhpa magam amu ni hpe galaw nu ai!

SHAKAWN KUNGDAWN 60:12

Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kau na ra ai.

HPAJI NINGLI 9:11

Ndai mungkan ga hta kagat chyang ai ni shingjawng poi hta tut nawng dang ai n rai; share shagan hpyenla ni hpyen majan hta tut nawng dang ai n rai; hpaji rawng ai ni lusha shahpa tut nawng lu ma ai n rai, zai hpaji rawng ai ni tut nawng sut su ai n rai; atsam rawng ai ni tsaw ai madang de tut nawng rawt lung wa ai n rai. N kaja ai gam maka gaw masha shagu hta nga ai lam hpe ngai dum chye nngai.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

YAWSHU 14:12

Dai rai nna, nye a masha ni hte ngai shiga jaw ai shani hta dai Madu ngai hpe ga sadi jaw ai dai bum ga ngai hpe jaw rit. Dai hta Anakim mying ai dai galu kaba ai masha ni, ngang ai bunghku hte kum da ai mare ni hta nga nga ai lam nang hpe anhte tsun dan saga ai. Dai Madu tsun ai ga hte maren, shi ngai hte rau nga nga u ga, shaloi shanhte hpe ngai shaden shapraw kau lu na nngai,” ngu nna tsun wu ai.