2 SAMUELA 21:21 - Jinghpaw Common Language Bible 2009

²¹ Shi gaw Israela masha ni hpe grang dakat nna ninghkap wu ai majaw Dawi a kahpu Shama a kasha Yonahtan shi hpe sat kau wu ai.

Jinghpaw Hanson Version Bible

²¹ Israela masha ni hpe grang dakat wu yang, Dawi a kahpu Shimi kasha Yonahtan gaw dai wa hpe sat kau wu ai.

2 SAMUELA 21:21 ပူးပေါင်းရင်းမြစ်များ

2 SAMUELA 13:3

Rai ti mung shi hta Dawi a kahpu Shama a kasha Yonadab mying nna zen ai amyu jinghku manang langai nga nga ai.

2 SAMUELA 21:20

Dai hpang Gat mare e gasat gala ai hpe yu ra sharawng ai masha kaba langai hte majan bai byin sai. Dai wa gaw lata maga mi de layung kru kru, lagaw maga mi de layung kru kru tu ai wa rai nga ai.

2 SAMUELA 21:22

Dai masha mali hte gaw Gat mare e nga ai dai marim mangam rai galu kaba ai wa a amyu matu ni rai ma ai. Shanhte yawng hte gaw Dawi hte shi a masha ni a lata hta sat kau hkrum ai ni rai ma ai.

2 HKAWHKAM 19:13

Hamat, Arpad, Sehparim, Hena hte Iwa mare ni hpe up hkang ai hkawhkam ni kanang nga nga ma ta?,” ngu nna tsun wu ai.

1 HKAWHKAM LABAU 2:13

Yese gaw shadang sha sanit lu nga ai. Dai ni gaw asak kaji kaba hku hkan yang Eliaba, Abinadab, Shama,

1 HKAWHKAM LABAU 27:32

Hkawhkam Dawi a kawa di Yonahtan gaw kung kyang ai hpaji jaw masha hte hpaji ninghkrin wa rai nga ai. Shi hte Hakmoni a kasha Yehiela yan gaw hkawhkam kasha ni hpe hpaji shakung shalet ya ai hta woi awn ma ai.

1 SAMUELA 16:9

Dai hpang Shama hpe bai woi sa wu ai, shaloi Samuela gaw, “Dai mung n rai nga ai, dai Madu shi hpe lata la nga ai n rai,” ngu nna tsun wu ai.

1 SAMUELA 17:10

Dai ni, ngai Israela luksuk hpe dakat nga nngai. Ngai hte shada chyaw rai htim gasat lu na masha langai ngai shaw shapraw dat yu mu le!,” ngu nna jahtau tsun wu ai.

1 SAMUELA 17:3

Hpilisti masha ni gaw maga mi de na kawng, Israela amyu masha ni gaw maga mi de na kawng hta tsap dingren nna shanhte a lapran e kadit langai din nga malu ai.

1 SAMUELA 17:36

Ngai gaw hkanghkyi ni hte tsap ni hpe sat kau yu ni ai rai nna, ahkrung nga ai Karai Kasang a luksuk hpe hkap daw nga ai ndai n kam n sham ai Hpilisti masha wa hpe dai hte maren ngai galaw kau na we ai.