2 SAMUELA 21:2 - Jinghpaw Common Language Bible 2009

² (Gibeon masha ni gaw Israela masha ni n rai ma ai. Shanhte gaw Israela masha ni e makawp maga la na matu ga sadi jaw da hkrum ai Amori masha ni hta na amyu kaji ni sha rai nga ma ai; rai ti mung Shawlu mahtang Israela hte Yuda masha ni a akyu matu grau myit sharawng wu ai majaw shanhte hpe jahten shabyak kau na maw wu ai.)

Jinghpaw Hanson Version Bible

² (Gibeon masha ni chyawm gaw Israela amyu n rai; ngam nga ai Amori masha rai nga ma ai: Israela masha ni shanhte hte ga shaka dagam manu ai; Shawlu mahtang Israela hte Yuda amyu masha ni a akyu matu tau nna shanhte hpe sat shamyit kau na maw wu ai.)

2 SAMUELA 21:2 ပူးပေါင်းရင်းမြစ်များ

NINGPAWT NINGHPANG 15:16

Prat mali lai ai hpang, na a amyu matu ni ndai shara de bai nhtang wa na mara ai; hpa majaw nga yang, Amori masha ni ari ahpri hkrum mu ga, shanhte grai n hkru n shawp ai ni tai mat wa ai aten du hkra, ngai shaden kau na nngai n rai.

2 SAMUELA 24:1

Dai Madu gaw Israela amyu hpe kalang mi bai masin pawt bu nga ai rai nna, shanhte hpe sharu shatsang shangun na matu, dai Madu gaw Dawi hpe, “Israela hte Yuda masha ni hpe sa hti yu su,” ngu nna tsun wu ai.

2 HKAWHKAM 10:16

“Ngai kaw hkan nang nna dai Madu hta ngai gade sha kam sham nga nngai hpe nang nan mu na ndai,” ngu nna tsun htang wu ai. Dai hpang shan gaw rau sha Samari mare de jawn sa mat wa ma ai.

2 HKAWHKAM 10:31

Rai ti mung Yehu gaw dai Madu Israela a Karai Kasang a Tara hpe shi a myit masin mahkra hte madat mara nga ai n rai; shing rai na malai, Israela masha ni hpe yubak lam de woi sa ai Yeroboam a arawn alai kasi hta hkan dagraw nang nga wu ai.

1 HKAWHKAM LABAU 1:14

Hkanan gaw Yebusi, Amori, Girgashi,

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

ROMA 10:2

Hpa majaw nga yang, shanhte gaw Karai Kasang hta grai myit maju jung ai ni rai nga ma ai hpe ngai sakse hkam nga lu nngai. Rai ti mung shanhte a myit maju jung ai lam gaw teng man ai machye machyang hte n rai nga ma lu ai.

GALATI 4:17

Ngai hpe ninghkap ai ni gaw nanhte a ntsa e grai wa myit lawm bu nga ma ai; rai ti mung, teng man mai kaja ai hku yaw shada ai n rai. Shanhte a ra ai lam gaw shanhte a ntsa e nanhte a myit lawm ai lam hkam la lu hkra, nanhte hpe ngai hte jahka kau shangun mayu ai majaw rai nga ai.

TARA JAHPRANG 7:16

Dai Madu nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

1 SAMUELA 14:44

Shawlu gaw shi hpe, “Nang sat kau ai n hkrum na rai yang gaw Karai Kasang ngai hpe si hkra adup u ga!,” ngu nna tsun wu ai.