2 SAMUELA 21:16 - Jinghpaw Common Language Bible 2009

¹⁶ Marim mangam rai galu kaba nna Ishbibeno mying ai wa gaw pawng sanit chyen daram li ai magri mang nri lang, nhtu nnan hte hpyen hking sumraw da ai rai nna Dawi hpe sat lu na zawn nawn da wu ai.

Jinghpaw Hanson Version Bible

¹⁶ Dai re ai majaw, Rehpim amyu matu rai nna, magri shekela latsa li ai ri tu lang let, hpyen hking ningnan sumraw ai Ishbi-beno gaw Dawi hpe sat na maw nga ai.

2 SAMUELA 21:16 ပူးပေါင်းရင်းမြစ်များ

NINGPAWT NINGHPANG 14:5

Shi mali ning hta e Hkedalauma hte shi a jinghku hpyen hpung ni gaw rau sa nhtawm, Ashterot Karnaim hta e Rehpim masha ni hpe mung, Ham hta e Zuzim masha ni hpe mung, Kiriahtim pa hta e Emim masha ni

NINGPAWT NINGHPANG 6:4

Dai prat e mung, dai prat a hpang e mung, dai shinggyim numsha ni hte Karai Kasang a shadang sha ni a aru arat ni gaw ginding aga ntsa e grai galu kaba ai ni rai ma ai. Shanhte gaw moi prat kaw nna magrau grang ai share ninghkrin ni hte kajai gumhkawng ai masha ni rai ma ai.

2 SAMUELA 21:18

Dai hpang Goba shara e Hpilisti masha ni hte majan bai byin ai shaloi mung Husha masha Sibehkai mahtang dai marim mangam rai galu kaba ai Sap mying ai wa hpe sat kau wu ai.

2 SAMUELA 21:20

Dai hpang Gat mare e gasat gala ai hpe yu ra sharawng ai masha kaba langai hte majan bai byin sai. Dai wa gaw lata maga mi de layung kru kru, lagaw maga mi de layung kru kru tu ai wa rai nga ai.

2 SAMUELA 21:22

Dai masha mali hte gaw Gat mare e nga ai dai marim mangam rai galu kaba ai wa a amyu matu ni rai ma ai. Shanhte yawng hte gaw Dawi hte shi a masha ni a lata hta sat kau hkrum ai ni rai ma ai.

2 SAMUELA 5:18

Hpilisti masha ni mung Rehpim Kadit de du nna, dai hpe sa madu la ma ai.

BU HKAWM 13:22

Shanhte gaw dingda daw de shawng shang sa nna Anak ngu ai galu kaba ai amyu matu mara ni rai nga ai Ahiman, Sheshai hte Talamai lakung lama ni nga ai Hebron mare de du shang ma ai. (Hebron mare gaw Egutu mung na Zoan mare garai n de yang sanit ning shawng nna de nga sai mare re.)

BU HKAWM 13:28

Rai ti mung dai mungdan hta nga ai masha ni chyawm gaw n-gun ja ma ai. Shanhte nga ai mare ni mung grai kaba nhtawm bunghku kum da ai mare ni rai ma ai; dai hta grau yu mau na zawn re ai galu kaba ai amyu ni hpe mung anhte mu kau da saga ai.

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

TARA JAHPRANG 2:10

(N-gun rawng nna grai galu kaba ai amyu ngu nna shamying ai Emim masha ni gaw Ara mare hta nga nga ma ai. Shanhte gaw kaga grau galu kaba ai Anakim masha ni zawn rai ma ai.

TARA JAHPRANG 2:11

Shanhte gaw Anakim masha ni zawn rai nna, shanhte hpe Rehpim ni ngu nna mung tsun ma ai. Rai ti mung Moba masha ni chyawm gaw shanhte hpe Emim ngu nna shamying ma ai.

TARA JAHPRANG 2:21

Shanhte gaw Anakim masha ni zawn hkum shingyan tsaw nga ma ai. Shanhte hta na law law wa n-gun rawng ai hte galu kaba ai amyu ni rai ma ai. Rai ti mung, dai Madu gaw shanhte hpe shamyit kau nga sai; shing rai Amon masha ni gaw shanhte a mungdan hpe madu la ya nna dai mung e nga nga ma ai.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)

TARA JAHPRANG 9:2

Dai mung na masha ni gaw galu kaba nna n-gun ja ai masha ni rai nga ma ai majaw kadai mung shanhte a man e n tsap lu nga ai ngu nna tsun gara ai lam hpe nanhte na yu na manit dai.

YAWSHU 11:22

Anakim masha ni kadai mung Israela mungdan hta ngam nga lu na ma ai n rai; Gaza, Gat hte Ashdod mare ni hta sha loi mi nga nga ma ai.

YAWSHU 15:14

Hkaleb gaw Anak a amyu matu ni rai nga ai Sheshai, Ahiman hte Talmai matu mara ni hpe mare kaw nna gawt shapraw kau wu ai.

1 SAMUELA 17:7

Shi lang ai nri gaw da hkaw daram kaba nna, de a ri lap gaw pawng 15 daram li nga ai. Shi a ninggang hpai ya ai hpyenla langai mung shi a shawng e hkawm nga ai.