2 SAMUELA 21:14 - Jinghpaw Common Language Bible 2009

¹⁴ Dai hpang Shawlu hte Yonahtan a nrut nra ni hpe Benyamin lamu ga Zela shara na Shawlu a kawa Kisha a lupwa hta makoi mayang da ma ai. Shing rai hkawhkam wa hkang da ai lam yawng hpe galaw ngut ai hpang she mungdan a matu shanhte a akyu hpyi ai ga, Karai Kasang htan ya wu ai.

Jinghpaw Hanson Version Bible

¹⁴ nlang hte hpe, Ben-yamin mung, Zela shara na Shawlu a kawa Kisha a lup hta makoi mayang mu ai: shing rai hkawhkam wa hkang da ai lam yawng mayawng hpe galaw ngut ai hpang e she, mungdan a matu akyu hpyi ai ga, Karai Kasang madat mara ya wu ai.

2 SAMUELA 21:14 ပူးပေါင်းရင်းမြစ်များ

2 SAMUELA 21:13

Dawi gaw Shawlu yan Yonahtan a nrut nra hpe mung, noi da sai masha sanit a nrut nra ni hpe mung shinggyin da wu ai.

2 SAMUELA 24:25

Dai hpang shi gaw dai Madu a matu tawn hkungri langai galaw nhtawm wan nat hkungga ni hte mahku hkungga ni nawng ya wu ai. Dai Madu mung shi a akyu hpyi ga hpe htan ya nna Israela mung ting hta byin nga ai ana zinli kaba jasim kau nga ai.

2 SAMUELA 3:32

Abna hpe Hebron mare e lup makoi ma ai rai nna, hkawhkam wa mung lup e ja ja jahtau hkrap wu ai; amyu masha ni yawng mung hkrap ngu hkrap ngoi nga ma ai.

2 SAMUELA 4:12

Dawi gaw shi a hpyenla ni hpe hkang dat ai hte Rehkab hte Bana yan hpe sat kau ma ai; shan a lagaw lata ni hpe kahtam daw la nna Hebron hka lawng makau e noi da ma ai. Ishboshet a baw hpe chyawm gaw shanhte la nna Hebron mare e Abna a lup hta lup makoi da ma ai.

YONA 1:15

Dai hpang shanhte gaw Yona hpe hpai la nhtawm panglai hta kabai bang kau mu ai rai nna, dai hka gaw kalang lata sim mat nga ai.

ZEHKARIA 6:8

Dai hpang, lamu kasa gaw ngai hpe, “Dingdung maga Babelon mung de sa ai gumra ni gaw dai Madu a masin kahtet ai hpe shakawp ya manu ai,” ngu nna jahtau tsun wu ai.

BU HKAWM 25:13

Shi hte shi a lakung lama ni chyawm gaw htani htana hkinjawng ni tai nga manu ai. Shi gaw ngai hta lai nna shingjawng kashun ai kaning re ai hpara hpe mung n yu sharawng ai hte amyu masha ni a shut hpyit ai mara ni a matu htingrai htingrat ya nu ai.

BU HKAWM 25:8

dai lasha hte numsha nga ai sum de hkan nang nhtawm, shan lahkawng hpe nri hte galun htinggrang kau wu ai. Ndai lam hku nna Israela hpe shamyit jahten kau na ana zinli sim mat ai;

YAWSHU 18:28

Zela, Elep, Yebusi mare (shing n rai Yerusalem), Gibat, hte Kiriat Yarim ni rai nga ai. Mare shi lahkawng hte de a grup yin na kahtawng ni lawm nga ai. Dai gaw Benyamin amyu bawsang hta na lakung lama ni lu la ai lamu ga sali rai nga ai.

YAWSHU 7:26

Shanhte gaw shi a ntsa e nlung sumpum kaba kawng da ya ma ai rai nna dai ni du hkra dai yang e nga nga ai. Dai hkan nna shara dai hpe Tsin-Yam Tsindam Kadit ngu nna naw shamying da ma ai. Dai hpang dai Madu gaw masin kawp mat wu ai.

1 SAMUELA 10:2

Dai ni, nang ngai hte hka nna wa ai shaloi, Benyamin a lamu ga Zelza shara na Rahkela lup makau kaw masha lahkawng hte hkrum na ra ai. Shaloi, dai yan nang sa tam ai lawze ni mu la sai; na nwa gaw lawze ni a lam hpe n myit ru, na a lam myit tsang nna shi gaw, ‘Nye a kasha a matu ngai kaning di na i?,’ nga nna sha asan nga ai lam nang hpe tsun dan na mara ai.