2 SAMUELA 21:12 - Jinghpaw Common Language Bible 2009

¹² Gilead mung e nga ai Yabesha masha ni a lata hta nga ai Shawlu hte shi a kasha Yonahtan a nrut nra ni hpe sa la da wu ai. (Ya Yabesha masha ni gaw Gibeon bum ntsa e Hpilisti masha ni Shawlu hpe sat kau nhtawm shi a moi mang hpe noi kau da ai Bet Shan shawa shara pa kaw na sa lagu tawn da nga ma ai.)

Jinghpaw Hanson Version Bible

¹² Dai rai nna Dawi gaw, Hpilisti masha ni Gilboa kawng e Shawlu hpe sat nna, shi a moi mang hpe Bet-shan shara e noi da ai kaw na sa lagu la ai Gilead mung na Yebesha masha ni hpang de sa nna, Shawlu a nrut nra hte kasha Yonahtan a nrut nra ni hpe la wa nhtawm;

2 SAMUELA 21:12 ပူးပေါင်းရင်းမြစ်များ

2 SAMUELA 1:21

Gilaboa kawng ni hta marang mung numri mung n hkrat mat nu ga; De a yi hkauna ni gaw tut nawng e nsi naisi n shapraw ya nu ga! Magrau grang ai wa a ninggang ni gaw dai yang e n sawn nsang di kabai kau ai hkrum nga nu hka! Shawlu a ninggang gaw sau hte galoi mung n arut da lu na sai.

2 SAMUELA 1:6

Dai shabrang wa chyawm gaw, “Gilaboa Bum ntsa e hpa baw mi byin sai kun, ngu du hkawm yu yang, Shawlu gaw shi a nri hta shanat nga ai shaloi hpyen maga de na hpyen leng ni hte gumra jawn ai ni shi hpang de shani sa wa nga ma ai hpe ngai mu nngai.

2 SAMUELA 2:4

Dai hpang Yuda masha ni Hebron mare de sa nhtawm Dawi hpe namman jaw ya let Yuda hkawhkam aya dang ya ma ai. Gilead mung na Yabesha masha ni Shawlu hpe makoi mayang kau sai shiga hpe Dawi na jang,

2 SAMUELA 21:11

Dawi gaw Rizpa hpa galaw nga ai lam hpe na jang,

2 SAMUELA 21:13

Dawi gaw Shawlu yan Yonahtan a nrut nra hpe mung, noi da sai masha sanit a nrut nra ni hpe mung shinggyin da wu ai.

1 HKAWHKAM LABAU 10:1

Hpilisti masha ni gaw Israela masha ni hpe Gilaboa Bum ntsa e sa gasat ma ai. Dai yang e Israela masha ni law law sat kau ai hkrum ma ai; ngam nga ai shanhte hta na Hkawhkam Shawlu hte shi a kasha ni du hkra hprawng lawm mat ma ai.

1 HKAWHKAM LABAU 10:12

Magrau grang htum ai masha ni sa nna Shawlu hte shi a shadang sha ni a moi mang ni hpe shayu la nhtawm Yabesha mare de la wa ma ai. Shanhte gaw dai yang na wamyi hpun npu e shanhte hpe lup makoi nhtawm sanit ya tup lusha gam nga ma ai.

1 HKAWHKAM LABAU 10:8

Hpilisti masha ni gaw majan a hpang shani e si mang ni hta na lanep hpyu la na nga, pru sa wa mu yang, Shawlu a moi mang hte shi a kasha masum hte gaw Gilaboa Bum ntsa e si taw nga ai hpe shanhte mu ma ai.

YAWSHU 17:11

Manashe gaw Yisahka hte Ashera lamu ga hta na Bet Shan hte Iblim hte de a grup yin mare ni, Dora (Hkin-gau ntsa na mare langai), Endora, Tanak hte Megido mare ni hte de a grup yin mare ni hpe madu la nga ai.

1 SAMUELA 28:4

Hpilisti hpyen hpung ni hpawng nna Shunem mare makau e dap jung tawn ma ai; Shawlu mung Israela masha ni hpe shinggyin la nna Gilaboa Bum e dap jung tawn wu ai.

1 SAMUELA 31:1

Hpilisti masha ni gaw Israela amyu masha ni hpe Gilaboa Bum ntsa e sa gasat ma ai. Dai yang e, Israela amyu masha ni law law sat kau ai hkrum nga ma ai; ngam nga ai ni hta Hkawhkam Shawlu hte shi a kasha ni du hkra hprawng mat wa ma ai.

1 SAMUELA 31:3

Dai gasat gala ai gaw Shawlu a grup grup e laja lana rai nga ai majaw shi hkum nan hta hpyen wa a ndan pala wa jung hkrum wu ai hte grai yu matsan dum na zawn hkala hkrum da wu ai.

1 SAMUELA 31:4

Shaloi shi gaw shi a laknak hpai ya ai shabrang wa hpe, “Na a nhtu shaw nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung, dai shabrang wa mahtang shing re ai amu galaw na matu nau wa hkrit gari da wu ai. Shawlu gaw shi a nhtu shaw la nhtawm shi hkum nan dai hta abraw si mat wu ai.