2 SAMUELA 21:11 - Jinghpaw Common Language Bible 2009

¹¹ Dawi gaw Rizpa hpa galaw nga ai lam hpe na jang,

Jinghpaw Hanson Version Bible

¹¹ Shawlu a lashi num, Aia a kasha Rizpa galaw ai lam hpe Dawi na wu ai.

2 SAMUELA 21:11 ပူးပေါင်းရင်းမြစ်များ

2 SAMUELA 2:4

Dai hpang Yuda masha ni Hebron mare de sa nhtawm Dawi hpe namman jaw ya let Yuda hkawhkam aya dang ya ma ai. Gilead mung na Yabesha masha ni Shawlu hpe makoi mayang kau sai shiga hpe Dawi na jang,

2 SAMUELA 21:10

Dai hpang Aia a shayi sha ngu na Shawlu a lashi num Rizpa gaw moi mang tawn da ai lunghtawn ntsa e shi a matu shingbyi shara langai mi hpe lachyit nba hte gap da nna, dai yang e nmut dan hpang ai shani kaw nna mangai marang hkrat ai aten du hkra nga nga wu ai. Dai laman hte hta shani e moi mang ni hpe ntsa malen u ni n sa sha hkra mung, shana e matse labye dusat ni n sa kawa hkra mung makawp maga let gawn nga wu ai.

2 SAMUELA 21:12

Gilead mung e nga ai Yabesha masha ni a lata hta nga ai Shawlu hte shi a kasha Yonahtan a nrut nra ni hpe sa la da wu ai. (Ya Yabesha masha ni gaw Gibeon bum ntsa e Hpilisti masha ni Shawlu hpe sat kau nhtawm shi a moi mang hpe noi kau da ai Bet Shan shawa shara pa kaw na sa lagu tawn da nga ma ai.)