2 SAMUELA 20:7 - Jinghpaw Common Language Bible 2009

⁷ Dai rai nna Yoab a masha ni mung, hkawhkam wang na sin langa hte kaga hpyenla ni yawng gaw Abishai hte rau Sheba a hpang hkan shachyut na matu Yerusalem mare kaw nna pru sa wa ma ai.

Jinghpaw Hanson Version Bible

⁷ Dai rai nna Abishai gaw, Yoab a masha ni hte Hkrehti masha, Pelehti masha, n-gun ja ai share ni yawng hte rau, Bihkri a kasha Sheba hpe hkan shachyut na matu, Yerusalem mare na pru wa ma ai.

2 SAMUELA 20:7 ပူးပေါင်းရင်းမြစ်များ

2 SAMUELA 15:18

Hkawhkam wang na sin langa wa shi a man e lai hkawm nga yang, shi a du salang ni yawng mung shi a makau e tsap nang nga ma ai. Shi kaw hkan nang nga ai Gat mare na hpyenla kru tsa hte mung hkawm lai mat wa ma ai;

2 SAMUELA 20:23

Yoab gaw Israela hpyen luksuk hpe up hkang ai du rai nga ai; Yehoiada a kasha Benaia gaw Dawi a asak sin ai amu woi hpareng ai wa rai nga ai.

2 SAMUELA 8:16

Kanu Zeruia a kasha Yoab gaw hpyen luksuk up hkang du kaba rai nga ai; Ahiluda a kasha Yehoshahpat gaw labau ka matsing ai ni a hpareng rai nga ai.

2 SAMUELA 8:18

Yehoiada a kasha Benaia gaw Dawi a hkum hpe makawp maga ai hpareng wa rai nga ai; Dawi a shadang sha ni mung hkinjawng ni rai ma ai.

1 HKAWHKAM 1:33

shi shanhte hpe, “Nanhte hte rau nye a hkaw wang na du salang ni hpe woi wa mu; nye a kasha Shawlumon hpe mung nye a lawze hta shajawn nhtawm shi hpe sin let Gihon hka hpawk de yu wa masu;

1 HKAWHKAM 1:38

Dai rai nna, Zadok, Nahtan Benaia hte hkawhkam wang sin ai sin langa ni gaw Shawlumon hpe hkawhkam Dawi a lawze hta shajawn nhtawm shi hpe hkan sin let Gihon hka hpawk de woi yu wa ma ai.

1 HKAWHKAM 1:44

Dawi gaw Zadok, Nahtan, Benaia hte hkawhkam wang sin ai sin langa ni hpe shangun dat nhtawm shanhte gaw hkawhkam wa a lawze hta shi hpe shajawn mu ai.

1 SAMUELA 30:14

Anhte gaw Yuda mung a dingda daw e nga ai Hkerehti lamu ga hte Hkaleb lakung lama ni a lamu ga ni hpe hpya jahten kau da nhtawm Ziklag mare hpe mung nat kau da ga ai,” ngu nna htan wu ai.