2 SAMUELA 20:6 - Jinghpaw Common Language Bible 2009

⁶ Dai majaw hkawhkam wa gaw Abishai hpe, “Sheba gaw Absalom hta pyi grau nna anhte hpe sharu shatsang na ra ai. Nye a masha ni hpe woi nna shi a hpang hkan su; shing n rai jang, shi gaw bunghku ngang ai mare nkau mi gan madu la nhtawm anhte a lata kaw nna lawt mat wa na ra ai,” ngu nna tsun wu ai.

Jinghpaw Hanson Version Bible

⁶ Dai majaw Dawi gaw Abishai hpe, Absalom anhte hpe sharu ai hta, dai Bihkri a kasha Sheba sharu ai mahtang grau yak na ra ai: na a madu a ali ama ni hpe woi nna dai wa hpe shachyut su; dai n rai yang, bunghku ngang ai mare langai ngai de shang jang, shi anhte a lata na lawt na ra ai, ngu nna htet da wu ai.

2 SAMUELA 20:6 ပူးပေါင်းရင်းမြစ်များ

2 SAMUELA 10:14

Suri masha ni kagat hprawng htaw mat wa ai hpe Amon masha ni mu jang, shanhte mung Abishai kaw na hprawng mat wa nhtawm mare de htingnut mat wa ma ai. Shaloi Amon masha ni hpe gasat nga ai kaw na Yoab nhtang mat wa nhtawm Yerusalem mare de wa mat wa ma ai.

2 SAMUELA 11:11

Uria mahtang, “Israela hte Yuda masha ni mahtang majan pa hkan e she nga nga ma ai. Shanhte hte rau Ga Shaka Sumpu mung nga nga ai; nye a up hkang du Yoab hte shi a du salang ni mung pa hkan e she dap jung tawn da nga ma ai mi, ngai kaning rai nta de wa nna lu lu sha sha rai let, nye a madu jan hte yup lu na rai ta? Dai zawn re ai amu hpe galoi mung ngai n galaw na rai nga nngai gaw chyoi pra ai mying hta dai lam yawng hpe ngai dagam nngai!,” ngu htan wu ai.

2 SAMUELA 18:12

Rai ti mung dai wa mahtang, “Nang ngai hpe gumhpraw lap hkying wa mi jaw ti mung, hkawhkam wa a kasha hpe lata layung hte pyi n hkra gwi nngai. Nang hpe mung Abishai hte Itai yan hpe mung, ‘Nye a myi man tau let, dai shabrang Absalom hpe hkum hkra myit,’ ngu nna hkawhkam wa hkang da ai ga hpe anhte yawng na saga ai.

2 SAMUELA 18:2

Dai hpang hpung masum di garan nhtawm hpung mi hpe Yoab, hpung mi hpe Yoab a kanau Abishai, bai hpung mi hpe Gat mare na Itai ni up hkang let pru sa wa shangun wu ai. Dai hpang hkawhkam wa gaw shi a masha ni hpe, “Ngai hkum nan nanhte hte rau pru sa na nngai,” ngu nna tsun wu ai.

2 SAMUELA 19:7

Ya mung, pru sa nna na a masha ni hpe shangang shakang ai hte shalan shabran ya mi; dai hku nang n galaw ai rai yang, hpawt de nang hte rau masha langai mi mung n nga na ra ai gaw dai Madu a mying ningsang gang let ngai dagam nga nngai. Dai gaw na a asak prat tup hta hkrum sha ai nni nkri hta grau sawng htum ai ru yak tsin-yam tsindam tai na ra ai,” ngu nna tsun wu ai.

2 SAMUELA 2:18

Dai majan hta Zeruia a kasha masum rai nga ai Yoab, Abishai hte Asahela ni lawm nga ma ai. Asahela chyawm gaw chyahkyi zawn kagat chyang lu ai wa rai nna,

2 SAMUELA 21:17

Rai ti mung Zeruia a kasha Abishai mahtang Dawi hpe sa karum ai hte dai masha kaba wa hpe htim gasat ai hte sat kau wu ai. Dai hpang Dawi a masha ni gaw shanhte hte rau galoi mung majan n pru gasat na matu Dawi hpe ga sadi jaw shangun mu ai. Shanhte gaw, “Nang gaw Israela a myit mada shara rai nga ndai majaw hkrat sum mat na anhte n ra sharawng ga ai,” ngu nna tsun ma ai.

2 SAMUELA 23:18

Yoab a kanau Abishai (shan a kanu Zeruia) gaw dai gumhkawng ai share “Sumshi” a ningbaw rai nga ai. Shi gaw masha masum tsa hpe shi a nri hte sat kau lu ai wa re majaw, “Dai Sumshi” hta mying gumhkawng ai wa tai wa sai.

2 SAMUELA 3:30

Shing rai Yoab hte shi a kanau Abishai yan gaw Gibeon mare na majan hta shan a kanau Asahela hpe sat kau ya ai majaw Abna hpe matai dawp la nga ma ai.

2 SAMUELA 3:39

Ngai gaw Karai Kasang e lata san da sai hkawhkam rai nga tim pyi, dai ni ngai gawng kya nga nngai. Ndai Zeruia a kasha ni gaw nye a matu nau wa ja la nga masai. Ndai ru hka amu galaw shapraw ai majaw shanhte hkam la ging ai hte maren dai Madu ari jaw ya u ga law!,” ngu nna tsun wu ai.

1 HKAWHKAM 1:33

shi shanhte hpe, “Nanhte hte rau nye a hkaw wang na du salang ni hpe woi wa mu; nye a kasha Shawlumon hpe mung nye a lawze hta shajawn nhtawm shi hpe sin let Gihon hka hpawk de yu wa masu;

1 HKAWHKAM LABAU 11:20

Yoab a kanau Abishai gaw dai “Gumhkawng Ai Share Sumshi” a ningbaw wa rai nga ai. Shi gaw masha masum tsa hpe shi a nri hte gasat nna sat kau lu ai wa rai nga ai majaw “Dai Sumshi” hta gumhkawng ai wa tai wa sai.

1 HKAWHKAM LABAU 18:12

Kanu Zeruia a kasha Abishai gaw Jum Kadit e Edom masha ni hpe gasat dang kau nhtawm shanhte hta na masha mun mi hkying matsat hpe sat kau wu ai.

YEREMIA 8:14

“Anhte gaw hpa majaw atsin sha dung nga ga ta?,” nga nna Karai Kasang a masha wa san nga ai. “Sa marit, anhte gaw bunghku kum ai mare ni de kagat sa nna, dai shara ni hta atsin sha sa si nga ga. Dai Madu anhte a Karai Kasang gaw anhte shi hpe shut kau ai yubak mara ni a majaw, anhte atsin sha si na matu jahten shaza kau nu ai hte anhte hpe gung ntsin lu shangun mi ai.

MARKU 3:24

Mungdan langai mi a kata hta daw hka bra ayai nna shada da gasat hkat ai rai yang dai mungdan gaw n grin nga lu ai.

1 SAMUELA 26:6

Dai hpang, Dawi gaw Hiti masha Ahimelek hte Yoab a kanau Abishai, (shan a kanu gaw Zeruia rai nga ai) yan hpe, “Nan hta na kadai mahtang Shawlu a dap de ngai hte rau sa na myit ni?,” ngu nna san wu yang, Abishai mahtang, “Ngai hkan na nngai,” ngu nna htan wu ai.