2 SAMUELA 20:3 - Jinghpaw Common Language Bible 2009

³ Dawi gaw Yerusalem mare na shi a hkawhkam hkaw de bai du wa jang, dai hkawhkam htingnu sin na matu shi shangun tawn da ai lashi num shi woi la nna shanhte hpe rawng da nhtawm bau tawn wu ai. Shanhte hta ra kadawn nga ai lam ni hpe karum ya wu ti mung, shanhte hte n kanawn ai sha nga nga wu ai. Dai rai nna shanhte gaw gaida jan ni zawn naw ngam nga ai shanhte a asak hkrun lam tup dai zawn sharen da ai hkrum nga ma ai.

Jinghpaw Hanson Version Bible

³ Shing rai Dawi gaw Yerusalem mare na shi a htingnu de bai du wa ai: shaloi hkawhkam wa gaw, shi a htingnu sin shangun da ai lashi num marai shi hpe, nta langai mi hta rawng da nna bau wu ai; rai timung, shanhte hpe n shum nu ai. Shanhte gaw si ai nhtoi du hkra rawng da ai hkrum nna, gaida zawn nga nga ma ai.

2 SAMUELA 20:3 ပူးပေါင်းရင်းမြစ်များ

NINGPAWT NINGHPANG 40:3

Yosep hpe sharen da ai dai sin langa ni a du wa a nta na htawng hta e shan hpe sharen da mu ai.

2 SAMUELA 15:16

Shaloi hkawhkam htingnu sin na matu lashi num shi hte hpe tawn da ai hta kaga, shi a dinghku masha ni hte du salang ni yawng hkawhkam wa kaw hkan nang nna pru mat wa shajang ma ai.

2 SAMUELA 20:2

Dai re ai majaw Israela masha ni gaw Dawi kaw nna hprawng pru wa nhtawm, Sheba a hpang de hkan nang mat wa ma ai; rai ti mung, Yuda masha ni chyawm gaw Dawi hta sadi naw dung nga ma ai rai nna Yawdan hka kaw nna Yerusalem mare du hkra Dawi kaw hkan nang nga ma ai.