2 SAMUELA 20:22 - Jinghpaw Common Language Bible 2009

²² Dai hpang numsha gaw mare masha ni hpang de wa nhtawm shi maw mawn ai lam tsun dan wu ai rai nna, Sheba a baw daw la nhtawm Yoab hpang de bunghku ntsa hku kabai jahkrat ya wu ai. Shaloi Yoab pahtau dum dat let, shi a masha ni dai mare kaw na pru mat wa na kumla madun dat wu ai majaw, tinang nang a nta de wa shajang mat ma ai. Yoab mung Yerusalem mare de hkawhkam wa hpang de bai nhtang mat wa wu ai.

Jinghpaw Hanson Version Bible

²² Shaloi dai numsha gaw shi a hpaji hte maren mare masha ni hpang de wa nhtawm, shanhte gaw, Bihkri a kasha she da a baw daw la nna, Yoab kaw kabai jahkrat ya ma ai. Shaloi she shi pahtau dum nna, masha ni mung, dai mare na tinang nta de wa mat ma ai. Yoab mung Yerusalem mare de, hkawhkam hpang de bai wa ai.

2 SAMUELA 20:22 ပူးပေါင်းရင်းမြစ်များ

2 SAMUELA 18:16

Yoab gaw pahtau dum dat nhtawm majan gasat ai hpe jahkring kau wu ai; shi a hpyen hpung ni mung Israela masha ni hpe hkan shachyut nga ai kaw na nhtang mat wa ma ai.

2 SAMUELA 18:17

Shanhte gaw Absalom a moi mang hpe dai nam maling na sung ai nhkun kaba de kabai jahkrat bang nhtawm, nlung sumpum kaba sumpum let magap da ma ai. Israela masha ni yawng hprawng mat wa nhtawm tinang nang a nta de wa mat wa ma ai.

2 SAMUELA 2:28

Yoab mung shi a masha ni Israela masha ni hpe n hkan shachyut na matu pahtau dum let masat kumla madun dat wu yang, dai gasat gala ai gaw hkring mat nga ai.

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

2 SAMUELA 20:16

Dai mare kata e nga ai hpaji rawng ai numsha langai mi gaw mare bunghku kaw nna pru wa nhtawm, “Madat mu! Yoab hpe nang de sa wa na lam tsun dan ya mi: Ngai shi hte ga shaga mayu nngai,” ngu nna jahtau tsun wu ai.

HPAJI NINGLI 7:19

Mare langai a matu up hkang du marai shi jawm galaw lu ai amu hta hpaji byeng-ya rawng ai marai langai mi gaw grau nna galaw lu nga ai.

HPAJI NINGLI 8:11

Masha gaw ru hka amu ni hpe hpa majaw aloi loi sha shut hpyit nga a ta? Hpa majaw nga yang, Ru hka amu hpe alawan ari jaw ai n rai.