2 SAMUELA 20:21 - Jinghpaw Common Language Bible 2009

²¹ Dai gaw anhte a yaw shatawng shada ai lam n rai nga ai. Ehprim bum ga na Bikri a kasha Sheba mying ai masha langai mi gaw Hkawhkam Dawi hpe gumlau rawt hpang wa nu ai. Dai wa hpe ap ya mi ai rai yang, ngai ndai mare kaw na htingnut mat wa na nngai.” ngu nna tsun wu ai. Dai numsha mung, “Nang hpe mare bunghku ntsa hku shi a baw kabai jahkrat ya na ga ai,” ngu nna tsun wu ai.

Jinghpaw Hanson Version Bible

²¹ Dai hku n rai; Ehprim bum ga na, Bihkri a kasha Sheba ngu ai wa, hkawhkam Dawi hpe gumlau sai: dai wa hpe ap ya mi; shaloi rai yang gaw, dai mare na ngai wa na nngai, ngu nna htan wu ai. Shaloi dai numsha gaw Yoab hpe, Shi a baw nang hpang de kabai jahkrat ya na nngai, ngu nna tsun da wu ai.

2 SAMUELA 20:21 ပူးပေါင်းရင်းမြစ်များ

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

2 SAMUELA 20:2

Dai re ai majaw Israela masha ni gaw Dawi kaw nna hprawng pru wa nhtawm, Sheba a hpang de hkan nang mat wa ma ai; rai ti mung, Yuda masha ni chyawm gaw Dawi hta sadi naw dung nga ma ai rai nna Yawdan hka kaw nna Yerusalem mare du hkra Dawi kaw hkan nang nga ma ai.

2 SAMUELA 20:20

Yoab gaw, “Galoi n rai nu ga! Na a mare hpe ngai galoi n sharun, n jahten kau na we ai!

2 SAMUELA 23:18

Yoab a kanau Abishai (shan a kanu Zeruia) gaw dai gumhkawng ai share “Sumshi” a ningbaw rai nga ai. Shi gaw masha masum tsa hpe shi a nri hte sat kau lu ai wa re majaw, “Dai Sumshi” hta mying gumhkawng ai wa tai wa sai.

1 HKAWHKAM 11:26

Hkawhkam Shawlumon hpe kayin gumlau ai kaga masha gaw shi a du salang ni hta langai mi rai nga ai Ehprim mung Zereda mare na Nebat a kasha Yeroboam rai nga ai. Shi a kanu gaw Zerua mying ai gaida jan rai nga ai.

2 HKAWHKAM 10:7

Yehu a laika lu la shajang ai shaloi, Samari mare na ningbaw ni gaw Ahab a amyu matu sanit shi hte yawng hpe sat kau nhtawm shanhte a ningbaw ni hpe ka hta bang nna Yezrela mare Yehu hpang de shagun dat mu ai.

2 HKAWHKAM 5:22

Gehazi gaw, “N rai law, rai ti mung Ehprim bum ga na myihtoi hpung na marai lahkawng ya sha du yu wa ma ai rai nna shan hpe gumhpraw dengga hkying masum hte mani tsawm ai hpun palawng gahti galai di na man lahkawng nang hpe jaw shangun na lam ngai hpe sa tsun shangun ma ai,” ngu nna htan wu ai.

YEREMIA 4:15

Dan a mare hte Ehprim a kawng ni kaw nna shiga htawn ai ni gaw n kaja ai shiga ni hpe ndau shabra ma ai.

YEREMIA 50:19

Ngai gaw Israela amyu masha ni hpe shanhte a mungdan de nhtang wa shangun na nngai; shanhte gaw Hkarmela bum ntsa hte Bashan ginwang hkan tu ai namlaw namlap lusha ni sha nna, Ehprim hte Gilead mungdaw hkan shanhte ra ai made tu ai nsi naisi ni sha lu na mara ai.

YAWSHU 24:33

Arun a kasha Eleaza si mat sai rai nna, shi a kasha Hpineha hpe jaw ai Ehprim bum ga na Gibea mare e lup makoi da ma ai.

TARA AGYI 2:9

Shi hpe Gasha Bum a dingdung maga, Ehprim bum ga na shi a lamu ga sali rai nga ai Timnat Sera shara hta lup makoi da nga ma ai.

TARA AGYI 7:24

Gidon mung Ehprim Bum ga ting de kasa ni hpe shangun dat nhtawm, “Midian masha ni hpe hka n lu rap lu hkra hkap shadang na matu, Yawdan hka hte Betbara hka shi lwi nga ai shara du hkra hkap magang nna shanhte hpe yu gasat mu,” ngu nna htet shana dat wu ai. Ehprim a masha ni gaw shaga jahpawng la ai hkrum nhtawm Yawdan hka hte Betbara hka shi ni nga ai shara du hkra sin hkap nga ma ai.

TARA AGYI 9:55

Abimelek si mat sai hpe Israela masha ni mu ma ai shaloi, shanhte yawng nta de nhtang mat wa ma ai.

1 SAMUELA 24:6

“Dai Madu lata san da sai hkawhkam nye a Madu hpe machyi shangun ai amu kaning re ai kaw na mung, dai Madu ngai hpe hkum kau ya n-ga law! Shi gaw dai Madu lata san da sai hkawhkam rai nga ai majaw ngai shi hpe kachyi mi pyi machyi shangun lu na nngai n rai!,” ngu nna tsun wu ai.

1 SAMUELA 26:9

Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.