2 SAMUELA 20:19 - Jinghpaw Common Language Bible 2009

¹⁹ Anhte a mare gaw kaba ai mare langai mi rai nna Israela mung hta grau nna ngwi pyaw sim sa htum ai hte sadi dung htum ai mare langai mi rai nga ai. Nang gaw ndai mare hpe hpa majaw jahten sharun kau mayu nga n ta? Dai Madu madu da ai mare hpe nang sharun jahten kau mayu nga n ni?,” ngu nna tsun wu ai.

Jinghpaw Hanson Version Bible

¹⁹ Israela amyu hta ngwipyaw lam hkan nna kangka dingman ai jan langai mi rai nga nngai: nang chyawm gaw, Israela mi rai nga nngai: nang chyawm gaw, Israela mare, Israela kanu langai mi hpe hpya kau na maw nga ndai: Yehowa sali wunli hpe hpa rai mayu kau mayu n ta? ngu wu ai.

2 SAMUELA 20:19 ပူးပေါင်းရင်းမြစ်များ

NINGPAWT NINGHPANG 18:23

Abraham gaw dai Madu hpang de sit sa nna, “Mara n kap ai ni hpe mara kap ai ni hte rau nang teng teng jahten kau na wu ni?

2 SAMUELA 14:16

Karai Kasang gaw shi a amyu masha ni hpe jaw ya ai lamu ga kaw na anhte hpe htawt kau na kaw na mung, nye a kasha hte ngai hpe sat kau na matu shakut nga ai wa a lata kaw na mung, ngai hpe hkye la na lam mung, ngai tsun ai ga hpe nang madat ya na rai nga ndai hpe mung ngai myit nawn da we ai.

2 SAMUELA 17:16

Dai sha n-ga, Hushai gaw, “Ya jang alawan rawt mat wa manu! Nam Mali kata na uhkan ni hkan dai na jang pyi n hkring nga na matu Dawi hpang de kasa shangun dat mu; shi hte shi a masha ni yawng n rim hkrum na hte sat kau ai n hkrum lu mu ga, ya jang Yawdan hka rap mat wa manu,” ngu nna tsun dan wu ai.

2 SAMUELA 20:18

Dai numsha gaw, “Moi shawng de mahtang shanhte gaw, ‘Shanhte galaw law rai ga ma ai hte maren, Abela mare kata hta mahtai sa tam la la rai ma ai.

2 SAMUELA 20:20

Yoab gaw, “Galoi n rai nu ga! Na a mare hpe ngai galoi n sharun, n jahten kau na we ai!

2 SAMUELA 21:3

Dai re ai majaw Dawi gaw Gibeon masha ni hpe shaga la nhtawm, “Nanhte a matu ngai hpa galaw ya lu na rai ta? Dai Madu a amyu masha ni hpe nanhte shaman ya lu myit ga, nanhte hpe galaw shut kau sai amu a matu ngai htingrat ya mayu nga nngai,” ngu nna shanhte hpe tsun wu ai.

1 HKAWHKAM 8:53

Anhte a kaji kawa ni hpe Egutu mung kaw nna nang woi wa ai shaloi, na a shangun ma Mawshe hku nna nang shanhte hpe tsun nit dai hte maren, na a amyu masha majing tai na matu masha amyu ni yawng hta na nang shanhte hpe lata la nga nit dai.”

SHAKAWN KUNGDAWN 106:5

Na a amyu masha ni a ngamu ngamai ai lam hpe mung, na a amyu baw a kabu gara ai lam hpe mung, nang madu da ai amyu masha ni a kabu gumrawng ai lam hpe mung ngai hpe mu mada shangun e law.

SHAKAWN KUNGDAWN 124:3

shanhte hta masin kahtet ai gaw tung wa nna anhte hpe chyahkrung mayu kau na mu ai;

SHAKAWN KUNGDAWN 33:12

Dai Madu hpe shanhte a Karai Kasang shatai ai amyu baw gaw a nga ai; shi e lata la hkrum ai amyu masha ni gaw a lu nga ai!

SHAKAWN KUNGDAWN 78:71

Israela amyu masha ni a hkawhkam, Karai Kasang a amyu masha ni a sagu rem wa tai nga na matu, shi hpe san da nu ai.

YEREMIA 51:34

Babelon hkawhkam gaw Yerusalem hpe azat mani nna sha kau nu ai. Shi gaw namtau zawn; baren numraw gaw dai hpe mayu kau ai zawn mare hpe kaman di kau wu ai. Shi gaw shi ra sharawng ai hpe la nna ngam ai hpe kabai kau nu ai.

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

SHARUNG SHAYAWT 2:16

Na a gumlau hpyen ni yawng nang hpe jawm ashu nhtawm n dawng ai myi hte nang hpe yu shati da ma ai. “Anhte ndai mare hpe jahten kau lu saga ai! Anhte myit mada ala nga ai shani gaw dai shani nan rai nga ai,” nga nna shanhte gaw shanhte nten ni maka let jawng kau ma ai.

SHARUNG SHAYAWT 2:2

Dai Madu gaw Yuda mung hta nga ai mare shagu hpe matsan n dum ai sha jahten sharun kau nu ai, Mungdan hpe makawp maga ai hpyen dap ni hpe mung ashep ashin di kau nu ai. Shi gaw mungdan hte de a mungdu ni hpe jahpoi jahpyak lam shapraw nu ai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

BU HKAWM 16:32

shan a dinghku masha ni hte Kora a hpang hkan ai ni yawng hte shanhte a arai yawng mayawng hpe mayu kau nga ai.

BU HKAWM 26:10

Shan gaw Kora hte shi a hpang hkan nang ai ni masha 250 hte hpe wan hte hkru kau ai shaloi aga gaw ga mahka wa nna Kora hte rau mayu kau hkrum ai hte dai ni hta si lawm ai yan mung rai nga ai. Shan gaw amyu masha ni a matu shadum jahprang la na kasi kumla langai tai wa masai.

1 KORINHTU 15:54

Dai rai nna, ndai hten mat, yat mat chye ai gaw n hten n mat chye ai hpe mung, si mat chye ai gaw n si n mat chye ai hpe mung galai dagraw la ai shaloi, “Si hkrung si htan gaw padang e kamaw mayu ai hkrum nu ai; si hkrung si htan hpe padang dip ai lam ngut kre sai!,” nga nna Chyum Laika hta tsun da ai ga dik wa na ra ai.

2 KORINHTU 5:4

Ndai dinghta sum hta naw nga ai shaloi gun hpai ai lit e dip gamyet ai hpe hkam sha ai myit hte madai nga ga ai. Shingrai madai ai lam gaw anhte a dinghta hkum hkrang hpe gun kabai kau mayu ga ai majaw n rai, si mat chye ai hpe htani htana asak hkrung ai de galai mat na matu sumsing lamu na hkum hkrang hpe anhte dagraw la mayu ai majaw rai nga ai.

TARA JAHPRANG 20:10

“Mare langai hpe htim gasat myit dai shaloi, dai mare masha ni hpe asum jaw kau na ahkaw ahkang shawng jaw na rai myit dai.

TARA JAHPRANG 32:9

rai ti mung shi chyawm gaw Yaku amyu matu mara ni hpe shi a matu lata la nu ai.

1 TIMOHTI 2:2

Anhte gaw Karai Kasang hpe hkrit hkungga ai lam ni yawng hta atsawm sha hkan sa nna htap htuk mai kaja ai arawn asam rawng let ngwi pyaw sim sa ai hku asak hkrung nga lu u ga, Hkawhkam ni hte ahkang lu ai ni yawng a matu mara akyu hpyi nga mu.

TARA AGYI 5:7

Israela a mare ni kau da hkrum ai hte tsap marawng nga sai, Debora e, nang gaw Israela a matu kanu zawn nang du sa ai aten du hkra dai mare ni kaman tsap nga sai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.