2 SAMUELA 20:16 - Jinghpaw Common Language Bible 2009

¹⁶ Dai mare kata e nga ai hpaji rawng ai numsha langai mi gaw mare bunghku kaw nna pru wa nhtawm, “Madat mu! Yoab hpe nang de sa wa na lam tsun dan ya mi: Ngai shi hte ga shaga mayu nngai,” ngu nna jahtau tsun wu ai.

Jinghpaw Hanson Version Bible

¹⁶ Shaloi hpaji rawng ai numsha langai mi mare na pru jahtau ai gaw, Madat yu mu, madat yu mu; ngai Yoab hte shaga lu n ga, Yoab hpe nang de sit sa yu na da, ngu nna tsun ya mi, nga ai.

2 SAMUELA 20:16 ပူးပေါင်းရင်းမြစ်များ

2 SAMUELA 14:2

Tekoa mare hta nga ai dai myit let ai numsha langai mi hpe shaga shangun dat wu ai. Numsha dai du jang, Yoab gaw shi hpe, “Na a kara n masit ai sha, ayawn hpun palawng bu hpun nhtawm sharung shayawt masu u. Shing rai aten na na sharung shayawt hkrum ai numsha langai zawn galaw u.

2 SAMUELA 20:17

Yoab sa wa wu yang dai numsha gaw, “Nang Yoab rai nga n ni?,” ngu nna hkap san wu ai. Shaloi shi gaw, “Rai nga nngai,” ngu nna htan wu ai. Bai numsha gaw, “Madu e, ngai tsun ai ga na la ya e,” ngu nna tsun wu ai. Shi mung, “Ngai madat ya na nngai,” ngu nna htan wu ai.

2 SAMUELA 20:22

Dai hpang numsha gaw mare masha ni hpang de wa nhtawm shi maw mawn ai lam tsun dan wu ai rai nna, Sheba a baw daw la nhtawm Yoab hpang de bunghku ntsa hku kabai jahkrat ya wu ai. Shaloi Yoab pahtau dum dat let, shi a masha ni dai mare kaw na pru mat wa na kumla madun dat wu ai majaw, tinang nang a nta de wa shajang mat ma ai. Yoab mung Yerusalem mare de hkawhkam wa hpang de bai nhtang mat wa wu ai.

Daniela 2:14

Dai hpang Daniela gaw sat sharu kau na matu aming jaw hkrum ai hkawhkam wa a sin langa ni hpe up hkang ai Ariok hpang de sa wa wu ai. Shi a ga ni hpe sadi sahka hte lata la let,