2 SAMUELA 20:15 - Jinghpaw Common Language Bible 2009

¹⁵ Dai yang e Sheba nga nga ai hpe Yoab a masha ni na jang, dai mare hpe sa wang da nga ma ai. Shanhte gaw bunghku shinggan e kaduk htu nhtawm bunghku daw sharun kau na nga, bunghku npawt ni hpe htu ma ai.

Jinghpaw Hanson Version Bible

¹⁵ Sheba shingbyi nga ai Bet-mahka ginwang na Abela mare hpe wang tawn nna, shinggan na bunghku hte tawtap e kaduk htu ma ai; Yoab a masha ni nlang hte mung, mare bunghku hpe sharun na nga, bunghku npawt htu gawt ma ai.

2 SAMUELA 20:15 ပူးပေါင်းရင်းမြစ်များ

2 HKAWHKAM 19:32

“Ndai lam gaw Asuri Hkawseng wa hte seng ai dai Madu tsun da sai mungga rai nga ai: ‘Shi gaw dai mare de shang wa lu na n rai: dai mare kata de pala langai mi pyi gap bang lu na ra ai n rai. Dai mare makau hkan e mung, hpyenla ni hpyen ninggang shaw madun lu na n rai, ga sumpum ni hpe gawan da lu na ra ai n rai.

YEREMIA 32:24

“Babelon masha ni gaw mare hpe gasat la na matu mare grup grup hkan kaduk ni htu da nna shanhte htim gasat ma ai. Hpyen majan, kawsi hpang gara ai hte ana zinli ni gaw dai mare hpe shanhte a hpyen ni a lata de hkrat sum shangun nga ai. Nang tsun ai hte maren, yawng mayawng byin mat wa nga ai hpe nang mu lu nga ndai.

LUKA 19:43

Na a hpyen ni nang hpe kaduk ni hte dap jung nna wang da let, lam maga shagu pat shingdang da ai aten du wa na ra ai.

EZEKELA 4:2

Dai hpang, dai mare hpe wang da ai kumla shapraw na matu, kaduk ni hpe tawn u, ga kaduk ni galaw u, dap ni jung u, dai mare a grup grup yawng hta bunghku sharun ai gawng ni hpe tawn u.

YEREMIA 33:4

Yerusalem a nta ni hte Yuda hkawhkam htingnu ni gaw wang shinggrup ai hte htim gasat hkrum ai a majaw hten run mat na ra ai nga nna dai Madu Israela a Karai Kasang ngai nan tsun ni ai.

YEREMIA 6:6

Chyahtum Chyalai N-gun rawng ai dai Madu gaw, “Hpun ni hpe kran kau nna Yerusalem hpe wang tawn na matu kaduk ni galaw na dai hkawhkam ni hpe hkang da wu ai. Shi gaw, “Ndai mare gaw dip gamyet sha ai lam hpring nga sai majaw ndai mare hpe ngai ari jaw na nngai.

ESAIA 37:33

“Ndai gaw Asuri hkawseng hte seng nna dai Madu tsun nu ai ga rai nga ai: ‘Shi gaw ndai mare de shang lu na n rai, dai mare kata de pala langai pyi gap bang lu na n rai. Hpyen ninggang hte re ai hpyenla ni kadai mung dai mare de shani sa wa lu na n rai, kaduk ni hpe mung htu gawan da lu na n rai.

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

1 HKAWHKAM 15:20

Hkawhkam Benhadad mung Asa tang shawn ai ga hpe myit hkrum ya wu ai rai nna, Israela mare ni hpe gasat na matu shi a up hkang du salang ni hte hpyen luksuk ni hpe shangun dat wu ai. Shing rai shanhte gaw Iyon, Dan, Abela Bet Mahka, Galile Nawng makau na shara hte Naphtali lamu ga ting hpe gasat dang la mu ai.

2 SAMUELA 20:14

Sheba mahtang Israela amyu bawsang yawng a lamu ga hku ga lai mat wa nhtawm Abela Bet Mahka mare de sa wa nna Bikri lakung lama na masha hpung yawng hpe jahpawng la let dai mare kata de shi hte rau hkan shang nang mat wa ma ai.

HPAJI NINGLI 9:14

Masha law law n nga ai mare kaji langai mi nga ai. N-gun rawng ai hkawhkam langai mi dai hpe htim gasat nga ai. Shi gaw dai hpe wang gawan da nhtawm mare bunghku ni hpe adawt waw hkyen wu ai.