2 SAMUELA 20:12 - Jinghpaw Common Language Bible 2009

¹² Amasa a hkum gaw asai hte galwi nga nna nmaw lam ka-ang e taw nga ai. Shing rai byin nga ai shara hta masha shagu wa hkring hkring rai nga ma ai hpe Yoab mu jang ndai nmaw lam e taw nga ai moi mang hpe pa de gang garawt mat wa nhtawm nba hte magap da wu ai.

Jinghpaw Hanson Version Bible

¹² Amasa chyawm gaw nmaw lam ka-ang e shi a sai hta galwi taw nga ai. Lam e sa wa ai ni nlang, dai yang tsap gadawn nga ma ai hpe, Yoab a masha langai mi mu jang, Amasa a mang hpe lam shinggan de hpai sit kau nhtawm, nba hte magap da wu ai.

2 SAMUELA 20:12 ပူးပေါင်းရင်းမြစ်များ

2 SAMUELA 17:25

(Absalom gaw Yoab a shara hta Amasa hpe up hkang du shatai da wu ai. Amasa chyawm gaw Yoab a kanu Zeruia a kanau Nahasha a shayi sha Abigala hte Ishmaela masha Ihtra yan a kasha rai nga ai.)

2 SAMUELA 2:23

Rai ti mung Asahela mahtang asum n jaw ai majaw, Abna gaw shi a nri hpe shingdu de n-gun la hkra rai galun dat wu yang, kan e hput rai nna shi a shingma hkren rai mat wu ai. Shing rai Asahela ga de kadawng mat wa nna si mat sai. Dai shara de du ai ni mahkra shi taw nga ai shara e hkring nna dai yang e tsap nga ma ai.

2 SAMUELA 20:11

Yoab a masha langai mi gaw Amasa a moi mang makau e tsap nga nna, “Yoab hte Dawi hpang maga nga ai masha shagu hte gaw Yoab a hpang hkan mu!,” ngu nna jahtau tsun ma ai.

2 SAMUELA 20:13

Dai moi mang hpe nmaw lam kaw nna sit kau ngut jang, masha shagu mung Sheba hpe hkan shachyut na nga, Yoab kaw hkan nang nga ma ai.

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.