2 SAMUELA 20:10 - Jinghpaw Common Language Bible 2009

¹⁰ Lata maga mi de Yoab lang da ai nhtu gaw Amasa hpe hpa di na zawn n nawn da wu ai majaw, Yoab gaw shi a kan galun baw dat wu yang, pu kan ni ga ntsa de hkrat ayai mat hkra rai nga ai; shaloi shi akajawng sha si mat wa ai rai nna bai n kahtap galun ra mat wu ai. Dai hpang Yoab hte shi a kanau Abishai yan gaw Sheba hpang de matut shachyut mat wa wu ai.

Jinghpaw Hanson Version Bible

¹⁰ Pai lata de lang ai nhtu hpe, Amasa hpa di na zawn n nawn wu ai majaw, Yoab gaw shi a kan galun baw ya nna, pu ayai hkra rai nga ai; bai n kahtap galun timung, Amasa si mat sai. Yoab yan Abishai yan nau chyawm gaw Bihkri a kasha Sheba hpe shachyut na sa wa ma ai.

2 SAMUELA 20:10 ပူးပေါင်းရင်းမြစ်များ

NINGPAWT NINGHPANG 4:8

Dai hpang Ka-in gaw shi a kanau Abela hpe, “Pa hkan e hkawm chyai ga,” ngu nna tsun wu ai. Pa hkan e shan nga hkawm nga yang, Ka-in gaw shi a kanau hpang de kayin sa nna shi hpe sat kau wu ai.

2 SAMUELA 2:23

Rai ti mung Asahela mahtang asum n jaw ai majaw, Abna gaw shi a nri hpe shingdu de n-gun la hkra rai galun dat wu yang, kan e hput rai nna shi a shingma hkren rai mat wu ai. Shing rai Asahela ga de kadawng mat wa nna si mat sai. Dai shara de du ai ni mahkra shi taw nga ai shara e hkring nna dai yang e tsap nga ma ai.

2 SAMUELA 20:9

Yoab gaw Amasa hpe, “Nye a manang wa e, kaja nga n ni?,” ngu nna tsun let shi hpe pup na matu shi a hkra lata hte Amasa a nhka mun jum da ya wu ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

1 HKAWHKAM LABAU 12:2

mahkrum madup law law lu sai ni, kam ging ai hpyenla ni shi hpang maga de shang mat wa ma ai. Dai ni gaw pai hkra n lata ai sha ndan gap lu ai hte lakli hte nlung nwat lu ai ni rai ma ai.

YEREMIA 41:2

Ishmaela hte rau marai shi hte gaw shanhte a nhtu ni shaw la nhtawm Gedalia hpe sat kau ma ai.

BU HKAWM 35:20

“Masha langai mi mahtang marai langai ngai hpe n ju n dawng nna kanawng jahkrat ai hku sat kau ai rai yang rai, asak gyam nna arai lama ma hte kabai sat ai rai yang rai,

TARA AGYI 3:15

Dai hpang Israela amyu masha ni dai Madu hpe hpyi jahtau ma ai rai nna shanhte hpe shalawt dat na masha shangun dat ya wu ai. Dai wa gaw Benyamin amyu bawsang hta na Gera a kasha, lata lapai ai Ehud rai nga ai. Shaloi Israela amyu masha ni mung Ehud hpe Moba Hkawhkam Eglon hpang de shi a matu kumhpaw kumhpa ni hte hpawn shangun dat mu ai.

TARA AGYI 3:21

Ehud mung shi a pai lata hte hkra maga de bang da ai nhtu shaw la nhtawm hkawhkam wa a kan galun baw ya wu ai.

1 SAMUELA 26:8

Abishai gaw Dawi hpe, “Karai Kasang gaw na a gumlau hpyen wa hpe na a lata hta dai na ap ya ra ai. Dai rai nna shi a nri hte nan aga de hkrang hkra kalang lata shi hpe galun htinggrang kau we ga, lahkawng lang pyi n kahtap ra na nngai!,” ngu nna tsun wu ai.