2 SAMUELA 2:4 - Jinghpaw Common Language Bible 2009

⁴ Dai hpang Yuda masha ni Hebron mare de sa nhtawm Dawi hpe namman jaw ya let Yuda hkawhkam aya dang ya ma ai. Gilead mung na Yabesha masha ni Shawlu hpe makoi mayang kau sai shiga hpe Dawi na jang,

Jinghpaw Hanson Version Bible

⁴ Shaloi Yuda amyu masha ni sa nhtawm, Dawi hpe namman jaw let, Yuda amyu hta hkawhkam aya dang mu ai. Ya, Gilead mung na Yabesha mare masha ni, Shawlu hpe makoi mayang kau sai lam Dawi hpe sa tsun shana mu ai.

2 SAMUELA 2:4 ပူးပေါင်းရင်းမြစ်များ

2 SAMUELA 19:11

Israela amyu masha ni tsun jahta hkat ai shiga, Hkawhkam Dawi kaw du jang, shi gaw hkinjawng Zadok hte Abiahta yan hpe shangun dat nhtawm Yuda ningbaw ni hpe, “Hkawhkam wa hpe hkawhkam htingnu de bai woi la na lam nanhte hpa majaw hpang jahtum e nga nga myit ta?

2 SAMUELA 19:42

Yuda masha ni mung, “Hkawhkam wa gaw anhte a hpu nau langai mi rai nga ai majaw dai hku anhte galaw ga ai. Dai re ai majaw dai lam gaw nanhte hpe hpa majaw pawt shangun ang nga ga ni? Anhte a lusha jahpu shi jaw ya mi ai n rai; shi anhte hpe arai hpa mung n jaw ya mi ai,” ngu nna htan ma ai.

2 SAMUELA 2:11

Hebron mare hta hkaw dung nhtawm Yuda mung ting hpe sanit ning e shata kru up nga ai.

2 SAMUELA 2:7

N-gun shaja nna share shagan nga mu! Nanhte a Hkawhkam Shawlu si mat sai majaw Yuda masha ni ngai hpe namman jaw ya nhtawm hkawhkam aya dang da nga ma ai.”

2 SAMUELA 21:11

Dawi gaw Rizpa hpa galaw nga ai lam hpe na jang,

2 SAMUELA 21:12

Gilead mung e nga ai Yabesha masha ni a lata hta nga ai Shawlu hte shi a kasha Yonahtan a nrut nra ni hpe sa la da wu ai. (Ya Yabesha masha ni gaw Gibeon bum ntsa e Hpilisti masha ni Shawlu hpe sat kau nhtawm shi a moi mang hpe noi kau da ai Bet Shan shawa shara pa kaw na sa lagu tawn da nga ma ai.)

2 SAMUELA 5:17

Dawi gaw Israela hkawhkam tai nga sai hpe Hpilisti masha ni na jang, shi hpe sa rim la na nga, shanhte a hpyen luksuk ni rawt sa wa ma ai. Shing nga ai shiga hpe Dawi na jang, hpyen dap de sa nga mat wu ai.

2 SAMUELA 5:3

Dai rai nna Israela ningbaw ni yawng gaw Hebron mare e nga ai Hkawhkam Dawi hpang de du sa ma ai. Shi mung shanhte hte chyoi pra ga shaka galaw nna jinghku hku tawn wu ai; shanhte gaw shi hpe namman jaw ya nhtawm shi mung Israela a hkawhkam tai wa nu ai.

2 SAMUELA 5:5

Shi gaw Hebron mare e nga nna Yuda mung hpe sanit ning e shata kru up hkang nhtawm Yerusalem mare e nga nna Israela hte Yuda mung yawng hpe sumshi masum ning tup up nga wu ai.

2 HKAWHKAM 11:12

Dai hpang Yehoiada gaw Yosha hpe woi shapraw la nhtawm shi a baw ntsa e janmau shagup ya ai hte hkawhkam aya hte up hkang na Tara ni rawng ai laika kanan langai, shi hpe ap ya wu ai. Dai hpang Yosha gaw namman jaw hkam la nna hkawhkam rai nga sai lam masat ndau hkam la wu ai. Amyu masha ni mung lahpawk dum let, “Hkawhkam wa asak galu u ga law!,” ngu nna jahtau tsun ma ai.

1 HKAWHKAM LABAU 10:11

Hpilisti masha ni Shawlu hpe shing di kau manu ai lam hpe Gilead mung na Yabesha masha ni na ma yang,

1 HKAWHKAM LABAU 11:3

Dai rai nna Israela ningbaw ni yawng Hebron mare de Hkawhkam Dawi kaw du sa ma ai. Shi mung shanhte hte chyoi pra ai ga shaka galaw nna jinghku hku tawn wu ai; shing rai shanhte gaw shi hpe namman jaw ya nhtawm dai Madu gaw Samuela hku nna ga sadi jaw da nu ai hte maren, shi mung Israela a hkawhkam tai wa nu ai.

1 HKAWHKAM LABAU 12:23

Ya Hebron mare e Dawi nga nga yang, shaman shakyang da sai hpyenla law law hte gaw dai Madu ga sadi jaw da nu ai hte maren, Shawlu a shara hta shi hpe hkawhkam shatai ai hta karum la na matu shi a luksuk de shang sa ma ai. Shanhte a hti hkum ni gaw lawu de na hte maren rai nga ai: Yuda: 6,800 hpyen hking lang nna nri ninggang ni lang ai masha ni; Simun: 7,100 atsawm sha shaman shakyang da sai masha ni re. Lewi: 4,600 masha ni; Arun amyu matu na Yehoiada a hpang hkan ai masha 3,700; Zadok a kahpu kanau dap na majan woi awn lu ai shabrang 22; Benyamin (Shawlu a amyu bawsang nan) 3,000 (Benyamin masha law malawng hte gaw Shawlu hta sadi naw dung nga ma ai); Ehprim: 20,800 shanhte a amyu lakung ni hta na gumhkawng ai masha ni; Sinna Manashe: 18,000 Dawi hpe hkawhkam sa shatai na matu lata san da ai masha ni; Yisahka: Ningbaw 200; shanhte a up hkang ai npu hta rai nga ai masha ni (Ndai ningbaw ni gaw Israela masha ni hpa galaw ang ai hte kaja htum ai aten hta kaning rai galaw na lam chye nga ma ai.); Zebulun: 50,000 Majan gasat na matu jin jin rai nga nna, sadi dung let kam ging ai masha ni, laknak hkum sumhpa yawng hpe lang na matu shaman shakyang da masai. Naphtali: Ningbaw 1,000, ri ninggang hpai masha 37,000 hte rau rai nga ai. Dan: Shaman shakyang da ai masha 28,600. Ashe: Majan gasat na matu jin jin re ai masha 40,000; Yawdan hka sinpraw hkran na amyu bawsang: Rubin, Gad hte Sinpraw Manashe: hpyen gasat na matu hpyen hking hte laknak amyu hkum sumhpa lang nna shaman shakyang da sai masha 120,000.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.