2 SAMUELA 2:32 - Jinghpaw Common Language Bible 2009

³² Yoab hte shi a masha ni gaw Asahela a moi mang hpe la wa nhtawm Betlehem mare na dinghku masha ni a lup hta lup makoi da ma ai. Dai hpang shanhte gaw shana tup rawt hkawm sa mat wa ma yang, Hebron mare de nhtoi htoi ai aten hta du shang wa ma ai.

Jinghpaw Hanson Version Bible

³² Shanhte gaw Asahela moi mang hpe hpai wa nna, Betlehem mare na shi kawa a lup hta makoi mayang mu ai. Yoab hte sai a masha ni mung shana tup hkawm wa nna, nhtoi htoi jang, Hebron mare de du ma ai.

2 SAMUELA 2:32 ပူးပေါင်းရင်းမြစ်များ

NINGPAWT NINGHPANG 47:29

Yaku gaw si wa na nhtoi ni wa jang, shi a kasha Yosep hpe shaga la nhtawm shi hpe, “Na a lata nye a magyi lapran hta shawn bang nna ngai hpe Egutu mung e n lup makoi da na matu dagam shaka u.

NINGPAWT NINGHPANG 47:30

Nye a kaji kawa ni hpe makoi ai shara hta lup makoi na hpe ngai ra sharawng nngai; dai re ai majaw, Egutu mung kaw nna ngai hpe hpai lung wa nhtawm shanhte hpe lup ai shara hta ngai hpe lup makoi da mi,” ngu nna htet da wu ai. Yosep mung, “Nang htet ai hte maren, ngai galaw na nngai,” ngu nna tsun wu ai.

2 SAMUELA 2:31

Dawi a masha ni mung Benyamin amyu bawsang hta na Abna a masha 360 hpe sat kau lu ma ai.

2 SAMUELA 5:1

Dai hpang Israela amyu bawsang ni yawng gaw Hebron mare de Dawi kaw sa nna, “Anhte gaw na a hkum shan, na a asai nan rai nga ga ai.

2 HKAWHKAM LABAU 16:14

Dawi a Mare hta shi a matu shi tawk da ai lungrawk lup hta lup makoi da ma ai. Shanhte gaw shi hpe lup makoi na matu shi a moi mang hpe manam pyaw ai namji namya ni hte namman sau ni lang nna hkyen lajang da ma ai. Shi si mat ai a majaw yawn hkyen ai kumla hku nna grai kaba ai wan nat poi mung galaw ma ai.

2 HKAWHKAM LABAU 21:1

Yehoshahpat si mat sai rai nna, Dawi a Mare na hkawhkam lupwa hta lup makoi da ma ai; shi a kasha Yehoram gaw shi a hkang hta hkawhkam tai wa sai.

GA SHAGAWP 22:29

Bungli galaw kangka ai masha ngai hpe madun dan e; shaloi, hkawhkam ni a manang tai ging ai hte kaga ni law law hta kaja htum ai wa hpe nang hpe madun na nngai.

TARA AGYI 8:32

Yoasha a kasha Gidon gaw aprat ugut gu nna si mat sai. Dai rai nna Abieza lakung lama a mare ngu na Ohpra na shi a kawa Yoasha a lup hta shi hpe makoi mayang da ma ai.

1 SAMUELA 17:58

Shawlu gaw shi hpe, “Shabrang wa e, nang kade kasha rai n ta?,” ngu nna san wu ai. Shaloi Dawi mung, “Ngai gaw Betlehem mare na na a shangun ma Yese a kasha rai nga nngai,” ngu nna htan wu ai.