2 SAMUELA 2:27 - Jinghpaw Common Language Bible 2009

²⁷ Yoab gaw, “Nang n tsun shadum taw gaw, hpang jahpawt du hkra pyi, nye a masha ni nanhte hpe naw a shachyut nga na mara ai, ngu let ahkrung nga ai Karai Kasang hta ngai dagam shaka nngai,” ngu nna htan wu ai.

Jinghpaw Hanson Version Bible

²⁷ Yoab mung, “Karai Kasang hkrung nga ai hte maren, nang n shadum taw gaw, nhtoi htoi jang she, hpunau ni hpe n shachyut ai nga na ma ai,” nga nna htan let,

2 SAMUELA 2:27 ပူးပေါင်းရင်းမြစ်များ

2 SAMUELA 2:14

Abna gaw Yoab hpe, “Laknak lang nna htim malan shingjawng ginsup dan na matu lahkawng maga na shabrang ni hpe rawt shangun ga,” ngu nna tsun wu ai. Yoab mung, “Mai sa, rawt yu mu ga,” ngu nna htan wu ai.

2 SAMUELA 2:26

Abna gaw Yoab hpe shaga shapraw la nna, “Anhte gaw htani htana a gasat nga na saga ai kun? Hpang jahtum e chyawm gaw ahkup ahka nga ai hta jan nna hpa mung n nga mat na ra ai hpe nang n mu da wu ni? Anhte gaw hpu nau shada da wa she rai nga ga ai mi, na a masha ni anhte hpe n shachyut ai sha bai nhtang wa shangun kau na lam nang n hkang da nga ndai gaw, galoi du hkra nga nga na rai wu ni?,” ngu nna san wu ai.

2 SAMUELA 2:28

Yoab mung shi a masha ni Israela masha ni hpe n hkan shachyut na matu pahtau dum let masat kumla madun dat wu yang, dai gasat gala ai gaw hkring mat nga ai.

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

GA SHAGAWP 17:14

Dangrang ai a npawt gaw dim da ai namhpai hta kachyi mi sharut gyi ai zawn rai nga ai; dangrang ai lam garai n sawng yang jahkring da u.

GA SHAGAWP 20:18

Kaja ai hpaji jaw ga hpe hkam la u, shaloi nang awng dang wa na ra ai; hkyen lajang ai lam n nga ai sha majan de hkum htim kapa shang wa, majan hkum baw hkawm et.

GA SHAGAWP 25:8

Lama ma byin ai hpe nang mu hkrup yang tara rung de sa tang na hkum tin. Nang shut ai lam hpe hpang e kaga masha wa sakse hkam yang, nang kaning di na ngu n ta?

ESAIA 47:7

Nang gaw prat ting na hkawhkam jan zawn myit nawn kau nga ndai, na a myit masin hta ndai amu ni hpe n myit ndai, dai amu gara hku htum mat na hpe nang n myit ndai.

1 SAMUELA 25:26

Na a gumlau hpyen ni hpe sat na hte matai htang mayu nga ai kaw na, dai Madu nang hpe hkum da nga nit dai majaw, na a gumlau hpyen ni hte nang hpe machyi shangun mayu ai ni yawng gaw Nabala zawn ari jaw ai hkrum nga mu ga, ngu nna ahkrung nga ai dai Madu hta ngai dagam da nga nngai.