2 SAMUELA 2:26 - Jinghpaw Common Language Bible 2009

²⁶ Abna gaw Yoab hpe shaga shapraw la nna, “Anhte gaw htani htana a gasat nga na saga ai kun? Hpang jahtum e chyawm gaw ahkup ahka nga ai hta jan nna hpa mung n nga mat na ra ai hpe nang n mu da wu ni? Anhte gaw hpu nau shada da wa she rai nga ga ai mi, na a masha ni anhte hpe n shachyut ai sha bai nhtang wa shangun kau na lam nang n hkang da nga ndai gaw, galoi du hkra nga nga na rai wu ni?,” ngu nna san wu ai.

Jinghpaw Hanson Version Bible

²⁶ Shaloi Abna gaw Yoab hpe jahtau nna, “Nhtu nshan dai tut tut a kawa sha nga na rai ni? Jahtum e hka ai sha hkrup na ra ai gaw, n chye wu ni? Dai masha ni tinang a hpunau ni hpe n shachyut ai, bai nhtang wa na lam nang n hpajang ai, galoi du hkra nga nga na wu ta?” ngu wu ai.

2 SAMUELA 2:26 ပူးပေါင်းရင်းမြစ်များ

2 SAMUELA 11:25

Dawi gaw dai kasa wa hpe, “Yoab hpe n-gun shakang nhtawm myit gawng n run na lam shi hpe tsun u; majan e kadai si na hpe kadai mung n lu tsun nga ai. Mare dai hpe tsam mari di gasat anin nna dai hpe madu la na lam shi hpe tsun u,” ngu nna tsun wu ai.

2 SAMUELA 2:14

Abna gaw Yoab hpe, “Laknak lang nna htim malan shingjawng ginsup dan na matu lahkawng maga na shabrang ni hpe rawt shangun ga,” ngu nna tsun wu ai. Yoab mung, “Mai sa, rawt yu mu ga,” ngu nna htan wu ai.

2 SAMUELA 2:16

Shanhte gaw shada da a baw hpe magra da nhtawm shada da a garep achyaw galun hkat ma ai rai nna shanhte yawng ngu na marai hkun mali hte rau sha kadawng si mat ma ai. Dai rai nna Gibeon mare na shara dai hpe, “Nhtu Ni A Pa Layang,” ngu nna shamying da nga ma ai.

2 SAMUELA 2:25

Benyamin amyu bawsang hta na masha ni gaw Abna a grup grup hta bai wa kahkyin nhtawm kawng pungding e wa tsap nga ma ai.

2 SAMUELA 2:27

Yoab gaw, “Nang n tsun shadum taw gaw, hpang jahpawt du hkra pyi, nye a masha ni nanhte hpe naw a shachyut nga na mara ai, ngu let ahkrung nga ai Karai Kasang hta ngai dagam shaka nngai,” ngu nna htan wu ai.

SHAKAWN KUNGDAWN 4:2

Amyu masha ni ngai hpe galoi du hkra n kaw n law di na myit ni? Akyu n rawng ai lam hpe nanhte tsaw ra nga nna, shut hpyit ai lam de galoi du hkra hkan nang na ngu myit ni?

GA SHAGAWP 17:14

Dangrang ai a npawt gaw dim da ai namhpai hta kachyi mi sharut gyi ai zawn rai nga ai; dangrang ai lam garai n sawng yang jahkring da u.

ESAIA 1:20

Rai ti mung nanhte ngai hpe ninghkap myit dai rai yang, nanhte gaw si ai dingnye lu na rai myit dai. Ngai dai Madu nan tsun ni ai,” ngu nna tsun ai.

YEREMIA 12:12

Nam mali hkan na tsaw ai kawng ni yawng hpe kashun kashe du daw sai hkaw amu galaw na matu masha ni du nga masai. Ngai gaw mungdan ting hpe jahten shabyak kau na matu majan baw dat ni ai; kadai mung ngwi pyaw sim sa ai hte nga lu na ra ai n rai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 4:21

Ngai gaw kade na hkra laja lana re ai majan hpe mu nna pahtau ngoi ai nsen hpe na lu na rai ta?

YEREMIA 46:10

Ndai gaw Chyahtum Chyalai N-gun Rawng ai Tsaw Htum ai dai Madu a shani rai nga ai: dai ni gaw shi matai dawp na ra ai; dai ni gaw shi a gumlau hpyen ni hpe ari jaw na ra ai. Shi a nhtu gaw hkru kat wa ai aten du hkra shanhte hpe sha kau na ra ai, shanhte a asai hpe myit dik hkra lu na ra ai. Chyahtum Chyalai N-gun Rawng ai Madu gaw dai ni e, dingdung maga Uhprat hka kau e shi a tsin-yam hkrum sha ai masha ni hpe nawng ya nga ai.

YEREMIA 46:14

“Egutu mung na mare ni rai nga ai Migdola, Memhpi hte Tahpan mare ni hta ndai shiga htawn tsun mu: dai gaw ‘Nanhte a hkum hpe makawp maga na matu jin jin rai nga mu; nanhte kaw nga ai ni yawng gaw hpyen majan hta shaza hkrum na rai myit dai!

HOSEA 11:6

Majan gaw shanhte nga ai mare ni hpe ye masawm mat wa nhtawm mare chyinghka ni hpe agrawp daw kau na ra ai. Shanhte gaw kaja htum ai hku myit nawn la nna galaw ma ai majaw shing re ai lam gaw nye a amyu masha ni hpe jahten kau na mara ai.

KASA 7:26

Hpang shani e Israela la lahkawng shada da gasat hkat nga ai hpe sa mu hkrup nna shi gaw shan a lapran e shangwi shapyaw htingram na matu, ‘hkau yan e, nan gaw hpu nau Israela shada she rai yang me, hpa rai gasat hkat nga myit ta?,’ ngu nna nem mu ai.