2 SAMUELA 2:19 - Jinghpaw Common Language Bible 2009

¹⁹ Abna hpe dingyang hkan shachyut nang nga ai.

Jinghpaw Hanson Version Bible

¹⁹ Ya Asahela mahtang, pai de hkra de n yit ai sha, Abna a hpang e shachyut nang nga ai.

2 SAMUELA 2:19 ပူးပေါင်းရင်းမြစ်များ

2 SAMUELA 2:18

Dai majan hta Zeruia a kasha masum rai nga ai Yoab, Abishai hte Asahela ni lawm nga ma ai. Asahela chyawm gaw chyahkyi zawn kagat chyang lu ai wa rai nna,

2 SAMUELA 2:20

Abna shingdu de kayin yu nhtawm, “Nang Asahela n rai n ni?,” ngu nna tsun wu yang, shi mung, “Rai nga nngai,” ngu nna htan dat wu ai.

2 SAMUELA 2:21

Abna gaw, “Ngai hpe hkum hkan shachyut sa! Hpyenla langai ngai a hpang e hkan shachyut nang nna shi lu ai hpe la u,” ngu nna tsun wu ai. Rai ti mung Asahela mahtang shi hpe sha hkan shachyut nang nga ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

2 SAMUELA 3:30

Shing rai Yoab hte shi a kanau Abishai yan gaw Gibeon mare na majan hta shan a kanau Asahela hpe sat kau ya ai majaw Abna hpe matai dawp la nga ma ai.

2 HKAWHKAM 22:2

Yoshia gaw dai Madu awng sharawng ai amu hpe galaw nna shi a kaji kawa Hkawhkam Dawi a kasi kamang hta hkan let Karai Kasang a tara ni yawng hpe ja ja madat mara nga ai.

GA SHAGAWP 4:27

N hkru ai hpe koi kau nna, lam dingyang hkawm sa nga u; ding man ai lam kaw nna lahkam mi pyi, hkum yit mat et.

YAWSHU 1:7

Myit jahkut daw dan nna kam hpa u; nye a shangun ma Mawshe nang hpe jaw ya sai Tara mahkra hpe teng teng madat mara hkan sa na rai ndai. Dai tara daw chyen mi hpe pyi n gawn n sawn hkum di kau et; shing rai jang, nang du hkawm ai shara shagu hta awng dang ai chyeju hkam la lu na rai ndai.

YAWSHU 23:6

Dai rai nna Mawshe a Tara Laika hta ka da sai lam magup hte hpe sadi sahka hte madat mara let hkan galaw shatup nga mu. Kaning re ai tara daw hpe mung n gawn n sawn hkum rai myit.