2 SAMUELA 2:18 - Jinghpaw Common Language Bible 2009

¹⁸ Dai majan hta Zeruia a kasha masum rai nga ai Yoab, Abishai hte Asahela ni lawm nga ma ai. Asahela chyawm gaw chyahkyi zawn kagat chyang lu ai wa rai nna,

Jinghpaw Hanson Version Bible

¹⁸ Dai majan hta Zeruia kasha ni masum, Yoab, Abishai, Asahela hte lawm ma ai: Asahela gaw nam shan zawn laram ai wa rai nga ai.

2 SAMUELA 2:18 ပူးပေါင်းရင်းမြစ်များ

2 SAMUELA 1:23

“Shawlu hte Yonahtan grai mau na zawn hkrung nga dingsa tsaw ra nja; si wa ai mung ndaw nhka, galang ni hta grau laram, hkanghkyi ni hta grau ningtsam rawng nga ai.

2 SAMUELA 14:1

Yoab chyawm gaw Hkawhkam Dawi Absalom hpe nachying dum marit nga ai hpe chye yu wu ai rai nna,

2 SAMUELA 2:19

Abna hpe dingyang hkan shachyut nang nga ai.

2 SAMUELA 22:34

Shi gaw ngai hpe shan nga lagaw zawn shangang shakang ya nna, shi gaw ngai hpe bum ni a ntsa e shim hkra bau sin ya nga ai.

2 SAMUELA 23:24

Dai “Share Sumshi” hta lawm ai kaga masha ni gaw: Yoab a kanau Asahela Betlehem mare na Dodo a kasha Elhanan Harod amyu na Shama hte Elika Pelet amyu na Heleza Tekoa mare na Ikesha a kasha Ira Anahtot mare na Abieza Husha amyu na Mebunai Aho amyu na Zalmon Nehtohpa amyu na Maharai Nehtohpa lakung na Bana a kasha Heleb Benyamin mung, Gibea mare na Ribai a kasha Itai Pirahton amyu na Benaia Gasha makau kadit na Hidai Araba amyu na Abialabon Bahurim amyu na Azmawet Shalabona amyu na Eliaba Yashen a shadang sha ni Yonahtan Hara amyu na Shama Hara amyu na Shara a kasha Ahiam Mahka amyu na Ahabai a kasha Elihpelet Gilo amyu na Ahihtohpela a kasha Eliam Hkarmela amyu na Hezro Arab amyu na Parai Zoba mare na Nahtan a kasha Igala Gad amyu na Bani Amon masha Zelek Yoab a hpyen hking lang ya ai Bero amyu na Naharai Yatira amyu na Ira hte Gareb Hiti masha Uria Gumhkawng ai share hpyenla ni yawng marai sumshi sanit rai nga ai.

1 HKAWHKAM 2:5

“Dai hta kaga lama mi naw nga nga ai, dai gaw Israela a hpyen luksuk ni hpe up hkang ai du lahkawng ngu na Nera a kasha Abna hte Yehtera a kasha Amasa yan hpe sat kau nna Yoab ngai hpe galaw ai lam nang dum na ndai. Bai majan byin ai aten hta shanhte galaw shapraw dat ai si hkrung si htan amu a matu ngwi pyaw simsa ai aten hta matai dawp nna shan hpe shi kaning rai sat kau ai hpe mung adum nga u. Shi gaw mara n kap ai masha ni hpe sat kau nu ai rai nna shi galaw ai amu a matu ngai hta lit lu nga nngai a majaw dai mara a nni nkri hpe ngai hkam sha nga nngai.

1 HKAWHKAM LABAU 11:26

Ndai ni gaw laklai ningtawn ai hpyenla ni rai nga ma ai: Yoab a kanau Asahela Betlehem mare na Dodo a kasha Elhanan Harod mare na Shamot Pelet mare na Heleza Tekoa mare na Ikesha a kasha Ira Anahtot mare na Abieza Husha mare na Sibehkai Aho mare na Ilai Nehtohpa mare na Maharai Nehtohpa mare na Bana a kasha Heleb Benyamin mung, Gibea mare na Ribai a kasha Itai Pirahton mare na Benaia Gasha makau kadit na Hurai Araba mare na Abiela Bahurum mare na Azmawet Shalabona mare na Eliaba Gizon mare na Hashem Hara mare na Shage a kasha Yonahtan Hara mare na Sahkara a kasha Ahiam Ura a kasha Elihpala Mehkera kaw na Hehpera Pelon mare na Ahiya Hkarmela mare na Hezro Ezbai a kasha Narai Nahtan a kanau Yoela Hagari a kasha Mibhara Amon mung na Zelek Yoab a laknak hpai ya ai Berot mare na Naharai Yatira mare na Ira hte Gareb Hiti masha Uria Alai a kasha Zabad Shiza a kasha Adina (Shi hte rau nga ai hpyenla sumshi hte rau Rubin amyu bawsang ni a ningbaw ni hta lawm ai wa re) Mahka a kasha Hanan Mihtan mare na Yoshahpat Ashtera mare na Uzia Aroera mare na Hohtam a kasha Shama hte Yiela Tiza mare na Shimri a kasha Yediela hte Yoha Mahawa mare na Eliela Elnam a kasha Yeribai hte Yoshawi Moba mung na Itma Zoba mare na Eliela, Obed hte Yesiela hte rai ma ai.

1 HKAWHKAM LABAU 12:8

Ndai gaw Dawi nga ai nam mali hpyen dap hta Dawi a hpyen hpung ni de shang mat wa ai Gad a amyu bawsang hta na gumhkawng nna mahkrum madup law ai hpyenla ni a mying rai nga ai. Shanhte gaw hpyen majan amu chye galaw nna ri ninggang chye lang nga ma ai; shanhte gaw hkanghkyi ni zawn myi dai nna bum ga na shan nga zawn gat laram chye nga ma ai.

1 HKAWHKAM LABAU 12:9

Shanhte gaw ndai mying hku hkan nna arawng aya hkam la nga ma ai; dai ni gaw Ezera, Obadia, Eliaba, Mishmana, Yeremia, Atai, Eliela, Yohanan, Elzabad, Yeremia hte Makbanai ni rai ma ai.

SHAKAWN KUNGDAWN 18:33

Shan nga lagaw gaw ngang ai zawn, shi gaw ngai hpe shangang ya nna; bum ni a ntsa e, ngai hpe shi bau sin makawp maga ya nga ai.

HPAJI NINGLI 9:11

Ndai mungkan ga hta kagat chyang ai ni shingjawng poi hta tut nawng dang ai n rai; share shagan hpyenla ni hpyen majan hta tut nawng dang ai n rai; hpaji rawng ai ni lusha shahpa tut nawng lu ma ai n rai, zai hpaji rawng ai ni tut nawng sut su ai n rai; atsam rawng ai ni tsaw ai madang de tut nawng rawt lung wa ai n rai. N kaja ai gam maka gaw masha shagu hta nga ai lam hpe ngai dum chye nngai.

Shawlumon A Mahkawn Ga 2:17

jahpawt bungli bung wa ai aten kaw nna nsin garai n sin ai aten du hkra shayaw da nga ai. Nye a tsaw ra wa e, chyahkyi zawn mung, Behtera bum ntsa na shan-nga zawn mung nhtang wa rit.

Shawlumon A Mahkawn Ga 8:14

Ngai tsaw ra ai wa e, manam pyaw ai namji namya ni tu ai bum ni kaw nna shannga hte chyahkyi hkalung zawn ngai hpang de sa wa rit.

AMO LAIKA (AMOS) 2:14

Kagat chyang ai ni pyi hprawng lawt lu na n rai; n-gun ja ai masha ni shanhte a n-gun htum mat na mara ai; hpyenla ni mung tinang asak hkrang shaw la lu na ma ai n rai.

HABAKU 3:19

Tsaw Htum ai dai Madu gaw ngai hpe n-gun jaw nga ai. Shi gaw ngai hpe shannga lagaw zawn shangang ya nna, ngai hpe bum ntsa hkan e shim nga shangun nga ai.

1 SAMUELA 26:6

Dai hpang, Dawi gaw Hiti masha Ahimelek hte Yoab a kanau Abishai, (shan a kanu gaw Zeruia rai nga ai) yan hpe, “Nan hta na kadai mahtang Shawlu a dap de ngai hte rau sa na myit ni?,” ngu nna san wu yang, Abishai mahtang, “Ngai hkan na nngai,” ngu nna htan wu ai.